តាមប្រភពព័ត៌មាន The Sun បានឲ្យដឹងថា ការសិក្សាថ្មីរបស់មូលនិធិអាហាររូបត្ថម្ភអង់គ្លេស (British Nutrition Foundation) រកឃើញថា ថ្នាំបំប៉នសម្រស់របស់អ្នកនឹងមិនធ្វើឲ្យអ្នកក្មេងជាងវ័យនោះទេ។ អ្វីដែលអាចធ្វើដូច្នេះ គឺមានតែរបបអាហារត្រឹមត្រូវ និងឡេការពារកំដៅថ្ងៃនោះទេ។
អ្នកជំនាញនៅមូលនិធិអាហាររូបត្ថម្ភអង់គ្លេស ធ្វើការវិភាគទៅលើថ្នាំបំប៉នមួយចំនួនដែលមានផ្ទុកសារធាតុ វីតាមីន A, C, B2, B3, B7, ស័ង្កសី អ៊ីយ៉ូត និងសារធាតុមួយចំនួនដូចជា កូឡាជេននិងកូអង់ស៊ីម Q10។
ខណៈពេលដែលគេរកឃើញថា វីតាមីន និងរ៉ែអាចមានសារប្រយោជន៍ខ្លះៗដល់រូបរាងកាយរបស់យើង តែសម្រាប់សារធាតុពិសេសៗមួយចំនួនទៀត មិនសូវជាមានប្រយោជន៍ដល់ស្បែកប៉ុន្មានទេ។
សារធាតុនោះរួមមានតែបៃតង ឬទឹកទទឹម ប្រេងត្រី កូឡាជេន និងកូអង់ស៊ីម Q10។ ការសិក្សារកឃើញថា សារធាតុទាំងនេះអាចដើរជាសារធាតុប្រឆាំងអុកស៊ីតកម្ម និងការរលាក។ តែការសិក្សាមិនទាន់រកឃើញ ភ័ស្តុតាងច្បាស់លាស់ថា វាអាចជួយស្បែកឲ្យក្មេងជាងវ័យមែន ដូចគេផ្សាយពាណិជ្ជកម្មនោះទេ៕
ចែករំលែកព័តមាននេះ