ខេត្តព្រះសីហនុ ៖ អំណោយសប្បុរសធម៏ដែលទទួលបានពីសប្បុរសជនជាលោកគ្រូ អ្នកគ្រូ នៅសាលាបឋមសិក្សាចំការកៅស៊ូនិងការិយាល័យអប់រំយុវជន និងកីឡាក្រុងព្រះសីហនុជាថវិការ រួមនឹងភេស: គ្រឿងឧប្បភោគបរិភោគមួយចំនួនធំដែលចូលរួមពីព្រះតេជគុណ មាស សុផល ព្រះចៅអធិការវត្តអូរត្រេះចាស់ និងជាសមុហ៍គណៈខេត្តព្រះសីហនុបានយកមកប្រគល់ជូនដល់លោកគ្រូ ចាន់ ធឿង បង្រៀននៅសាលាបឋមសិក្សាចំការកៅស៊ូដែលមានទីតាំងស្ថិតនៅភូមិ០១ សង្កាត់លេខ០១ ក្រុង-ខេត្តព្រះសីហនុ ដែលកំពុងមានជម្ងឺមហារីកធ្ងន់ធ្ងរ និងមានជីវភាពខ្វះខាតអស់លទ្ធភាពក្នុងការព្យាបាល ។
បងស្រី ហ៊ី ចាន់ទី ភរិយាលោកគ្រូអ្នកជម្ងឺបានរៀបរាប់ទាំងទឹកភ្នែកក្នុងចិត្តលាយឡំដោយក្តីអស់សង្ឃឹមថា ប្តីរបស់គាត់មានអាយុ៥៣ឆ្នាំហើយគាត់បំរើការងាជាគ្រូបង្រៀនចាប់តាំងពីឆ្នាំ១៩៨៩មកម្ល៉េះ បំរើការងារក្នុងក្របខណ្ឌជាគ្រូបង្រៀនសាលាបឋមសិក្សាអស់រយៈពេល២៩ឆ្នាំបានកន្លងមក ។ ហើយគាត់បានធ្លាក់ខ្លួនឈឺខ្វះតែមួយខែទៀតមួយឆ្នាំគត់ ។ លក្ខណៈជម្ងឺមុនដំបូងកើតចេញជាបូសនៅត្រង់គូថគាត់បានខិតខំព្យាបាលរហូតទៅដល់ប្រទេសវៀតណាម តែជម្ងឺមិនធូរស្រាលសោះជម្ងឺកាន់តែរីករាលដាលរហូតគ្រូពេទ្យបានបញ្ជាក់ថា ជាជម្ងឺមហារីកពិបាកក្នុងការព្យាបាលណាស់ ។ ចាប់តាំងពីកើតជម្ងឺដំបូងរហូតមកដល់ពេលនេះលោកស្រីលក់ទ្រព្យសម្បត្តិដីធ្លីដែលមានយកមកមើលជម្ងឺប្តីរបស់គាត់អស់ហើយមិនមាននៅសែសសល់អ្វីទៀតសម្រាប់លក់ដើម្បីយកប្រាក់មកព្យាបាលជម្ងឺគាត់បន្តទៀតទេ ។
នៅសល់តែម្រាមដៃដប់សុំអំពាវនាវដល់បងប្អូនសប្បុរសជនដែលមានចិត្តសប្បុរសធម៏ក៏ដូចជាសាខាកាកបាទក្រហមខេត្តដែលតែងតែយកចិត្តទុកដាក់ពីសុខទុក្ខ និងការលំបាករបស់ប្រជាពលរដ្ឋ មន្ត្រីរាជការ ។ ដូចនេះសុំមេត្តាផ្តល់ក្តីអាណិតអាសូរដល់លោកគ្រូជាអ្នកជម្ងឺមេត្តាបានជួយផ្តល់ជាថវិការទៅតាមកំលាំងចិត្តសប្បុរសធម៏ដើម្បីក្រុមគ្រួសារបានបន្តការព្យាបាលលោកគ្រូអ្នកជម្ងឺដែលកំពុងតែស្ថិតក្នុងស្ថានភាពធ្ងន់ធ្ងរបន្តទៅមុខទៀត ៕
ចែករំលែកព័តមាននេះ