ខេត្តកណ្ដាល ៖ ប្រជាពលរដ្ឋពីរគ្រួសារដែលរងផលបះពាល់បាក់ដីចម្ការស្វាយ ចូលក្នុងទន្លេនៅចំណុចក្បាលកោះគ ភូមិកោះរំដួល ឃុំរកាខ្ពស់ ស្រុកស្អាង បានទទួលសំណងសមរម្យតាមតម្លៃទីផ្សារពីក្រុមហ៊ុនបូមខ្សាច់ ។ លោកហេង…
ខេត្តកណ្ដាល ៖ ប្រជាពលរដ្ឋពីរគ្រួសារដែលរងផលបះពាល់បាក់ដីចម្ការស្វាយ ចូលក្នុងទន្លេនៅចំណុចក្បាលកោះគ ភូមិកោះរំដួល ឃុំរកាខ្ពស់ ស្រុកស្អាង បានទទួលសំណងសមរម្យតាមតម្លៃទីផ្សារពីក្រុមហ៊ុនបូមខ្សាច់ ។ លោកហេង ចាន់ធួន អនុរដ្ឋលេខាធិការក្រសួងរ៉ែ និងថាមពល កាលពីព្រឹកថ្ងៃទី២៩ ខែមករា បានចុះទៅធ្វើការសម្របសម្រួលរវាងពលរដ្ឋដែលរងផលប៉ះពាល់ជាមួយក្រុមហ៊ុនបូមខ្សាច់ សុង សុភាព ដោយមានការចូលរួមពីអាជ្ញាធរ ភូមិឃុំ ស្រុក ។
លោកហេង ចាន់ធួន បានប្រាប់ឱ្យដឹងថា ដីចម្ការដែលបាក់ចូលក្នុងទន្លេម្ចាស់ដី និងក្រុមហ៊ុនបូមខ្សាច់ ធ្វើការវាស់ជាក់ស្ដែង ហើយក្រុមហ៊ុនយល់ព្រមសងទៅតាមតម្លៃទីផ្សារ ។ ចំពោះដីនៅសល់ពីការបាក់ មួយចំនួនក្រុមហ៊ុនបានទិញបន្លែម និងទុកឱ្យម្ចាស់ដីទទួលផលដំណាំនោះទៀត ។ លោកថា ម្ចាស់ដី និងក្រុមហ៊ុន បូមខ្សាច់ ជាអ្នកជជែកចចារគ្នាដោយផ្ទាល់ ។ អាជ្ញាធរគ្រាន់តែអ្នកសម្របសម្រួលប៉ុណ្ណោះ ជាលទ្ធផលបានយល់ព្រមមទទួលសំណង ដោយរីករាយផងដែរ ។
គួរបញ្ជាក់ថា ដីចម្ការស្វាយនៅជាប់ច្រាំងទន្លេជាង១រយម៉ែត្រ និងដើមស្វាយជាង១០០ដើមបានបាក់ធ្លាក់ចូលក្នុងទន្លេជាបន្តបន្ទាប់ កាលពីព្រឹកថ្ងៃទី២៧ ខែមករានេះ នៅចំណុច ក្បាលកោះរំដួលហៅកោះគ ស្ថិតក្នុភូមិកោះរំដួល ឃុំរកាខ្ពស់ ស្រុកស្អាង ដែលប្រជាពលរដ្ឋថា មកពីមានសាឡង់មូមខ្សាច់នៅជិតនោះ ។
ប្រជាពលរដ្ឋបានឱ្យដឹងថា ដីចម្ការដែលបានប្រវែងបណ្ដោយប្រហែល១៣០ម៉ែត្រ និងទទឹងចម្ងាយប្រហែល៣០ម៉ែត្រ ។ ដីកម្មសិទ្ធប្រជាជន២គ្រួសារ គឺឈ្មោះ សុខ វ៉េង មានដើមស្វាយ៤០ដើម និងគ្រួសារឈ្មោះ ជ្រូ មករា មានដើមស្វាយចំនួន ៨៥ដើម បានបាក់ដីនាំដើមស្វាយរអិលធ្លាក់ចូលក្នុងទន្លេ ។ ប៉ុន្តែមិនបានប៉ះពាល់ដល់ផ្ទះសម្បែងប្រជាពលរដ្ឋណាមួយទេ ៕
ចែករំលែកព័តមាននេះ