យោងទៅតាមសេចក្តីរាយការណ៍របស់សារព័ត៌មាន Daily Mail ឲ្យដឹងថា ការដែលរស់នៅឯកាមិនគ្រាន់តែធ្វើឲ្យអ្នកជាមនុស្សគួរឲ្យអាណិតទេ តែវាអាចបន្ថយមុខងារប្រព័ន្ធភាពស៊ាំ និងជាប់ក្នុងជីវិតអ្នកច្រើនឆ្នាំ ។ រឿងនេះបានមកពីការសិក្សាក្នុងមន្ទីរពិសោធន៍លើមនុស្ស និងសត្វស្វា…
យោងទៅតាមសេចក្តីរាយការណ៍របស់សារព័ត៌មាន Daily Mail ឲ្យដឹងថា ការដែលរស់នៅឯកាមិនគ្រាន់តែធ្វើឲ្យអ្នកជាមនុស្សគួរឲ្យអាណិតទេ តែវាអាចបន្ថយមុខងារប្រព័ន្ធភាពស៊ាំ និងជាប់ក្នុងជីវិតអ្នកច្រើនឆ្នាំ ។ រឿងនេះបានមកពីការសិក្សាក្នុងមន្ទីរពិសោធន៍លើមនុស្ស និងសត្វស្វា ក្នុងគោលបំណងចង់ដឹងថាតើមានយន្តការជីវសាស្ត្រណាមួយជាប់ទាក់ទងនឹងការរស់នៅដាច់ឆ្ងាយពីគេ ដែលជាប់ទាក់ទងនឹងការប្រឈមនឹងជំងឺរ៉ាំរ៉ៃ ឬឆាប់ស្លាប់ ឬអត់ ។
ការស្រាវជ្រាវបានណែនាំថា ការដែលបង្កើនសកម្មភាពរបស់ប្រព័ន្ធសរសៃប្រសាទ Sympathetic ប្រហែលជាភ្ញោជកាន់តែខ្លាំង ទៅលើការការផលិតរបស់កោសិកាគ្រាប់ឈាមស ក្នុងខួរឆ្អឹង ។ ក្នុងពេលជាមួយគ្នានេះដែរ វាប្រហែលជាបន្ថយការផលិតរបស់ប្រូតេអ៊ីនប្រឆាំងនឹងវីរុស ដូច្នេះក៏បន្ថយសមត្ថភាពទប់ស្កាត់ការបង្ករោគដែរ ។
ស្ថិតក្នុងដំណាក់កាលនេះវានៅតែជាទ្រឹស្តីនៅឡើយទេ ។ ការសិក្សានេះមិនបានបញ្ជាក់ដោយផ្ទាល់ថា អ្នកដែលរស់នៅដាច់ឆ្ងាយពីគេទំនងជាងាយនឹងកើតជំងឺ ឬឆាប់ស្លាប់ និងប្រព័ន្ធភាពស៊ាំដើរតួនាទីអ្វីឡើយ ។
ភាពឯកា និងការរស់នៅដាច់ឆ្ងាយពីគេ អាចជាអារម្មណ៍ស្មុគស្មាញ ហើយវាប្រហែលជាពិបាកនឹងរកឲ្យឃើញកត្តាមូលហេតុរបស់វាណាស់ ។ វាអាចជាវដ្តដែលមនុស្សមានជំងឺរ៉ាំរ៉ៃ ហើយមិនសូវមានការលើកទឹកចិត្តឲ្យចូលរួមក្នុងសង្គមជាមួយអ្នកដទៃ និងបង្កើតអារម្មណ៍ចង់រស់នៅឆ្ងាយពីគេពីឯងកាន់តែខ្លាំង ។
ទោះបីជាយ៉ាងណាក៏ដោយ វាមានមធ្យោបាយច្រើនណាស់ ក្នុងការបំបាត់ភាពឯកា ដោយវាមានទាំងការសុំជំនួយពីគ្រូពេទ្យ និងមានការជួយពីសហគមន៍ដែលអ្នករស់នៅ៕
ចែករំលែកព័តមាននេះ