រាជធានីភ្នំពេញ ៖ នៅវេលាម៉ោងប្រមាណ០៣ និង៣០នាទីរសៀលថ្ងៃទី១៨ កុម្ភៈ ការិយាល័យនិពន្ធកោះសន្តិភាព បានទទួលទូរស័ព្ទពីបុរសម្នាក់នៅក្រុងព្រះសីហនុដែលអះអាងថា ក្មេងប្រុសខាងលើគឺជាកូនរបស់គាត់ ។…
រាជធានីភ្នំពេញ ៖ នៅវេលាម៉ោងប្រមាណ០៣ និង៣០នាទីរសៀលថ្ងៃទី១៨ កុម្ភៈ ការិយាល័យនិពន្ធកោះសន្តិភាព បានទទួលទូរស័ព្ទពីបុរសម្នាក់នៅក្រុងព្រះសីហនុដែលអះអាងថា ក្មេងប្រុសខាងលើគឺជាកូនរបស់គាត់ ។ បុរសរូបនេះប្រាប់កោះសន្តិភាពថា គាត់ឈ្មោះ ឆៃ ប៊ុនឈឿន អាយុ៣៩ឆ្នាំ ជាកម្មករសំណង់ ស្នាក់នៅភូមិ១ សង្កាត់លេខ៤ ក្រុងព្រះសីហនុ និងមានស្រុកកំណើតនៅខេត្តកំពង់ចាម ត្រូវជាឪពុករបស់ក្មេងប្រុសម្នាក់នេះ ។
លោក ឆៃ ប៊ុនឈឿន បានឱ្យដឹងថា ស្ត្រីជាម្តាយក្មេងប្រុសនេះឈ្មោះ យឹម សុភា អាយុ៣៨ឆ្នាំ បានលែងលះគ្នាយូរឆ្នាំមកហើយ គឺតាំងពីកូនប្រុសរូបនេះអាយុជាង១ខួប ។ ពេលនោះ លោកបានសុំយកកូនទៅជាមួយដែរ តែជីតាខាងស្រីមិនព្រម ។
តាមការអះអាងរបស់លោកប៊ុនឈឿន ថា កូនគាត់មានតែ២នាក់ទេដែលខុសពីក្មេងប្រុសនេះ ដែលប្រាប់ថា មានបងប្អូន៣នាក់ ។ លោក ប៊ុនឈឿន បានអះអាងថា កូនប្រុសនេះមានសតិស្មារតីល្អទេ ហើយលោកក៏មិនដឹងថា កូនរូបនេះមកដល់រាជធានីភ្នំពេញតាមវិធីណាឡើយ តែថាឪពុកម្តាយនាំមកបំបរបង់នោះមិនពិតទេ ហើយពេលនេះគឺម្តាយគេមានជំងឺកំពុងដេកព្យាបាលនៅមន្ទីរពេទ្យឯណោះ ។
កោះសន្តិភាព បានណែនាំដល់បុរសដែលអះអាងថាជាឪពុក ឱ្យទាក់ទងទៅកាន់វិទ្យុABC
ដែលតាមប្រភពថា បានយកក្មេងប្រុសនេះទៅថែរក្សាសិន ទម្រាំរកអាណាព្យាបាលឃើញ ៕
ចែករំលែកព័តមាននេះ