ខេត្តបន្ទាយមានជ័យ ៖ មនុស៣នាក់ស្លាប់ និងម្នាក់រងរបួសធ្ងន់ នៅវេលម៉ោង១០និង៣០នាទី ថ្ងៃទ១៣ ខែមករា ឆ្នាំ២០១៨ នៅលើកំណាត់ផ្លូវជាតិលេខ១៥៩សេ ត្រង់ចំណុចស្ពានព្រែកសំរោង ក្នុងភូមិព្រែកសំរោង ឃុំរហាត់ទឹក ស្រុកមង្គលបូរី មានករណីគ្រោះថ្នាក់ចរាចរមួយកើតឡើងរវាងរថយន្តបុកម៉ូតូ ស្លាប់៣នាក់ រងរបួសធ្ងន់ម្នាក់ ។
ដំបូងមានម៉ូតូមួយគ្រឿងម៉ាកហុងដាសេ១០០ ស៊េរីចាស់ ពណ៌ក្រហម គ្មានស្លាកលេខ អូសរ៉ឺម៉កដឹកស្មៅ អ្នកបើកបរឈ្មោះ ប៊ុន ធី ភេទប្រុស អាយុ៥៤ឆ្នាំ នៅភូមិល្វា ឃុំល្វា ស្រុកបវេល ដោយបើកចេញពីខ្លោងទ្វាវត្តព្រែកសំរោង ដែលនៅខាងជើងផ្លូវ ឡើងផ្លូវជាតិបត់ស្តាំទៅលិចដោយបើកឡើងជ្រុលទៅខាងឆ្វេងរួចបើកមកស្តាំវិញ ស្របពេលនោះដែរ ក៏មានរថយន្តមួយគ្រឿង ពណ៌ស ពាក់ស្លាកលេខ ភ្នំពេញ ៣A-៣៧៨៩ អ្នកបើកបរមិនស្គាល់អត្តសញ្ញាណ គេចខ្លួនបាត់ ។
ដែលធ្វើដំណើរតាមបណ្តោយផ្លូវជាតិទិសដៅពីកើតទៅលិច ដោយបើកមានល្បឿនលឿនក៏ជាន់ហ្គ្រាំងមិនជាប់ជ្រុលទៅបុកចំពីចំហៀងខាងឆ្វេងរ៉ឺម៉ក រួចរេចង្កូតទៅខាងឆ្វេង ជ្រុលទៅបុកនឹងម៉ូតូមួយគ្រឿងទៀតម៉ាកហុងដាសេ១២៥ ផលិតឆ្នាំ២០១៥ ពណ៌ខ្មៅ ពាក់ស្លាលេខ បន្ទាយមានជ័យ ១J-៨៦៣៤ ដែលបើកបរដោយឈ្មោះ ឆម ឈឿប ភេទស្រី អាយុ៥២ឆ្នាំ ឌុបកូនស្រី ឈ្មោះ ទៀង ចន្ធូ អាយុ៣៣ឆ្នាំ និងចៅស្រី ឈ្មោះ រុំ លីនណា អាយុ៤ឆ្នាំ នៅភូមិចំណោមកើត ឃុំចំណោម ស្រុកមង្គលបូរី ធ្វើដំណើរតាមបណ្តោយផ្លូវជាតិ ទិសដៅលិចទៅកើត ចំពីមុខពេញទំហឹង បណ្តាលឲ្យស្លាប់៣នាក់ ស្រី២ របួសធ្ងន់ម្នាក់ ។
វត្ថុតាងម៉ូតូ២គ្រឿង និងរថយន្ត១គ្រឿង ត្រូវបានសមត្ថកិច្ចធ្វើការវាស់វែងយកទៅរក្សាទុកនៅនគរបាលស្រុកមង្គលបូរី ។ មូលហេតុបណ្ដាលមកពីម៉ូតូអូសរ៉ឺម៉កមិនគោរពសិទ្ធអាទិភាព ៕
ចែករំលែកព័តមាននេះ