ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងទៀតថា គិតមកត្រឹមម៉ោងជាង៥ល្ងាច ថ្ងៃទី18 ខែមីនា ឆ្នាំ២០១៨ នេះ ជនសង្ស័យ៣រូបត្រូវបានឃាត់ខ្លួនពាក់ព័ន្ធករណីសម្លាប់នារីម្នាក់ ដោយកាប់ចិញ្ច្រាំឡើងសុះសាច់ញាត់ចូលក្នុងធុងទឹកកកយ៉ាងសាហាវព្រៃផ្សៃនោះទេ ។
សេចក្តីរាយការណ៍បន្តទៀតថា ជនដៃដល់ឈ្មោះ សឿ សុផេង ភេទប្រុស អាយុ៣១ឆ្នាំ ស្នាក់នៅផ្ទះជួល ស្ថិតក្នុងភូមិស្លែងរលើង សង្កាត់អូរបែកក្អម ខណ្ឌសែនសុខ ប្រពន្ធជនសង្ស័យឈ្មោះ ឌី អាយុ២៥ ឆ្នាំ និងប្អូនប្រុសជនដៃដល់ឈ្មោះ សឿ ចាន់អូន ក៏ត្រូវបានឃាត់ខ្លួនយកមកសាកសួរផងដែរ ។
សេចក្តីរាយការណ៍បន្ថែមថា ជនសង្ស័យដែលត្រូវជាប្អូនរបស់ជនដៃដល់ ត្រូវបានឃាត់ខ្លួនដោយសារជននេះបានយកម៉ូតូម៉ាក ZOOMMER របស់នារីរងគ្រោះទៅលក់ ។
សូមបញ្ជាក់ថា សមត្ថកិច្ចគឺឃាត់ខ្លួនជនសង្ស័យ៣នាក់ គឺម្នាក់ជាបងជនដៃដល់ ប្រពន្ធជនសមគំនិត និងប្អូនប្រុសជាជនសមគំនិត ។
គួរលឹកថា ស្ត្រីរងគ្រោះឈ្មោះ យឿន ធានី អាយុ២៨ឆ្នាំ មានស្រុកកំណើតនៅភូមិក្រូចសើច ឃុំហាន់ជ័យ ស្រុកកំពង់សៀ ម ខេត្តកំពង់ចាម មានឪពុកឈ្មោះ យិន យឿន អាយុ៦៨ឆ្នាំ និងម្តាយឈ្មោះ ផល សៀន អាយុ៦៤ឆ្នាំ។ នារីរងគ្រោះត្រូវឃាតករដៃឆៅបានកាប់ចិញ្ច្រាំនារីរងគ្រោះយ៉ាងសុះសាច់ទាំងអាក្រាតកាយ រួចញាត់ចូលក្លាស្សេក្នុងធុងទឹកកកយកទៅទម្លាក់ចោលនៅក្បែរស្ពាន ស្ថិតក្នុងស្រុកខ្សាច់កណ្ដាល បង្កឱ្យមានការភ្ញាក់ផ្អើលនៅម៉ោង២និង២៤នាទីរសៀលថ្ងៃទី១៦ ខែមីនា ឆ្នាំ២០១៨នេះ បន្ទាប់ពីប្រជាពលរដ្ឋប្រទះឃើញធុងទឹកកកចាក់សោពណ៌ខ្មៅទុកចោលក្បែរស្ពាន ដោយមានការសង្ស័យក៏រាយការណ៍ទៅអាជ្ញាធរសមត្ថកិច្ចបើកពិនិត្យមើល។ ហើយវត្ថុតាងដែលរកឃើញដូចជា មួកសុវត្ថិភាព១ កាបូបដៃ១ ក្នុងនោះមានស៊ីមទូរស័ព្ទ១ កាំបិតចិតបន្លែចុងស្រួចដងធ្វើពីឈើបាក់ផ្លែ១ អាវពណ៌លឿង១ ខ្សែភ្លើងមានឌុយដាក់ក្នុងថង់ប្លាស្ទិក១ អាវទ្រនាប់ពណ៌ផ្កាឈូក១ ដបទឹកបរិសុទ្ធ១ រ៉ូបពណ៌ផ្កាឈូក១មានប្រឡាក់ឈាម កន្សែងពោះគោពណ៌សឆ្នូត១ ម៉ាសពណ៌ខៀវ១ ស្បែកជើងស្រី១គូ និងស្បៃដុសខ្លួន១។
គួររំឭកទៀតថា នៅលើមុខសព និងស្មាខាងស្តាំមានស្នាមបាញ់ស្ព្រាយ (ថ្នាំពណ៌ខ្មៅ ) ស្នាមរបួសត្រង់គុម្ពត្រចៀកខាងស្តាំមុតរយះដល់ថ្ពាល់ ដាច់រយះសៀតថ្កាខាងស្តាំ រលាត់ស្បែកដើមដៃទាំងសងខាង មានស្នាមមុតនៅលើទ្រូង និងលើពោះ២០កន្លែង ធ្លុះ៧កន្លែង ឈាមហូរចេញពីមាត់ បាក់ឆ្អឹងចង្ការ របូតធ្មេញដាក់ខាងក្រោម របួសបបូរមាត់ខាងស្តាំ១កន្លែង របួសច្រមុះខាងស្តាំ១កន្លែង ស្នាមរោលខ្លោចរលាត់ស្បែកខាងក្រោយខ្នង ស្នាមរោលខ្លោចកំបះគូថទាំងសងខាង ស្នាមរោលខ្លោចរលាត់ស្បែកកំភួនជើងទាំងសងខាង ស្នាមជាំភ្លៅឆ្វេង១កន្លែង និងរលាត់ស្បែកជង្គង់ខាងស្តាំ១កន្លែង។ ដែលករណីនេះសមត្ថកិច្ចបានសន្និដ្ឋានបឋមថា ជាករណីឃាតកម្មដោយការធ្វើទារុណកម្មសម្លាប់រួចដាក់ក្នុងធុងទឹកកយកមកទម្លាក់ចោល៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ