ខេត្តកំពត ៖ មានករណីគ្រោះថ្នាក់ចរាចរណ៍ដ៏កម្រមួយ បន្ទាប់ពីស្ត្រីចំណាស់ម្នាក់ មានជំងឺសរសៃ ប្រសាទ បានទៅដេកលើផ្លូវរថភ្លើង ហើយត្រូវរថភ្លើងកិនដាច់ជាពីរកំណាត់ស្លាប់យ៉ាងអាណោចអាធ័មបំផុត កាលពីវេលាម៉ោងប្រមាណ១រំលងអធ្រាត្រយប់ថ្ងៃទី១៩ ខែមីនា…
ខេត្តកំពត ៖ មានករណីគ្រោះថ្នាក់ចរាចរណ៍ដ៏កម្រមួយ បន្ទាប់ពីស្ត្រីចំណាស់ម្នាក់ មានជំងឺសរសៃ
ប្រសាទ បានទៅដេកលើផ្លូវរថភ្លើង ហើយត្រូវរថភ្លើងកិនដាច់ជាពីរកំណាត់ស្លាប់យ៉ាងអាណោចអាធ័មបំផុត កាលពីវេលាម៉ោងប្រមាណ១រំលងអធ្រាត្រយប់ថ្ងៃទី១៩ ខែមីនា ស្ថិតក្នុងភូមិត្រពាំងព្រីង ឃុំត្រពាំងព្រីង ស្រុកទឹកឈូ ។
សមត្ថកិច្ចបានឱ្យដឹងថា ស្ត្រីរងគ្រោះខាងលើ មានឈ្មោះ ឈិត ផេង អាយុ៧៨ឆ្នាំ មានទីលំនៅក្នុងភូមិកើតហេតុ ។ ស្ត្រីរងគ្រោះបានចេញពីផ្ទះកាលពីពេលល្ងាច ហើយដោយបាត់មិនឃើញមកផ្ទះវិញ កូនៗក៏នាំគ្នាដើររកដែរតែរកមិនឃើញ ។ លុះព្រឹកឡើង ទើបមានអ្នកដំណើរក្នុងភូមិឃើញសពស្ត្រីចំណាស់រូបនេះ ត្រូវរថភ្លើងកិនដាច់ជាពីរយ៉ាងអាណោចអាធ័ម ។
តាមការសន្និដ្ឋាន គឺស្ត្រីរងគ្រោះត្រូវរថភ្លើងកិនស្លាប់តាំងពីម៉ោងប្រហែល១រំលងអធ្រាត្រ ខណៈមានរថភ្លើងមួយខ្សែចេញពីភ្នំពេញ ឆ្ពោះទៅកាន់ខេត្តព្រះសីហនុ ។ ក្រោយពីពិនិត្យសព សមត្ថកិច្ចក៏បានប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី ។
ចែករំលែកព័តមាននេះ