នេះមែនក៏អី? មានស្ពាននិងផ្លូវដែកពីថៃមកកម្ពុជា
ប្រភពពីThe Nation បានឱ្យដឹងថា រដ្ឋមន្ត្រីដឹកជញ្ជូនថៃបានថ្លែង នៅក្នុងសិក្ខាសាលាមួយឈ្មោះថា «The GMS 25th Anniversary: Lessons…
ប្រភពពីThe Nation បានឱ្យដឹងថា រដ្ឋមន្ត្រីដឹកជញ្ជូនថៃបានថ្លែង នៅក្នុងសិក្ខាសាលាមួយឈ្មោះថា «The GMS 25th Anniversary: Lessons…
ប្រភពពីThe Nation បានឱ្យដឹងថា រដ្ឋមន្ត្រីដឹកជញ្ជូនថៃបានថ្លែង នៅក្នុងសិក្ខាសាលាមួយឈ្មោះថា «The GMS 25th Anniversary: Lessons Learned, and the Way Forward» ដែលរៀបចំឡើង ដោយធរនាគារអភិវឌ្ឍអាស៊ី កាលពីថ្ងៃទី១៤ មីនា ថា រដ្ឋាភិបាលប្រទេសថៃ បាននិងកំពុងតែធ្វើពាណិជ្ជកម្ម និងការវិនិយោគជាមួយបណ្តាប្រទេស នៅតាមបណ្តោយដងទន្លេមេគង្គ ។ រដ្ឋាភិបាលថៃ គ្រោងនឹងសង់ស្ពាននិងផ្លូវដែកថែមទៀត ដើម្បីភ្ជាប់ជាមួយប្រទេសជិតខាង ក្នុងនោះប្រទេសកម្ពុជា ដែលស្ថិតក្នុងអនុតំបន់ទន្លេមេគង្គ ដើម្បីបញ្ចៀសការកកស្ទះចរាចរណ៍ នៅតាមតំបន់ច្រកទ្វារព្រំដែនសំខាន់ៗ ។
លោក Arkhom Termpittayapaisit បានថ្លែងថា បញ្ហាកកស្ទះចរាចរណ៍កំពុងតែកើតមាននៅតំបន់ Aranyaprathet នៅខេត្តស្រះកែវ ដែលជាប់នឹងព្រំប្រទល់កម្ពុជា ។ ដូច្នេះ ទើបរដ្ឋាភិបាលរបស់លោកសម្រេចបញ្ចេញគម្រោងការសាងសង់ស្ពាន និងផ្លូវដែកបន្ថែមនៅទីនោះតែម្តង ។
ពាក់ព័ន្ធនឹងគម្រោងផ្លូវដែកតភ្ជាប់ពីខេត្តស្រះកែវ-ស៊ីសុផុន-ប៉ោយប៉ែត ខេត្តបន្ទាយមានជ័យ លោក Arkhom បានឱ្យដឹងទៀតថា ការសាងសង់នឹងបញ្ចប់រួចរាល់ជាស្ថាពរហើយបើកឱ្យដំណើរការរថភ្លើងឆ្លងកាត់នៅចុងឆ្នាំ២០១៨នេះ ។ លោករដ្ឋមន្ត្រីបន្តថា ថៃបានត្រៀមទឹកកញ្ចប់ទឹកប្រាក់ប្រមាណ២ពាន់លានបាត ឬជាង៦៤ពាន់លានដុល្លារអាមេរិក សម្រាប់វិនិយោគលើហេដ្ឋារចនាសម្ព័ន្ធដឹកជញ្ជូនក្នុងរយៈពេល៥ឆ្នាំ ។
ទន្ទឹមគ្នានេះដែរ រដ្ឋមន្ត្រីដឹកជញ្ជូនលោក Arkhom ក៏បានបង្ហើបពីគម្រោងរបស់ថៃ នៅក្នុងការពង្រីកកំពង់ផែទឹកជ្រៅ នៅក្រុង Laem Chabang ខេត្តឈុនបុរី ដើម្បីបង្កភាពងាយស្រួលដល់ការដឹកទំនិញតាមនាវាពីកម្ពុជា ឡាវ និងប្រទេសចិន ៕
ចែករំលែកព័តមាននេះ