ខេត្តស្វាយរៀង ៖ មានហេតុការណ៍អំពើហិង្សាក្នុងគ្រួសារមួយបានកើតឡើងនៅវេលាម៉ោង២១និង៣០នាទីយប់ ថ្ងៃទី២៥ ខែកុម្ភៈ ឆ្នាំ២០១៨ នៅភូមិចេក ឃុំសំរោង ស្រុកចន្ទ្រា ។ បើតាមសម្ថកិច្ចកងរាជអាវុធហត្ថស្រុកចន្ទ្រា បានឲ្យដឹងថា ជនសង្ស័យបានចាក់សាំងដុតប្រពន្ធ និងកូនមានឈ្មោះ ថុល ចាន់ អាយុ៤៧ឆ្នាំ ។ ជនរងគ្រោះជាប្រពន្ធឈ្មោះ ត.ច.ន អាយុ៣៧ឆ្នាំ និងកូនឈ្មោះ វ.ស.ជ ភេទប្រុស អាយុ៦ឆ្នាំ រងរបួសធ្ងន់ធ្ងរ ។
ប្រភពព័ត៌មានកន្លែងកើតហេតុបានឲ្យដឹងថា ក្រុមគ្រួសារនេះ តែងតែមានទំនាស់គ្នាជាប្រចាំដោយសារតែប្តីនេះចូលចិត្តផឹកស្រាស្រវឹងខួប ហើយថ្ងៃកើតហេតុនេះ ស្រាប់តែឮឈ្លោះប្រកែកគ្នាមួយសន្ទុះ ក្រោយមកក៏ស្រាប់តែសំឡេងស្រែកឲ្យជួយ ប្រជាពលរដ្ឋក៏បានរត់ទៅដល់ផ្ទះជនរងគ្រោះឃើញមានភ្លើងឆេះមុងក៏នាំគ្នាទាញមុងចេញ ឃើញម្តាយ និងកូន ត្រូវភ្លើងឆេះរលាក់ពេញជើង និងខ្លួនទាំងពីនាក់ ។ ប៉ុន្តែហេតុការនេះមិនបណ្ដាឲ្យឆេះខូចខាតទ្រព្យសម្បត្តិអ្វីនោះទេ ដោយសាតែបងប្អូនប្រជាពលរដ្ឋបានជួយទាន់ហេតុការណ៍ ។
ប៉ុន្តែដោយឃើញជនរងគ្រោះទាំងពីរនាក់ម្តាយ និងកូន មានសភាពធ្ងន់ធ្ងរទើប បងប្អូនប្រជាពលរដ្ឋក៏បាននាំជនរងគ្រោះទាំងពីរនាក់ម្ដាយ និងកូនយកទៅព្យាបាលនៅមន្ទីពេទ្យបង្អែកជីភូ ដើម្បីធ្វើការសង្គ្រោះ ។ ឬឯជនសង្ស័យសមត្ថកិច្ចបានឃាត់ខ្លួននៅអធិកាដ្ឋាននគបាលស្រុកចន្ទ្រា ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕
ចែករំលែកព័តមាននេះ