ខេត្តកណ្តាល ៖ តាចាស់ល្មោភកាមម្នាក់ យកប្រាក់៥.០០០រៀល ជាថ្នូររំលោភនារីសតិមិនគ្រប់បានសម្រេច បន្ទាប់ពីឃើញនាងកំពុងបោកខោអាវនៅក្នុងបន្ទប់ទឹក។ ហេតុការណ៍នេះបានកើតឡើងនៅថ្ងៃទី ១៥ ខែមករា ឆ្នាំ២០១៨…
ខេត្តកណ្តាល ៖ តាចាស់ល្មោភកាមម្នាក់ យកប្រាក់៥.០០០រៀល ជាថ្នូររំលោភនារីសតិមិនគ្រប់បានសម្រេច បន្ទាប់ពីឃើញនាងកំពុងបោកខោអាវនៅក្នុងបន្ទប់ទឹក។ ហេតុការណ៍នេះបានកើតឡើងនៅថ្ងៃទី ១៥ ខែមករា ឆ្នាំ២០១៨ វេលាម៉ោង២ និង៣០នាទីរសៀល នៅចំណុចកើតហេតុ ក្នុងផ្ទះជនរងគ្រោះ ស្ថិតក្នុងភូមិ ទួលក្របៅ ឃុំគគីរ ស្រុកកៀនស្វាយ ខេត្តកណ្ដាល។ នគរបាលព្រហ្មទណ្ឌបានឲ្យដឹងថា ជនរងគ្រោះឈ្មោះ ក.ស.អ ភេទស្រី អាយុ២៤ឆ្នាំ ជនជាតិខ្មែរ មុខរបរកសិករ មានទីលំនៅភូមិ ក្នុងស្រុកកៀនស្វាយ ខេត្តកណ្ដាល(សតិមិនប្រកតី)។ ជនសង្ស័យ ឈ្មោះ តាំង ហាំងលី ភេទប្រុស អាយុ៧៤ឆ្នាំ ជនជាតិខ្មែរ មុខរបរកសិករ មានទីលំនៅភូមិ ទួលក្របៅ ឃុំគគីរ ស្រុកកៀនស្វាយ ខេត្តកណ្ដាល។
នគរបាលបញ្ជាក់ថា នៅថ្ងៃ ខែ ឆ្នាំវេលាម៉ោងកើតហេតុខាងលើ ជនរងគ្រោះ កំពុងអង្គុយបោកខោអាវនៅក្នុងបន្ទប់ទឹកក្រោមផ្ទះ ស្របពេលនោះជនសង្ស័យបានជិះកង់ចេញពីផ្ទះ របស់ខ្លួនមកចូលផ្ទះ ជនរងគ្រោះ បានឃើញជនរងគ្រោះកំពុងអង្គុយបោកខោអាវ នៅក្នុងបន្ទប់ទឹក ក្នុងបន្ទប់ក្រោមផ្ទះម្នាក់ឯងដោយគ្មានមនុស្សចាស់ និងអ្នកផ្សេងនៅជាមួយផង ជនសង្ស័យ បាននិយាយលួងលោមជនរងគ្រោះ ហើយបានឲ្យប្រាក់ចំនួន ៥.០០០រៀល មកជនរងគ្រោះ រួចបានទាយដៃជនរងគ្រោះ មកដេកលើពូកក្រោមផ្ទះ ហើយបានធ្វើសកម្មភាពរំលោភសេពសន្ថវៈ រហូតបានសម្រេច។
ពេលប្រព្រឹត្តបទល្មើសរួចហើយជនសង្ស័យ បានជិះកង់មកផ្ទះបាត់។ លុះមកដល់ម៉ោង៥ និង៣០នាទីថ្ងៃ ខែ ឆ្នាំដដែលជនរងគ្រោះបានយកហេតុការណ៍ខាងលើនិយាយប្រាប់ ឪពុកខ្លួនឈ្មោះ កែវ សុវណ្ណ ភេទប្រុស អាយុ៦៥ឆ្នាំ មុខរបរសន្តិសុខ ពេលបានដឹងព័ត៌ នៅវេលាម៉ោង៩ និង១៥នាទីថ្ងៃ ខែ ឆ្នាំដដែល ឪពុកជនរងគ្រោះក៏បានមកដាក់ពាក្យបណ្ដឹង នៅប៉ុស្តិ៍នគរបាលគគីរ ពេលទទួលបណ្ដឹងហើយ កម្លាំងប៉ុស្តិ៍នគរបាលគគីរចុះ ទៅឃាត់ខ្លួនជនសង្ស័យ យកមកប៉ុស្តិ៍ដើម្បីសួរនាំ រួចបញ្ជួនមកអធិការដ្ឋានគនរបាលស្រុកកៀនស្វាយ៕
ចែករំលែកព័តមាននេះ