រាជធានីភ្នំពេញ ៖ រថយន្តបែនដឹកដី១គ្រឿង បានរងការខូចខាតយ៉ាងដំណំ ដោយដាច់កង់មុខ១គ្រាប់ និងក្រពឹតមុខខ្ទេច ខណៈពេលបើកបរក្នុងល្បឿនលឿន ហើយបានបែកកង់មុខ បណ្ដាលឲ្យរេចង្កូតជ្រុលទៅបុករបាំងថ្មពុះចែកទ្រូងផ្លូវមួយកន្លែងពេញទំហឹង របើកខ្ទាតចេញពីជួរអស់ចំនួន៣កង់…
រាជធានីភ្នំពេញ ៖ រថយន្តបែនដឹកដី១គ្រឿង បានរងការខូចខាតយ៉ាងដំណំ ដោយដាច់កង់មុខ១គ្រាប់ និងក្រពឹតមុខខ្ទេច ខណៈពេលបើកបរក្នុងល្បឿនលឿន ហើយបានបែកកង់មុខ បណ្ដាលឲ្យរេចង្កូតជ្រុលទៅបុករបាំងថ្មពុះចែកទ្រូងផ្លូវមួយកន្លែងពេញទំហឹង របើកខ្ទាតចេញពីជួរអស់ចំនួន៣កង់ ។
ពេលនោះអ្នកបើកបរមិនបានរងរបួសឡើយ និងត្រូវបាននគរបាលឃាត់ខ្លួននាំទៅធ្វើការសួរនាំនៅប៉ុស្ដិ៍ដើម្បីចាត់ការតាមច្បាប់ ។ ឧប្បត្តិហេតុខាងលើនេះ បានកើតឡើងកាលពីវេលាម៉ោង១១និង២៥នាទីថ្ងៃត្រង់ ថ្ងៃទី២៧ ខែមករា ឆ្នាំ២០១៨ នៅលើកំណាត់ផ្លូវជាតិលេខ៤ ត្រង់ចំណុចមុខផ្សារជម្ពូវ័ន ភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
រថយន្តបែនដឹកដី១គ្រឿងនោះម៉ាក FUSO ពណ៌ខៀវលាយស ពាក់ស្លាកលេខ ចង្កូតស្ដាំ PP-1281 បើកបរដោយបុរសម្នាក់មិនស្គាល់ឈ្មោះ និងត្រូវបានគរបាលឃាត់ខ្លួននាំទៅកាន់ប៉ុស្ដិ៍ចោមចៅ៣ ភ្លាមៗដែរ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ រថយន្តខាងលើបានបើកបរធ្វើដំណើរក្នុងល្បឿនលឿន និងក្នុងទិសដៅពីលិចទៅកើត ។ លុះពេលទៅដល់ត្រង់ចំណុចកើតហេតុខាងលើបានបែកកង់មុខ បណ្ដាលឲ្យរេចង្កូតជ្រុលទៅបុករបាំងថ្មពុះចែកទ្រូងផ្លូវពេញទំហឹងតែម្ដង ។
ពេលនោះបានបណ្ដាលឲ្យរថយន្តដាច់កង់មុខខាងស្ដាំ១គ្រាប់ និងក្រពឹតខ្ទេចមុខផងដែរ ចំណែករបាំងថ្មពុះចែកទ្រូងផ្លូវបានរបើកខ្ទាតចេញពីជួរអស់ចំនួន៣កង់ ។ បន្ទាប់មកអ្នកបើកបរត្រូវបាននគរបាលចាប់ខ្លួននាំទៅសួរនាំនៅប៉ុស្ដិ៍ចោមចៅ៣ ។ ដើម្បីបញ្ជូនបន្តទៅកាន់ការិយាល័យនគរបាលចរាចរផ្លូវគោក នៃស្នងការដ្ឋាននគរបាលរាជធានីភ្នំពេញ ដោះស្រាយនៅពេលក្រោយ ៕
ចែករំលែកព័តមាននេះ