គណបក្សកែម ឡី ចូលរួមបោះឆ្នោត២០១៨ខាងមុខ ?
- ភ្នំពេញ
រាជធានីភ្នំពេញ ៖ លោកកែម រិទ្ធិសិត ជាប្អូនប្រុសរបស់លោក កែម ឡី កាលពីថ្ងទី២៤ ខែកុម្ភៈ២០១៨នេះ បានចេញប្រកាសថា…
រាជធានីភ្នំពេញ ៖ លោកកែម រិទ្ធិសិត ជាប្អូនប្រុសរបស់លោក កែម ឡី កាលពីថ្ងទី២៤ ខែកុម្ភៈ២០១៨នេះ បានចេញប្រកាសថា លោកនឹងបង្កើតគណបក្សឈ្មោះ គណបក្សកែម ឡី ដើម្បីចូលរួមការបោះឆ្នោត ខែកក្កដា ឆ្នាំ២០១៨ ខាងមុននេះ ។
យោងតាមលិខិតចំហដែលអ្នកសារព័ត៌មានទទួលបានឲ្យដឹងថា គណបក្សកែម ឡី បង្កើតឡើងក្នុងគោលបំណងយកទស្សនរបស់លោកកែម ឡី ទៅបន្តចូលរួមអភិវឌ្ឍប្រទេសជាតិ និងដើម្បីទប់ស្កាត់ជនជ្រុលនិយមមួយចំនួនតែងតែយកឈ្មោះ លោក កែម ឡី ធ្វើជាឧបករណ៍ចំនេញផ្នែកនយោបាយ ដើម្បីបម្រើមហិច្ឆតារបស់ពួកគេរាល់ថ្ងៃ ។
សូមបញ្ជាក់ថា លោក កែម ឡី អ្នកវិភាគសង្គម និងនយោបាយត្រូវខ្មាញ់កាំភ្លើងបាញ់សម្លាប់កាលពីថ្ងៃទី១០ ខែកក្កដា ឆ្នាំ ២០១៦ ។ ឃាតករឈ្មោះ អឿត អាង ហៅជួប សម្លាប់ ត្រូវបានចាប់ខ្លួន និងផន្ទាទោសជាប់ពន្ធនាគារអស់មួយជីវិតពាក់ព័ន្ធនឹងអំពើឃាតកម្មលើ លោក កែម ឡី ។ លោកជួប សម្លាប់ ត្រូវបានចោទពីបទ « ឃាតកម្មគិតទុកជាមុន និងការកាន់កាប់អាវុធខុសច្បាប់ » ។
ថ្មីនេះផងដែរភរិយាលោក កែម ឡី គឺនាង ប៊ូ រចនា និងកូន៥នាក់ បានមកដល់ប្រទេសអូស្ត្រាលី ដើម្បីរស់នៅផងដែរ ៕
ចែករំលែកព័តមាននេះ