ខេត្តបន្ទាយុមានជ័យ ៖ កុដិ១ខ្នង២ជាន់ ត្រូវបានអគ្គិភ័យឆាបឆេះអស់ទាំងស្រុង ដោយពុំដឹង ពីមូលហេតុ។ ហេតុការណ៍នេះបានកើតឡើងនៅវេលាម៉ោង៥ និង៣០នាទីទៀបភ្លឺ ថ្ងៃអាទិត្យ ៥កើត…
ខេត្តបន្ទាយុមានជ័យ ៖ កុដិ១ខ្នង២ជាន់ ត្រូវបានអគ្គិភ័យឆាបឆេះអស់ទាំងស្រុង ដោយពុំដឹង ពីមូលហេតុ។ ហេតុការណ៍នេះបានកើតឡើងនៅវេលាម៉ោង៥ និង៣០នាទីទៀបភ្លឺ ថ្ងៃអាទិត្យ ៥កើត ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២១ ខែមករា ឆ្នាំ២០១៨ នៅភូមិវត្តស្រះចែង ស្ថិតក្នុងភូមិប្រីយ៍ ឃុំទ្រាស ស្រុកស្វាយចេក ខេត្តបន្ទាយមានជ័យ។ ប្រភពព័ត៌មានពីមន្ត្រី នគរបាលមូលដ្ឋាន បានឲ្យដឹងថា កុដិដែលត្រូវបានអគ្គីភ័យលេបត្របាក់ឆេះអស់ទាំងស្រុងនេះ គឺធ្វើអំពីឈើប្រក់ស័ង្កសី មានទំហំ២៨ម៉ែត្រគុណនឹង៩ម៉ែត្រ កម្ពស់២ជាន់ ពុំមានព្រះគង់នៅទេ។
រាល់ថ្ងៃមានមនុស្សប្រុសឆ្កួតម្នាក់មកស្នាក់នៅ។ តែពេលដែលឆេះនោះ គឺពុំមានវត្តមានមនុស្សឆ្កួត នោះនៅទេ ហើយការបណ្តាលឲ្យឆេះនេះនៅពុំទាន់ដឹងពីមូលហេតុ ច្បាស់លាស់ដែរ កំពុងធ្វើការស្រាវ ជ្រាវ។ ចំពោះសម្ភារដែលខូចខាតនោះមាន សរសរចំនួន៤០ដើម,ឈើក្របចំនួន២០ម៉ែត្រគូប ,ក្តារចំនួន១៥ម៉ែត្រគូប និងស័ង្កសីចំនួន១.៨៩០សន្លឹក។ លោកវរសេនីយ៍ទោ ជា ស្លូញ អធិការនគរបាលស្រុកស្វាយចេក បានឲ្យដឹងថា៖ ពេលដែលឆេះនោះ គឺការផ្តល់ព័ត៌មានយូរពេក ហើយភ្លើងបានឆេះសន្ធោរសន្ធៅ ទម្រាំរថយន្តពន្លត់អគ្គីភ័យទៅដល់ភ្លើង ឆាបឆេះអស់ ក្នុងយើងបានប្រើប្រាស់ទឹកអស់ចំនួន៣រថយន្ត ទើបភ្លើងរលត់ទាំងស្រុង មិនរាលដាលឆេះកុដិជិតខាង៕
ចែករំលែកព័តមាននេះ