ខេត្តព្រះសីហនុ ៖ តាមរបាយការណ៍សមត្តិកិច្ចស្រុកកំពង់សិលា បានឲ្យដឹងថា នៅវេលាម៉ោង០៩និង៤០នាទីព្រឹក ថ្ងៃទី១៦ ខែមីនា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រ ១៤៦-១៤៧ ស្ថិតនៅក្នុងភូមិគីរីវ័ន្ត ឃុំស្ទឹងឆាយ ស្រុកកំពង់សិលា ខេត្តព្រះសីហនុ មានករណីគ្រោះថ្នាក់ចរាចរមួយកើតឡើង បង្កដោយខ្លួនឯង រថយន្ត១គ្រឿង ពណ៌ទឹកប្រាក់-ក្រហម ពាក់ផ្លាកលេខ ភ្នំពេញ ៣B-៧៤៤៣ សណ្ដោងរ៉ឺម៉កដឹកស៊ីទែនប្រេងឥន្ធនៈ ក្រុមហ៊ុនសូគីម៉ិច បើកបរដោយឈ្មោះ ងិន ពាន ភេទប្រុស អាយុ៣៨ឆ្នាំ មុខរបរអ្នកបើកបររថយន្ត មានទីលំនៅឃុំបែកចាន ស្រុកអង្គស្នួល ខេត្តកណ្ដាល មានទិសដៅពីខេត្តព្រះសីហនុ ឆ្ពោះទៅភ្នំពេញ លុះដល់ចំណុចខាងលើក៏បានគេចរ៉ឺម៉កដឹកចានឆ្នាំង រួចជ្រុលចង្កូតធ្លាក់ផ្លូវក្រឡាប់តែម្ដង ។ គ្រោះថ្នាក់នេះពុំបណ្ដាលឲ្យមានអ្នករងរបួសទេ ។ បច្ចុប្បន្នសមត្ថកិច្ចជំនាញ និងភាគីខាងក្រុមហ៊ុន កំពុងចាត់ចែងស្ទូចយកចេញពីកន្លែងកើតហេតុ និងកម្លាំងអធិការដ្ឋាននគរបាលស្រុកកំពង់សិលា បានយករថយន្តពន្លត់អគ្គិភ័យចំនួន១គ្រឿង បាញ់ទឹកឲ្យត្រជាក់កំពុងឲ្យមានការឆាបឆេះ ៕
ចែករំលែកព័តមាននេះ