ខេត្តឧត្តរមានជ័យ ៖ ស្ត្រីខ្មែរម្នាក់ត្រូវបានក្រុមទាហ៊ានឈុតខ្មៅថៃចាប់ខ្លួនពីបទឆ្លងដែនខុសច្បាប់កាលពីវេលាម៉ោង០៧នឹង៣០នាទីយប់ ថ្ងៃទី១៧ ខែកុម្ភៈ ឆ្នាំ២០១៨ ដែលមានគោលបំណងរកកាប់ឈើគ្រញួងនៅទឹកដីថៃចំណុចខឿនតាកៅ ស្ថិតក្នុងឃុំតាខៀន ស្រុកកាប់ជើង ខេត្តសុរិន្ទ…
ខេត្តឧត្តរមានជ័យ ៖ ស្ត្រីខ្មែរម្នាក់ត្រូវបានក្រុមទាហ៊ានឈុតខ្មៅថៃចាប់ខ្លួនពីបទឆ្លងដែនខុសច្បាប់កាលពីវេលាម៉ោង០៧នឹង៣០នាទីយប់ ថ្ងៃទី១៧ ខែកុម្ភៈ ឆ្នាំ២០១៨ ដែលមានគោលបំណងរកកាប់ឈើគ្រញួងនៅទឹកដីថៃចំណុចខឿនតាកៅ ស្ថិតក្នុងឃុំតាខៀន ស្រុកកាប់ជើង ខេត្តសុរិន្ទ ប្រទេសថៃ ។
ស្ត្រីខ្មែរដែលក្រុមទាហ៊ានឈុតខ្មៅថៃធ្វើការឃាត់ខ្លួនឈ្មោះ ឡន សម្បត្តិ អាយុ៤៤ឆ្នាំ រស់នៅភូមិគោកភ្លុក សង្កាត់កូនក្រៀល ក្រុងសំរោង ខេត្តឧត្តរមានជ័យ ត្រូវបាននាំខ្លួនយកមកប្រគល់ឱ្យកងវរសេនាតូចលេខ៧០២ ប៉ូលិសការពារព្រំដែនគោកកម្ពុជា-ថៃវិញ ។
ស្ត្រីខ្មែរដែលឆ្លងដែនសុខច្បាប់រូបនេះបានរៀបរាប់ថា នៅក្នុងស្រុកដោយរកការងារពុំបានហើយក្រីក្រទៀតទើបសម្រេចចិត្តឆ្លងដែនចូលទៅក្នុងទឹកដីថៃដោយមានគោលបំណងរកកាប់ឈើគ្រញួងយកមកលក់ដូរដើម្បីបានលុយដោះស្រាយចិញ្ចឹមជីវិតនៅក្នុងក្រុមគ្រួសាររបស់ខ្លួន ។
ប៉ូលិសការពារព្រំដែនគោកកម្ពុជា-ថៃបានឱ្យដឹងថា ក្រោយពីបានទទួលស្ត្រីខ្មែរដែលឆ្លងដែនខុសច្បាប់នោះសមត្ថកិច្ចបានធ្វើការអប់រំនឹងឱ្យវិលត្រឡប់ទៅជួបជុំក្រុមគ្រួសារវិញនៅក្នុងថ្ងៃដដែល ៕
ចែករំលែកព័តមាននេះ