រាជធានីភ្នំពេញ ៖ លទ្ធផលនៃការស្រាវជ្រាវឈានដល់ការបង្ក្រាប ករណីជួញដូរនូវសារធាតុញៀនក្នុងទីតាំងលួចបើកល្បែងស៊ីសងប្រភេទហ្គេមបាញ់ត្រី ។ ក្រោយពីបានបើកការស្រាវជ្រាវក៏ឈានដល់ការកំណត់ ពេលធ្វើសកម្មភាពនៅវេលាម៉ោង២២និង៣០នាទីយប់ ថ្ងៃទី២៨ ខែកុម្ភៈ ឆ្នាំ២០១៨ កម្លាំងជំនាញខណ្ឌ ប៉ុស្តិ៍បានបើករង្វង់កិច្ចប្រតិបត្តិការបង្ក្រាបជាក់ស្តែង ក្រសោបចំពោះមុខសញ្ញាជួញដូរគ្រឿងញៀន នៅក្នុងទីតាំងលបលួច បើកលេងល្បែងស៊ីសងខុសច្បាប់ ប្រភេទហ្គេមបាញ់ត្រី ដែលក្រសោបក្នុងពេលតែមួយចំនួន០២ទីតាំងផ្សេងៗគ្នា ស្ថិតនៅចំណុចសំណង់មិនរៀបរយ ជួរមាត់ទន្លេ ។
ក្រោយប៉ុស្តិ៍នគរបាលរដ្ឋបាលទួលសង្កែទី១ ក្រុម១៤ ភូមិផ្សារតូច សង្កាត់ទួលសង្កែ១ ខណ្ឌឬស្សីកែវ តំបន់សំណង់មិនរៀបរយខាងលើ កន្លងមកត្រូវបានអធិការដ្ឋានស្រាវជ្រាវឃើញ នឹងបើកការបង្ក្រាបជាបន្តបន្ទាប់ តែសមាសភាពទាំងនេះ នៅតែបន្តភាពអសកម្មលបលួបបើកដោយបញ្ចៀសពេលថ្ងៃ មកលួចបើកលេងពេលយប់វិញ ។ ក្នុងនោះជាវិធានការជំនាញសមត្ថកិច្ចខណ្ឌឬស្សីកែវ នៅតែបន្តធ្វើការត្រួតពិនិត្យជាប្រចាំ ករណីដែលមានសកម្មភាពបើកការបង្ក្រាបភ្លាមៗតែម្តង ។
ជាលទ្ធផលក្នុងកិច្ចប្រតិបត្តិការណ៍នេះកម្លាំងសមត្ថកិច្ចយើងបានឃាត់ខ្លួនជនសង្ស័យចំនួន០៣នាក់ រួមមានទី ១- ឈ្មោះ សៅ វុទ្ធី ភេទប្រុស អាយុ៣៥ឆ្នាំ (ជួញដូរ) ។ ទី២- ឈ្មោះ អេង ណា ភេទប្រុស អាយុ១៥ឆ្នាំ (ប្រើប្រាស់) ។ ទី៣- ឈ្មោះ ចាន់ ទីណា ភេទប្រុស អាយុ២៤ឆ្នាំ (ប្រើប្រាស់) ។ វត្ថុតាងដកហូតរួមមានក្រាមពណ៌សថ្លា ចំនួន០១កញ្ចប់ ឧបករណ៍ប្រើប្រាស់គ្រឿងញៀនមួយចំនួនធំ ថង់សម្រាប់ច្រកគ្រឿងញៀនមួយចំនួន ទូហ្គេមបាញ់ត្រីចំនួន២គ្រឿង ។
នៅចំពោះមុខកម្លាំងជំនាញខណ្ឌប៉ុសិ៍្តកំពុងកសាងសំណុំរឿង ដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ។
បន្ទាប់បន្តអនុវត្តន៍តាមអនុសាសន៍ដ៏ខ្ពង់ខ្ពស់ របស់ឯកឧត្តមអភិបាលរាជធានី និងឯកឧត្តម នាយឧត្តមសេនីយ៍ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងជំនាញខណ្ឌ ប៉ុសិ៍បន្តធ្វើការស្រាវជ្រាវ ដើម្បីបង្ក្រាបជាប្រចាំ ៕
ចែករំលែកព័តមាននេះ