រាជធានីភ្នំពេញ ៖ លោកឧកញ៉ាពង់ឃាវសែ ប្រធានប្រតិភូសមាគមខ្មែរ -ចិន បានរាយការណ៍ជូនសម្តេចតេជោនាយករដ្ឋមន្ត្រី អំពីរចនាសម្ព័ន្ធរបស់សមាគមខ្មែរ- ចិននៅកម្ពុជា ក្នុងនោះមានគណអចិន្ត្រៃយ៍១៨ រូបនិងមានសមាជិក៥០រូប…
រាជធានីភ្នំពេញ ៖ លោកឧកញ៉ាពង់ឃាវសែ ប្រធានប្រតិភូសមាគមខ្មែរ -ចិន បានរាយការណ៍ជូនសម្តេចតេជោនាយករដ្ឋមន្ត្រី អំពីរចនាសម្ព័ន្ធរបស់សមាគមខ្មែរ- ចិននៅកម្ពុជា ក្នុងនោះមានគណអចិន្ត្រៃយ៍១៨ រូបនិងមានសមាជិក៥០រូប ដែលមានទិសដៅក្នុងការចូលរួមចំណែកក្នុងការអភិវឌ្ឍកម្ពុជាទាំងវិស័យសេដ្ឋកិច្ចនិងសង្គមកិច្ច និងការងារផ្សេងៗទៀត ។ ពិសេសចូលរួមក្នុងវិស័យកសិកម្ម និងកសិឧស្សាហកម្ម ។
លោកឧកញ៉ាប្រធានក៏បានជម្រាបជូនអំពីប្រវត្តិជនជាតិចិន កាលនៅអំឡុង១៩២០ ដល់១៩៤០រហូតមកដល់ពេលនេះបានក្លាយជាសមាជិកសមាគមខ្មែរ- ចិន ។
ជាការឆ្លើយតបសម្តេចតេជោបានថ្លែងអំណរគុណ ដល់លោកឧកញ៉ា ដែលបានរាយការណ៍អំពីរចនាសម្ព័ន្ធចាត់តាំង និងទិសដៅរបស់សមាគម ។
សម្តេចក៏បានជម្រាបជូនសមាគមផងដែរ អំពីស្ថានភាពទូទៅនៅកម្ពុជា និងនៅក្នុងតំបន់ ហើយពិភពលោក ។ សម្តេចមានប្រសាសន៍បន្ថែមថា ក្រោយឆ្នាំ១៩៧៩ មក កម្ពុជាបានចាប់ផ្តើមអភិវឌ្ឍន៍បន្តិចម្តង ៗ រហូតមកដល់បច្ចុប្បន្ននេះ គឺមានបងប្អូនជនជាតិចិនជាច្រើន មានបានមុខរបរទទួលទាននៅកម្ពុជា ដូច្នេះយើងគប្បីត្រូវចូលរួមថែរក្សានូវអ្វីដែលបានកើតឡើងដល់សព្វថ្ងៃនេះ ៕
ចែករំលែកព័តមាននេះ