រាជធានីភ្នំពេញ ៖ បុរសម្នាក់ជិះម៉ូតូមួយគ្រឿងបោះពួយយ៉ាងលឿនជ្រុលទៅបុករបាំងថ្មដែលគេដាក់បាំងការដ្ឋានសាងសង់ផ្លូវ បណ្ដាលរងរបួសធ្ងន់ ហេតុការណ៍នេះកើតឡើងកាលពីវេលាម៉ោង០៩យប់ ថ្ងៃទី២១ ខែមីនា ឆ្នាំ២០១៨ ត្រង់ចំណុចខាងត្បូងស្តុបណត់ប្រ៊ីច ប្រមាណ៣០០ម៉ែត្រ…
រាជធានីភ្នំពេញ ៖ បុរសម្នាក់ជិះម៉ូតូមួយគ្រឿងបោះពួយយ៉ាងលឿនជ្រុលទៅបុករបាំងថ្មដែលគេដាក់បាំងការដ្ឋានសាងសង់ផ្លូវ បណ្ដាលរងរបួសធ្ងន់ ហេតុការណ៍នេះកើតឡើងកាលពីវេលាម៉ោង០៩យប់ ថ្ងៃទី២១ ខែមីនា ឆ្នាំ២០១៨ ត្រង់ចំណុចខាងត្បូងស្តុបណត់ប្រ៊ីច ប្រមាណ៣០០ម៉ែត្រ ស្ថិតក្នុងសង្កាត់អូបែកក្អម ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសម្នាក់ជិះម៉ូតូមួយគ្រឿងម៉ាកហុងដាឌ្រីម ស៊េរី២០១៤ ពណ៌ខ្មៅ ពាក់ផ្លាកលេខ ភ្នំពេញ ១CH-៦៤០៨ ធ្វើដំណើរតាមបណ្ដោយផ្លូវណតប្រ៊ីច ទិសដៅពីជើងទៅត្បូង និងក្នុងល្បឿនយ៉ាងលឿន ។ លុះមកដល់ចំណុចកើតហេតុដែលមានការដ្ឋានសាងសង់ផ្លូវ និងផ្លូវមានស្ថានភាពងងឹតថែមទៀតផង ពេលនោះម៉ូតូខាងលើក៏បានជ្រុលទៅបុករបាំងថ្មគេដាក់បាំងការដ្ឋានសាងសង់ផ្លូវដោយមិនមានដាក់សញ្ញា និងភ្លើងសម្គាល់អ្វីនោះទេ បណ្ដាលឲ្យម៉ូតូហោះប្លោងជិត១០ម៉ែត្រ រងការខូចខាតផ្នែកខាងមុខយ៉ាងដំណំ ចំណែកឯអ្នកបើកបរសន្លប់ស្តូកស្តឹង ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯគ្លីនិកឯកជន ។
ក្រោយពេលកើតហេតុ សមត្ថកិច្ចមូលដ្ឋានបានចុះមកយកម៉ូតូខាងលើទៅរក្សាទុកនៅអធិការដ្ឋាននគរបាលខណ្ឌសែនសុខ ដើម្បីរងចាំសាច់ញាតិមកយកត្រលប់ទៅវិញនៅពេលក្រោយ ៕
ចែករំលែកព័តមាននេះ