ខេត្តស្ទឹងត្រែង ៖ ជន២នាក់ដែលជាប្តីប្រពន្ធនឹងគ្នា បានត្រូវនគរបាលស្រុកឆែប ខេត្តព្រះវិហារ ចាប់ខ្លួន ក្រោយពីធ្វើសកម្មភាពលួចម៉ូតូមួយគ្រឿង កាលពីវេលាម៉ោង១០និង៣០នាទីយប់ថ្ងៃទី៣១ ខែមករា នៅភូមិសំអាង…
ខេត្តស្ទឹងត្រែង ៖ ជន២នាក់ដែលជាប្តីប្រពន្ធនឹងគ្នា បានត្រូវនគរបាលស្រុកឆែប ខេត្តព្រះវិហារ ចាប់ខ្លួន ក្រោយពីធ្វើសកម្មភាពលួចម៉ូតូមួយគ្រឿង កាលពីវេលាម៉ោង១០និង៣០នាទីយប់ថ្ងៃទី៣១ ខែមករា នៅភូមិសំអាង ឃុំសំអាង ស្រុកថាឡាបរិវ៉ាត់ ហើយគេចខ្លួនទៅខេត្តព្រះវិហារ ។
ប្រភពព័ត៌មានឱ្យដឹងថា ២នាក់ប្តីប្រពន្ធនេះបានលួចម៉ូតូហុងដាសេ១២៥មួយគ្រឿង ពណ៌ខ្មៅ ពាក់ផ្លាកលេខ ត្បូងឃ្មុំ ១C-០៥៧៣ ជារបស់អ្នកភូមិសំអាង ឃុំសំអាង ស្រុកថាឡាបរិវ៉ាត់ ។
លោក ហោ វុទ្ធី នាយការិយាល័យនគរបាលព្រហ្មទណ្ឌកម្រិតស្រាលខេត្ត បានប្រាប់កោះសន្តិភាពថា ជនសង្ស័យត្រូវបានបញ្ជូនមកដល់ស្នងការដ្ឋាននគរបាលខេត្តស្ទឹងត្រែង នាវេលាម៉ោងជិត៤រសៀល ថ្ងៃទី១ ខែកុម្ភៈនេះ ក្រោមការសហការរវាងនគរបាលខេត្តស្ទឹងត្រែង និងនគរបាលខេត្តព្រះវិហារ ។
លោកនាយការិយាល័យបន្តថា ជនទាំង២នាក់ប្តីប្រពន្ធនេះ ប្តីឈ្មោះ ដែង ដា អាយុ១៨ឆ្នាំ ជាកសិករ រស់នៅភូមិសំអាង ឃុំសំអាង ប្រពន្ធឈ្មោះ ភាន់ ស្រីរ៉ាច់ អាយុ១៨ឆ្នាំដូចគ្នា និងមានផ្ទៃពោះជិត៣ខែផងដែរ ៕
ចែករំលែកព័តមាននេះ