ពងស្វាស គឺជាសរីរាង្គបន្តពូជបុរស ដែលស្ថិតក្នុងថង់ពងស្វាស និងមាននាទីផលិតអ៊័រម៉ូនភេទប្រុស និងមេជីវិតឈ្មោល ដើម្បីបន្តពូជដែរ។ បើយើងធ្វើការប្រៀបធៀបនឹងមហារីករីកផ្សេងៗទៀតនោះ ជំងឺមហារីកពងស្វាស កម្រនឹងកើតមានណាស់ ។…
ពងស្វាស គឺជាសរីរាង្គបន្តពូជបុរស ដែលស្ថិតក្នុងថង់ពងស្វាស និងមាននាទីផលិតអ៊័រម៉ូនភេទប្រុស និងមេជីវិតឈ្មោល ដើម្បីបន្តពូជដែរ។ បើយើងធ្វើការប្រៀបធៀបនឹងមហារីករីកផ្សេងៗទៀតនោះ ជំងឺមហារីកពងស្វាស កម្រនឹងកើតមានណាស់ ។ ប៉ុន្តែជំងឺនេះភាគច្រើនកើតលើបុរសជនជាតិអាមេរិកអាយុចាប់ពី១៥ ទៅ៣៥ឆ្នាំ ។
មហារីកពងស្វាសអាចព្យាបាលបាន ទោះបីជាមហារីករាលដាលពេញពងស្វាសហើយក៏ដោយ ។ ដោយយោងទៅតាមប្រភេទ និងដំណាក់កាលរបស់មហារីកពងស្វាស អ្នកប្រហែលជាត្រូវការព្យាបាលច្រើនដង ឬមានការព្យាបាលរួមគ្នាច្រើន ។ ការពិនិត្យពងស្វាសដោយខ្លួនឯងជាទៀងទាត់ អាចជួយសម្គាល់ដឹងថា មានការលូតលាស់មហារីកទាន់ពេលវេលា ហើយក៏ជួយឲ្យការព្យាបាល ជោគជ័យខ្ពស់ដែរ ។
ជំងឺមហារីកពងស្វាស គឺគ្មានវិធីអាចបង្ការបានទេ ។ គ្រូពេទ្យខ្លះណែនាំឲ្យពិនិត្យពងស្វាសជាទៀងទាត់ ដើម្បីសម្គាល់ឲ្យដឹងអំពីមហារីកពងស្វាស ស្ថិតក្នុងដំណាក់កាលដំបូងបំផុត ។ ប៉ុន្តែគ្រូពេទ្យទាំងអស់ មិនយល់ស្របអំពីរឿងនេះទេ ។ ដូច្នេះអ្នកគួរតែពិគ្រោះជាមួយគ្រូពេទ្យ ថាគួរធ្វើយ៉ាងណាទើបសាកសមសម្រាប់អ្នក ។
ដើម្បីអាចធ្វើការពិនិត្យបាន អ្នកគួរតែធ្វើទៅតាមរបៀប ដូចខាងក្រោមនេះ៖
•ឈរមុខកញ្ចក់ ហើយរកមើលការហើមផ្សេងៗ របស់ស្បែកថង់ពងស្វាស
•ពិនិត្យពងស្វាស នីមួយៗ ដោយប្រើដៃទាំងសងខាង ។ ចូរដាក់ចង្អុលដៃ និងម្រាមកណ្តាល នៅខាងក្រោមថង់ពងស្វាស ហើយមេដៃដាក់នៅខាងលើវិញ ។
•ចូរលុញពងស្វាសឲ្យទង្គិចគ្នា នៅចន្លោះមេដៃ និងម្រាមដៃ ។ ចូរចាំថា ពងស្វាសតែងតែមានភាពរលោង រាងដូងពងក្រពើ និងរឹង ។ វាគឺជារឿងធម្មតាទេ ដែលពងស្វាសម្ខាងធំជាងម្ខាង ។
ជាមួយគ្នានេះដែរ ទងរបស់ពងស្វាស គឺស្ថិតនៅខាងលើ ។ ការពិនិត្យពងស្វាសបែបនេះ ជាទៀងទាត់នឹងអាចផ្លាស់ប្តូរការព្រួយបារម្ភរបស់អ្នកបាន ។ បើសិនជាអ្នករកឃើញមានដុំណាមួយក្នុងពេលពិនិត្យនោះ ចូរណាត់ជួបជាមួយគ្រូពេទ្យភ្លាម ៕
ចែករំលែកព័តមាននេះ