រាជធានីភ្នំពេញ ៖ លោក ពេជ្រ ស្រស់ ប្រធានគណបក្សយុជវនកម្ពុជា បានអះអាងថា កម្ពុជា ត្រូវតែមានរបត់នយោបាយ«ស»មួយដោយមានការចូលរួមពីគណបក្សនយោបាយច្រើន សម្រាប់ការបោះឆ្នោតម្តងៗ។ ប្រធានគណបក្សយុវជនកម្ពុជា ដែលទើបតែប្រឡូកនឹងនយោបាយបាយមួយរយៈបានលើកឡើងលើបណ្តាញសង្គមថា ជាការពិតណាស់គ្រប់បណ្តាប្រទេសនៅក្នុងពិភពលោកដែលប្រកាន់នូវរបបនយោបាយ លទ្ធិប្រជាធិបតេយ្យ គឺប្រទេសនោះតែងតែមានគណបក្សនយោបាយពហុចូលរួមប្រកួតប្រជែង ក៏ប៉ុន្តែបើសិនជាមេបក្សនយោបាយទាំងនោះមិនប្រកាន់ខ្ជាប់នូវរបត់នយោបាយ(ស)នោះទេ ច្បាស់ណាស់ប្រទេសនោះ នឹងក្លាយទៅជាទីលានបង្ហូរឈាម រវាងអ្នកគាំទ្រនយោបាយ និងអ្នកគាំទ្រនយោបាយជាក់ជាមិនខានឡើយ។
លោកក៏បានលើកឡើងថា នៅប្រទេសកម្ពុជាកំពុងស្ថិតក្នុងចំណុចនៃរបត់នយោបាយពណ៌ប្រផេះ ដោយហេតុថាការធ្វើ នយោបាយរបស់អ្នកជំនាន់ចាស់មិនបានគោរពនូវគោលការណ៍របត់នយោបាយ(ស)នោះទេ គឺពួកអ្នកនយោបាយជំនាន់ចាស់តែងធ្វើនយោបាយប្រើល្បិចកលអាក្រក់ដាក់គ្នាទៅវិញទៅ មកដើម្បីដណ្តើមអំណាចគ្នាកាន់ដោយមិនគិតពីតម្រូវការរបស់ម្ចាស់ឆ្នោត និងការអភិវឌ្ឍន៍ជាតិ នោះឡើយ។ លោកបញ្ជាក់ថា« ដូច្នេះហើយ បានជាពលរដ្ឋខ្មែរ ជាពិសេសកសិករខ្មែរ មិនមានជី វភាពល្អប្រសើរដូចពលរដ្ឋនៅប្រទេសដទៃ។ ក្នុងន័យនេះ ប្រទេសកម្ពុជាត្រូវការយ៉ាងដាច់ ខាតនូវរបត់នយោបាយ(ស) ដើម្បីស្រោចស្រង់ជីវភាពរបស់ម្ចាស់ឆ្នោត និងអភិវឌ្ឍន៍ជាតិ ឲ្យមានការរីកចម្រើនទៅមុខយ៉ាងឆាប់រហ័ស។ ហើយដើម្បីឲ្យប្រទេសកម្ពុជាទទួលបានរបត់ នយោបាយ ”ស” បាននោះ គឺផ្តើមចេញពីអ្នកធ្វើនយោបាយស្មោះត្រង់ជាមួយប្រជាពលរដ្ឋ និងជាតិព្រមទាំងមិនយកគណបក្សនយោបាយណាមួយធ្វើជាសត្រូវរបស់ខ្លួនទើបរបត់នយោ បាយ (ស) កើតមាននៅក្នុងប្រទេសកម្ពុជា ហើយសុខសន្តិភាពនឹងកើតមានចំពោះពលរដ្ឋ ផងដែរ»។
ជាកត់សម្គាល់ការលើកឡើងរបស់ប្រធានគណបក្សខាងលើនេះ បន្ទាប់ពីរូបគេ ឃើញ នូវគំនិតនយោបាយរបស់អ្នកនយោបាយចាស់ ជាពិសេសនោះ គណបក្សកាន់អំណាច និងគណបក្សប្រឆាំងបានប្រើប្រាស់ស្នៀតនយោបាយជាច្រើនដើម្បីប្រកួតប្រជែងគ្នា រហូតពេល ខ្លះមានការលាបពណ៌គ្នា ដើម្បីអំណាចក៏មានដែរ។ យ៉ាងណាក្តី បើតាមការអ្នកតាមដានស្ថានការណ៍ សង្គមនាំគ្នាលើកឡើងថាអ្នកនយោបាយម្នាក់សុទ្ធតែមានគំនិតមនោគមវិជ្ជា ដើម្បីទាក់ទាញអ្នកគាំទ្រទាំងអ្នកកាន់អំណាច និងអ្នក ប្រឆាំង។ អ្នកកាន់អំណាចចង់រក្សាដំណែង ឬតួនាទី បានប្រើប្រាស់ស្នៀតនយោបាយ ដើម្បីឲ្យ ម្ចាស់ឆ្នោតបន្តគាំទ្រខ្លួន ចំណែកអ្នកប្រឆាំងវិញ បានខិតខំរកយុទ្ធសាស្ត្រ ឬយុទ្ធវិធី កន្លែងខ្វះខាតរបស់អ្នកកាន់អំណាចបង្ហាញដល់ម្ចាស់ឆ្នោត ដើម្បីខ្លួនបានការគាំទ្រមកវិញ។ យ៉ាងណាក្តីក្រុមអ្នកវិភាគបានផ្តល់ជាគំនិតថា ទោះបីជាអ្នកកាន់អំណាច និងអ្នកប្រឆាំងបានប្រើប្រាស់យុទ្ធវិធី យ៉ាងណាសុំលាបពណ៌គ្នា និងត្រូវគិតប្រយោជន៍ និងប្រជាជនជាធំ ដើម្បីអភិវឌ្ឍន៍ប្រទេស ដោយកុំឲ្យប្រទេសធ្លាក់ក្នុងអន្លង់សង្គ្រាមឲ្យសោះ៕
ចែករំលែកព័តមាននេះ