រាជធានីភ្នំពេញ ៖ ពងត្រីម្យ៉ាងដែលមានឈ្មោះថា កាវីយ៉ា (Caviar) គឺជាប្រភេទពងត្រីដែលមានតម្លៃមិនធម្មតានោះទេ ព្រោះវាមានតម្លៃពី១០០០ដុល្លារសហរដ្ឋអាមេរិក ទៅ៧០០០ដុល្លារ ក្នុង១គីឡូក្រោម។ ពេលនេះពងត្រីកាវីយា…
រាជធានីភ្នំពេញ ៖ ពងត្រីម្យ៉ាងដែលមានឈ្មោះថា កាវីយ៉ា (Caviar) គឺជាប្រភេទពងត្រីដែលមានតម្លៃមិនធម្មតានោះទេ ព្រោះវាមានតម្លៃពី១០០០ដុល្លារសហរដ្ឋអាមេរិក ទៅ៧០០០ដុល្លារ ក្នុង១គីឡូក្រោម។ ពេលនេះពងត្រីកាវីយា ត្រូវបាននាំចូលមកធ្វើជាអាហារប្រណីតលំដាប់ខ្ពស់សម្រាប់អតិថិជននៅកម្ពុជា។
ពងត្រីកាវីយ៉ា មានប្រភពនៅសមុទ្រកាស្ពាន និងសមុទ្រខ្មៅ ដែលស្ថិតនៅក្នុងប្រទេសរុស្សី អ៊ីរ៉ង់ អាហ្សែបៃហ្សង់ កាហ្សាក់ស្ថាន ប៉ូឡូញ ទួកមេនីស្ថាន ប៊ុលហ្គារី ហ្សកហ្ស៊ី រ៉ូម៉ានី តួកគី និងអ៊ុយក្រែនជាដើម។
នាយកផ្នែកលក់ប្រចាំប្រទេសកម្ពុជានៃក្រុមហ៊ុនមួយគឺ លោក ហែម វិចិត្រ មានប្រសាសន៍ថា ពងត្រីកាវីយ៉ាជាអាហារប្រណីតលំដាប់ខ្ពស់ និងតម្លៃថ្លៃដែលក្នុងមួយគីឡូក្រាមតម្លៃពី៣ពាន់ដល់៧ពាន់ដុល្លារ។ ពងត្រីកាវីយ៉ាជាអំបូរពងត្រីសមុទ្រឈ្មោះ ស្ទឺជិន ជាអាហារមានតម្លៃខ្ពស់ ព្រោះគេត្រូវចិញ្ចឹមវារហូតដល់ទៅ១៥ឆ្នាំ ទម្រាំវាគ្រប់
វ័យអាចផ្តល់ពងបាន។
ពងត្រីកាវីយ៉ា ចែកចេញជា៣ប្រភេទ ៖ លេខ១ ឈ្មោះកាវីយ៉ា បេលូហ្គា ដែលកន្លះគីឡូតម្លៃជាង៣៨០០ដុល្លារអាមេរិក ចំណែកលេខ២ ឈ្មោះកាវីយ៉ា អូស៊ីត្រេ កន្លះគីឡូក្រាម ជាង១ពាន់ដុល្លារអាមរិក រីឯលេខ៣ ប្រភេទ កាវីយ៉ា បារ៊ី (Caviar Baerii) ដោយក្នុងកន្លះគីឡូជាង៦៨០ដុល្លារ។
ប្រភេទពងត្រីកាវីយ៉ា សម្បូរដោយវីតាមីនខ្ពស់បំផុត ជាពិសេសមានផ្ទុកជាតិដែកច្រើនមុខសម្រាប់ទ្រទ្រង់សារពាង្គកាយ និងមានជាតិផូស្វ័រ កាល់ស្យូម ផ្លរីន ម៉ាញ៉េស្យូម និងសូដ្យូម។ សារធាតុទាំងនេះ មានសារសំខាន់ធ្វើឱ្យរាងកាយមានសុខភាពល្អ ជាពិសេសជួយស្បែក និងសក់កាន់តែស្រស់ស្អាត។ លើសពីនេះ ពងត្រីកាវីយ៉ា អាចពិសារជាមួយគ្រឿងផ្សំមួយចំនួនដូចជា ដំឡូងបារាំង នំប៉័ង ស្លឹកខ្ទឹម គ្រីម ស្កាឡុប អយស្ទ័រ ព្រមទាំង
ស្រាសម្ប៉ាញ និងស្រាវ៉ូដកាជាដើម ៕
ចែករំលែកព័តមាននេះ