ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា សិស្សសាលាម្នាក់បានដួលសន្លប់ ខណៈលោតលេងនៅចំណុចខ្សែភ្លើងដែលរាយប៉ាយលើដី ហើយក៏បង្កភ្ញាក់ផ្អើលនិងអះអាងថា ជាការឆក់ចរន្តភ្លើង ប៉ុន្តែត្រូវមេការសំណង់បដិសេធថា ជារឿងមិនពិត ។…
ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា សិស្សសាលាម្នាក់បានដួលសន្លប់ ខណៈលោតលេងនៅចំណុចខ្សែភ្លើងដែលរាយប៉ាយលើដី ហើយក៏បង្កភ្ញាក់ផ្អើលនិងអះអាងថា ជាការឆក់ចរន្តភ្លើង ប៉ុន្តែត្រូវមេការសំណង់បដិសេធថា ជារឿងមិនពិត ។
ហេតុការណ៍នេះបង្កការភ្ញាក់ផ្អើល នាព្រឹកថ្ងៃទី២៨ កុម្ភៈ ស្ថិតក្នុងបរិវេណសាលាបឋមសិក្សាព្រហ្មនិមិត្ត ស្ថិតក្នុងភូមិក្បាលស្ពាន2 សង្កាត់ប៉ោយប៉ែត ក្រុងប៉ោយប៉ែត ។ សិស្សរងគ្រោះឈ្មោះវ៉ាន់ ទេពី អាយុ១២ឆ្នាំជាសិស្សថ្នាក់ទី4(ក) នៃសាលាចំណុចកើរហេតុ ។ ប្រភពថា ដំបូងមានកូនសិស្ស៤នាក់ បានទៅលេងចំណុចកើតហេតុ ។ បន្ទាប់មកក៏ឃើញសិស្សម្នាក់បានដួលសន្លប់ ទើបបង្កភ្ញាក់ផ្អើលតែម្តង ខណៈសិស្សផ្សេងៗរត់គេចចេញពីចណុចកើតហេតុអស់ ។ ករណីនេះ នាំគ្នាដាក់កាសង្ស័យថា ជាការឆក់ចរន្តអគ្គិសនី ព្រោះនៅចំណុចកើតហេតុ មានខ្សែភ្លើងរាយប៉ាយលើដី ។ ក្រោយកើតហេតុ ទើបក្រុមជាងសំណង់លើកខ្សែភ្លើងនៅទីនោះ ដាក់ឲ្យផុតពីដីវិញ ។ សិស្សរងគ្រោះត្រូវបានគេនាំទៅសង្គ្រោះនៅក្នុងគ្លីនិក ក្បែរនោះភ្លាមៗ និងរួចផុតពីគ្រោះថ្នាក់ដល់អាយុជីវិតហើយ ។
ជុំវិញករណីនេះ ឈ្មោះឈន ខ្លី ភេទប្រុស អាយុ៤៧ឆ្នាំ ជាមេការម៉ៅការសំណង់ សាងសង់អគារសាលានៅចំណុចកើតហេតុបានបដិសេធថា មិនមែនជាការឆក់ចរន្តទេហើយអះអាងថា ក្រោយហេតុការណ៍កើតឡើង លោកបានត្រួតពិនិត្យខ្សែភ្លើងចំណុចនោះនិងយកដៃច្បូតគ្មានកន្លែងឆក់ឡើយ ។ លោកបន្តថា សិស្សរងគ្រោះ អាចមកពីលោតលេងដួលសន្លប់ដោយខ្លួនឯង ។ ចំពោះខ្សែភ្លើងដែលមុនកើតហេតុ គេឃើញរាយប៉ាយនិងដីនោះមេការរូបនេះថា ពីមុនបានលើកដាក់តាមបង្គោលខ្ពស់ផុតពីដៃដែរ តែសិស្សៗចេះតែទៅអង្រួនបង្គោលលេង ក៏ដួលបង្គោលអស់ទើបខ្សែភ្លើងធ្លាក់ដល់ដី ។
នៅពេលសាកសួរចង់ដឹងការពិត គ្រូពេទ្យម្នាក់នៅគ្លីនិកដែលសិស្សរងគ្រោះ ពុងសំរាកព្យាបាលប្រាប់ថាអាការៈជនរងគ្រោះខ្វះជាតិស្ករ និងខ្សោយខ្លាំង ប៉ុន្តែលោកមិនហ៊ានអះអាងថា ជាករណីអ្វីនោះទេ ព្រោះមិនបានស្ថិតនៅកន្លែងកើតហេតុ ។
ចែករំលែកព័តមាននេះ