ខេត្តសៀមរាប ៖ ក្រុមការងារនាយកដ្ឋានវិទ្យុទាក់ទងរបស់អគ្គស្នងការដ្ឋាននគរបាលជាតិក្រសួងមហាផ្ទៃ ចំនួន១៤នាក់ ក្នុងនោះស្រី៥នាក់ នាថ្ងៃទី២៤ ខែមករា ឆ្នាំ២០១៨ នៅក្រុងសៀមរាប ដឹកនាំដោយ លោកឧត្តមសេនីយ៍ទោ អ៊ុក សម្បត្តិ ក្រុមការងាររបស់នាយកដ្ឋានវិទ្យុទាក់ទងអគ្គស្នងការដ្ឋាននគរបាលជាតិក្រសួងមហាផ្ទៃ និងលោកវរសេនីយ៍ឯក តាត សារី នាយការិយាល័យវិទ្យុទាក់ទង នៃស្នងការដ្ឋាននគរបាលខេត្ត បានដឹកនាំក្រុមសិក្ខាកាមដែលមកចុះធ្វើកម្មសិក្សា និងលំហាត់ ដើម្បីដកបទពិសោធន៍នូវចំណេះដឹងពីគ្នាទៅវិញទៅមក ។
ជាក់ស្ដែងនាថ្ងៃទី២៤ ខែមករា ឆ្នាំ២០១៨ នៅខេត្តសៀមរាប ធ្វើឡើងរយៈពេលពេញ១ថ្ងៃនៅក្នុងសិក្ខាសាលានោះ ចែកចេញជា២ ផ្នែកទី១.កម្មវិធីពេលព្រឹក គឺយកទីតាំងបង្គោលអង់តែនវិទ្យុរបស់នាយកដ្ឋាន ស្ថិតនៅភូមិស្ទឹងថ្មី ឃុំស្វាយដង្គំ ក្រុងសៀមរាប ដើម្បីធ្វើលំហាត់ជាក់ស្ដែង និងផ្នែកទី២.កម្មវិធីពេលល្ងាចបានចុះ ទៅធ្វើកម្មសិក្សា និងពិនិត្យបង្គោលអង់តែនវិទ្យុផ្សាយសំឡេង FM នៅក្នុងវត្តព្រះរាជបូព៌ ស្ថិតក្នុងភូមិវត្តបូព៌ សង្កាត់សាលាកំរើក ក្រុងសៀមរាប ដើម្បីស្វែងយល់បន្ថែម និងដកបទពិសោធន៍ នូវចំណេះដឹងក្នុងវិជ្ជាជីវៈជំនាញវិទ្យុទាក់ទងឱ្យកាន់តែស៊ីជម្រៅ និងយល់ច្បាស់ ដើម្បីយកទៅបម្រើការជូនអង្គភាព និងបម្រើជាតិមាតុភូមិ ៕
ចែករំលែកព័តមាននេះ