សម្រេចឃុំខ្លួនស្ត្រីអ្នកបម្រើផ្ទះលោកឧកញ៉ា ឌួង ឆាយ ហើយ
- ភ្នំពេញ
រាជធានីភ្នំពេញ ៖ លោក ជួន សុរាសី ចៅក្រមសើុបសួរសាលាដំបូងរាជធានីភ្នំពេញ កាលពីព្រឹកថ្ងៃទី២០ កុម្ភៈ បានសម្រេចឃុំខ្លួនស្ត្រីអ្នកបម្រើផ្ទះលោកឧកញ៉ា ឌួង…
រាជធានីភ្នំពេញ ៖ លោក ជួន សុរាសី ចៅក្រមសើុបសួរសាលាដំបូងរាជធានីភ្នំពេញ កាលពីព្រឹកថ្ងៃទី២០ កុម្ភៈ បានសម្រេចឃុំខ្លួនស្ត្រីអ្នកបម្រើផ្ទះលោកឧកញ៉ា ឌួង…
រាជធានីភ្នំពេញ ៖ លោក ជួន សុរាសី ចៅក្រមសើុបសួរសាលាដំបូងរាជធានីភ្នំពេញ កាលពីព្រឹកថ្ងៃទី២០ កុម្ភៈ បានសម្រេចឃុំខ្លួនស្ត្រីអ្នកបម្រើផ្ទះលោកឧកញ៉ា ឌួង ឆាយ ដាក់ពន្ធនាគារបណ្តោះអាសន្ន តាមការចោទកាន់ពីសំណាក់លោកស្រី សឺុ វណ្ណី ព្រះអាជ្ញារងនៃអយ្យការអមសាលាដំបូង ទៅលើស្ត្រីជាប់ចោទឈ្មោះ អ៊ុំ សុផាន់ណា ក្រោមបទហិង្សានោះហើយ ។
គួរបញ្ជាក់ថា ស្ត្រីអ្នកបម្រើតាមផ្ទះម្នាក់ កាលពីរសៀលថ្ងៃទី១៨ កុម្ភៈ ២០១៨ ត្រូវបានតំណាងអយ្យការអមសាលាដំបូងរាជធានីភ្នំពេញ បានធ្វើការចោទប្រកាន់ជាផ្លូវការក្រោមបទ.ហឹង្សា.តាមមាត្រា២១៧ នៃក្រមព្រហ្មទណ្ឌដោយយោងតាមពាក្យបណ្តឹងរបស់លោកឧកញ៉ា ឌួង ឆាយ ។ ក្រោយពេលតំណាងអយ្យការចោទប្រកាន់ស្ត្រីអ្នកបម្រើផ្ទះជាផ្លូវហើយនោះ នៅព្រឹកថ្ងៃទី១៩ កុម្ភៈ សំណុំរឿងនេះ បានចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួន ឬមិនឃុំខ្លួន តាមឆ័ន្ទានុសិទ្ធិរបស់ចៅក្រមស៊ើបសួរ ។
ស្ត្រីរងនូវការចោទប្រកាន់ខាងលើនេះ មានឈ្មោះ អ៊ុំ សុផាន់ណា អាយុ២៣ឆ្នាំ ជាអ្នកបម្រើផ្ទះឲ្យលោកឧកញ៉ា ឌួង ឆាយ ដែលជាកូនអ្នកក្រីក្រមកពីស្រែចំការ ។ នាង អ៊ុំ សុផាន់ណា ត្រូវបានលោកឧកញ៉ា ឌួង ឆាយ ឃាត់ខ្លួននៅពេលថ្ងៃចូលឆ្នាំចិន ប្រគល់ឲ្យសមត្តកិច្ចនគរបាលខណ្ឌសែនសុខ ចាត់ការតាមផ្លូវច្បាប់ ពាក់ពន្ធថាបានប្រើអំពើហឹង្សាវាយដំទៅលើកូនប្រុសតូចៗរបស់លោក២នាក់ជាច្រើនលើកច្រើនសារ និងចុងក្រោយនេះថា នាងអ្នកបម្រើបានធ្វើទារុណកម្មវ៉ៃ និងក្តិចប្រដាប់ភេទ(ពងស្វេស) យ៉ាងព្រៃផ្សៃបំផុត លើក្មេងប្រុសលោកបណ្តាលឲ្យហើមខុសប្រក្រតី ។ នៅក្នុងដំណាក់កាលសមត្តកិច្ចកំពុងចាត់ការលើសំណុំរឿងនេះ លោកឧកញ៉ា ឌួង ឆាយ ក៏បានបង្ហោះគ្លីបវីដេអូមួយតាមអាខោនហ្វេសប៊ុកឈ្មោះ Duong Chay ឌួង ឆាយ រៀបរាប់សាច់រឿងនេះយ៉ាងលំអិតជាច្រើននាទីផងដែរ ដែលមានខ្លឹមសារនោះខឹងទៅលើស្ត្រីឈ្មោះ អ៊ុំ សុផាន់ណា ជាអ្នកបម្រើខ្លាំង ។
ប៉ុន្តែជាមួយនឹងការខឹងនាងអ្នកបម្រើ លោកឧកញ៉ា ឌួង ឆាយ ក៏មានភាពអាណិតអាសូរទៅដល់ឪពុកម្តាយ និងបងប្អូនរបស់នាង អ៊ុំ សុផាន់ណា ដែលបានទៅសំពះអង្វរដល់ផ្ទះ សុំការសណ្តោះប្រណីទោសឲ្យនាង ។ តែលោកនៅមានការឈឺចាប់នៅពេលឃើញកូនប្រុសលោកជាក្មេងមិនទាន់ដឹងអីសោះ និងជាក្មេងពិការសុខភាពទៀត ហើយគេទាំងពីរនាក់បានយំស្រែកនៅចំពោះមុខឪពុកម្តាយយ៉ាងដូច្នេះ សួរថាឪពុកម្តាយមានការឈឺចាប់ប៉ុណ្ណា ប៉ុន្តែពេលនេះលោកទុកពេលឲ្យច្បាប់ជាអ្នកវិនិច្ឆ័យទៅចុះ ។ នៅមានពាក្យពេជជាច្រើនទៀតដែលលោកឧកញ៉ា ឌួង ឆាយ បានរៀបរាប់នៅក្នុងហ្វេសប៊ុកផ្ទាល់ខ្លួនរបសលោក ហើយថែមទាំងបានបង្ហាញរូបកូនប្រុសម្នាក់ ដែលអះអាងថា នាង អ៊ុំ សុផានណា វ៉ៃធ្វើបាបនោះបន្លឺសម្លេងដែរ ៕
ចែករំលែកព័តមាននេះ