រាជធានីភ្នំពេញ ៖ នារីវ័យក្មេងជាជនសង្ស័យម្នាក់ត្រូវបានកម្លាំងមានសមត្ថកិច្ចប៉ុស្តិ៍ស្រះចកចាប់ឃាត់ខ្លួន ខណៈពេលដែលរូបនាងកំពុងតែឈររេរាៗ ដែលសមត្ថកិច្ចធ្វើការល្បាតមានការសង្ស័យទើបហៅសួរនាំ និង ឆែកឆេររកឃើញថ្នាំញៀនចំនួន១៥ កញ្ចប់ (ធំ១កញ្ចប់) លាក់ទុកនៅក្នុងកាបូបដៃតូចមួយ…
រាជធានីភ្នំពេញ ៖ នារីវ័យក្មេងជាជនសង្ស័យម្នាក់ត្រូវបានកម្លាំងមានសមត្ថកិច្ចប៉ុស្តិ៍ស្រះចកចាប់ឃាត់ខ្លួន ខណៈពេលដែលរូបនាងកំពុងតែឈររេរាៗ ដែលសមត្ថកិច្ចធ្វើការល្បាតមានការសង្ស័យទើបហៅសួរនាំ និង ឆែកឆេររកឃើញថ្នាំញៀនចំនួន១៥ កញ្ចប់ (ធំ១កញ្ចប់) លាក់ទុកនៅក្នុងកាបូបដៃតូចមួយ ។ ការបង្ក្រាបនេះដែរបានធ្វើឡើងកាលពីវេលាម៉ោង១និង៣០នាទីថ្ងៃត្រង់ ថ្ងៃទី១៤ ខែមិនា ឆ្នាំ២០១៨ នៅតាមបណ្តោយផ្លូវរថភ្លើង R6 ភូមិ២ ក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មាននគរបាលបានប្រាប់ឱ្យដឹងថា នារីវ័យក្មេងជាជនសង្ស័យដែលបានឃាត់ខ្លួនមានឈ្មោះ គុយ ឈៀង អាយុ១៨ឆ្នាំ មានមុខរបរ និងទីលំនៅមិនពិតប្រាកដ មានស្រុកកំណើតនៅក្នុងឃុំតាឡូ ស្រុកបាកាន ខេត្តពោធិសាត់ ។
មុនពេលកើតហេតុ កម្លាំងនគរបាលប៉ុស្តិ៍ស្រះចកបាននាំគ្នាធ្វើការដើរល្បាតនៅក្នុងមូលដ្ឋានរបស់ខ្លួនដូចសព្វមួយដង លុះទៅដល់ចំណុចខាងលើក៏បានប្រទះឃើញនារីវ័យក្មេង ជាជនសង្ស័យម្នាក់ខាងលើកំពុងតែឈររេរាៗម្នាក់ឯង ។
តាមប្រភពដដែលបានប្រាប់បន្តទៀតថា ដោយមានការសង្ស័យកម្លាំងនគរបាលល្បាតរបស់លោកក៏បានហៅសួរនាំ និងឆែកឆេរទៅលើខ្លួនប្រាណរបស់គេ ទើបប្រទះឃើញថ្នាំញៀនចំនួន ១៤កញ្ចប់តូច និង១កញ្ចប់ធំសរុប១៥កញ្ចប់ លាក់ទុកនៅក្នុងកាបូបដៃតូចមួយ កាន់នៅក្នុងដៃរបស់នាង និងចាប់ឃាត់ខ្លួនតែម្តង ។ ក្រោយពេលចាប់ឃាត់ខ្លួននារីវ័យក្មេងជាជនសង្ស័យចែកចាយថ្នាំញៀនម្នាក់ខាងលើ រួមទាំងថ្នាំញៀនចំនួន១៥កញ្ចប់ ជាវត្ថុតាងយកមកកាន់នគរបាលប៉ុស្តិ៍ស្រះចក ដើម្បីធ្វើកំណត់ ហេតុ និងបញ្ជូនទៅកាន់អធិការដ្ឋាននគរបាលខណ្ឌដូនពេញចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ