រាជធានីភ្នំពេញ ៖ អាជ្ញាធរខណ្ឌដូនពេញចុះធ្វើរដ្ឋបាលចាប់ស្ត្រីរកស៊ីផ្លូវភេទ ដែលឈរហៅម៉ូយនៅជុំវិញបរិវេណវត្តភ្នំ បានចំនួន១១នាក់ និង៤នាក់ទៀត ជាអ្នកប្រើប្រាស់ថ្នាំញៀន នៅប្លុកបឹងកក់ កាលពីវេលាម៉ោង០៨យប់ ថ្ងៃទី១៧…
រាជធានីភ្នំពេញ ៖ អាជ្ញាធរខណ្ឌដូនពេញចុះធ្វើរដ្ឋបាលចាប់ស្ត្រីរកស៊ីផ្លូវភេទ ដែលឈរហៅម៉ូយនៅជុំវិញបរិវេណវត្តភ្នំ បានចំនួន១១នាក់ និង៤នាក់ទៀត ជាអ្នកប្រើប្រាស់ថ្នាំញៀន នៅប្លុកបឹងកក់ កាលពីវេលាម៉ោង០៨យប់ ថ្ងៃទី១៧ ខែមករា ឆ្នាំ២០១៨ តាមបណ្តោយផ្លូវព្រះនរោត្តម នៅចំណុចរង្វង់មូលវត្តភ្នំ ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
តាមប្រភពព័ត៌មានពីមន្ត្រីសាលាខណ្ឌដូនពេញ បានឲ្យដឹងថា នៅចំណុចរង្វង់មូលវត្តភ្នំ មានស្រីរកស៊ីផ្លូវភេទឈរហៅម៉ូយទ្រាបត្រាតាមផ្លូវសាធារណៈ ទើបអភិបាលខណ្ឌដូនពេញឲ្យគណៈបញ្ជាការឯកភាពខណ្ឌ ចុះរៀបចំសណ្តាប់ធ្នាប់ប្រមូលស្ត្រីរកស៊ីផ្លូវភេទឈរហៅម៉ូយគ្មានសណ្តាប់ធ្នាប់នៅជុំវិញបរិវេណវត្តភ្នំ ដែលតែងតែលួចបន្លំយកសម្ភាររបស់ភ្ញៀវដែលស្រវឹងស្រាមករកសេវាផ្លូវភេទ ។
យុទ្ធនាការប្រមូលស្ត្រីរកស៊ីផ្លូវភេទនេះ ឃាត់បានស្ត្រីរកស៊ីផ្លូវនៅវត្តភ្នំបានចំនួន១០នាក់ និងម្នាក់ទៀតនៅដើមពោធិ៍មុខបារទន្លេសាប និងបន្តឃាត់ខ្លួនអ្នកប្រើប្រាស់ថ្នាំញៀនចំនួន៤នាក់នៅប្លុកបឹងកក់ ក្នុងនោះមានស្រី២នាក់ និងប្រុស២នាក់ ដកហូតបានឧបករណ៍សម្រាប់ជក់ថ្នាំញៀនចំនួនមួយយកទៅសាលាខណ្ឌដូនពេញ ។
ក្រោយពេលកើតហេតុ នារីរកស៊ីផ្លូវភេទចំនួន១១នាក់ និងអ្នកប្រើប្រាស់ថ្នាំញៀន៤នាក់ទៀត ត្រូវបានខាងសាលាខណ្ឌដូនពេញបញ្ជូនយកទៅអប់រំនៅមន្ទីរសង្គមកិច្ច ៕
ចែករំលែកព័តមាននេះ