ខេត្តបន្ទាយមានជ័យ ៖ ស្នងការដ្ឋាននគរបាលខេត្តបន្ទាយមានជ័យ អបអរសាទរខួបលើកទី១០៧ ទិវាអន្តរជាតិនារី ៨ មីនា ២០១៨ នៅស្នងការដ្ឋាននគរបាលខេត្តបន្ទាយមានជ័យ នៅថ្ងៃទី១៦…
ខេត្តបន្ទាយមានជ័យ ៖ ស្នងការដ្ឋាននគរបាលខេត្តបន្ទាយមានជ័យ អបអរសាទរខួបលើកទី១០៧ ទិវាអន្តរជាតិនារី ៨ មីនា ២០១៨ នៅស្នងការដ្ឋាននគរបាលខេត្តបន្ទាយមានជ័យ នៅថ្ងៃទី១៦ ខែមីនា ឆ្នាំ២០១៨ បានរៀបចំពិធីអបអរសាទរខួបលើកទី១០៧ ទិវាអន្តរជាតិនារី ៨ មីនា ២០១៨ ក្រោមប្រធានបទ «ស្ត្រីរួមគ្នារក្សាសន្តិភាពដើម្បីអភិវឌ្ឍន៍ជាតិ» ក្រោមអធិបតីភាព លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងមានការចូលរួមពីអស់លោក លោកស្រី ឧត្តមសេនីយ៍ វរសេនីយ៍ ជាស្នងការរង នាយ-នាយរងការិយាល័យ នាយ-នាយរងផ្នែក និងមន្ត្រីនគរបាលសរុបជាង២០០នាក់ ។
លោកឧត្តមសេនីយ៍ទោ អាត់ ខែម មានប្រសាសន៍ថា ការរៀបចំខួបលើកទី១០៧ ទិវាអន្តរជាតិនារី ៨ មីនា ២០១៨ ដោយស្នងការដ្ឋាននគរបាលខេត្ត ជាប់ការងារមមាញឹក ក៏បានសម្រេចធ្វើនាពេលនេះ បន្ទាប់ពីយើងបានគោរពទង់ជាតិរួចនាថ្ងៃសុក្រ ។
លោកឧត្តមសេនីយ៍ទោ អាត់ ខែម បានថ្លែងទៀតថា ការប្រារព្ធទិវានេះឡើងក្នុងគោលបំណង បន្តរំលេចពីតម្លៃ នៃសន្តិភាព និងការលើកកម្ពស់វប្បធម៌អហិង្សាដែលរាជរដ្ឋាភិបាល បាននឹងកំពុងគាំទ្រ និងជំរុញឲ្យមានការចូលរួមពីគ្រប់ស្ថាប័ន រួមទាំបុរស និងស្ត្រី ដើម្បីវឌ្ឍនៈភាពសង្គមឆ្ពោះទៅលើកកម្ពស់សិទ្ធ ស្ថានភាពជីវភាព ឋានៈ តួនាទីរបស់ស្ត្រី ក៏ដូចជាសុខុមាលភាពសង្គម ដោយធ្វើការទប់ស្កាត់ និងកាត់បន្ថយអំពើហិង្សា ព្រមទាំងដោះស្រាយជម្លោះនានាដោយសន្តិវិធី ។
លោកស្នងការបានបន្តថា សមភាពយេនឌ័រ និងការបង្កើតភាពអង់អាចដល់ស្ត្រី គឺជាកត្តារួមចំណែកធ្វើឲ្យសន្តិភាព និងវឌ្ឍនភាពយូរអង្វែងរបស់សង្គមជាតិ ។ ក្នុងនោះ សុខសន្តិជាកត្តាសត្យានុម័ត និងមានសារៈសំខាន់ណាស់ ដែលជាបំណងប្រាថ្នារបស់បុគ្គលគ្រប់រូប គ្រប់វ័យ ព្រោះបើមានសន្តិភាព មានការអភិវឌ្ឍលើគ្រប់វិស័យ និងគ្រប់ទីកន្លែង ។ ផ្ទុយទៅវិញ ជម្លោះ និងអំពើហិង្សា ជាឧបសគ្គនៃវឌ្ឍនៈភាពសេដ្ឋកិច្ច សង្គមរបស់ប្រទេសយើង ហើយធ្វើឲ្យប៉ះពាល់ដល់សុខុមាលភាពផ្លូវចិត្ត អារម្មណ៍ និងធ្វើឲ្យរាងកាយរបស់បុគ្គល ជាពិសេសអំពើហិង្សាលើស្រី្ត គឺជាអំពើរំលោភសិទ្ធមនុស្សដែលយើងទាំងអស់គ្នាមិនអាចទទួលយកបាន ហើយជះឥទ្ធិពលអវិជ្ជាមានយ៉ាងខ្លាំងទៅលើស្ត្រី និងកូនចៅរបស់ពួកគេដែលបន្សល់ទុកនូវផលវិបាកដ៏អាក្រក់រាប់ជំនាន់សម្រាប់ស្ត្រីកម្ពុជា ។ នៅក្នុងឱកាសនោះដែរ លោកឧត្តមសេនីយ៍ស្នងការបានឧបត្ថម្ភថវិកាផ្ទាល់ខ្លួនដល់នគរបាលជានារីចំនួន៤៥នាក់ ក្នុងនោះមកពីអធិការដ្ឋាននគរបាលក្រុងសិរីសោភ័ណ៣នាក់ ដោយម្នាក់ៗទទួលបានថវិកា៤ម៉ឺនរៀល និងសារុងម្នាក់ចំនួន២ផងដែរ ៕
ចែករំលែកព័តមាននេះ