ខេត្តបន្ទាយមានជ័យ ៖ ប្រជាពលរដ្ឋ និងមន្ត្រីរាជការ កងកម្លាំងប្រដាប់អាវុធ សិស្សានុសិស្សប្រមាណជិត២,០០០នាក់ បានចូលរួមខួបលើកទី៣៩ ទិវាជ័យជម្នះ៧មករា ដែលប្រារព្ធធ្វើឡើងនៅថ្ងៃទី០៩ ខែមករា…
ខេត្តបន្ទាយមានជ័យ ៖ ប្រជាពលរដ្ឋ និងមន្ត្រីរាជការ កងកម្លាំងប្រដាប់អាវុធ សិស្សានុសិស្សប្រមាណជិត២,០០០នាក់ បានចូលរួមខួបលើកទី៣៩ ទិវាជ័យជម្នះ៧មករា ដែលប្រារព្ធធ្វើឡើងនៅថ្ងៃទី០៩ ខែមករា ឆ្នាំ២០១៨ នៅស្នាក់ការគណបក្សប្រជាជនកម្ពុជាខេត្តបន្ទាយមានជ័យ ។
លោក សួន បវរ អភិបាលខេត្ត និងជាប្រធានគណៈកម្មាធិការ នៃគណៈបក្សប្រជាជនកម្ពុជាខេត្តបន្ទាយមានជ័យ មានប្រសាសន៍ថា ខេត្តបន្ទាយមានជ័យបានប្រារព្ធពិធីរំឭកខួបអនុស្សាវរីយ៍លើកទី៣៩ នៃទិវាជ័យជម្នះ ៧ មករា ១៩៧៩ – ៧ មករា ២០១៨ ដែលមានបងប្អូនប្រជាពលរដ្ឋ មន្ត្រីរាជការ កងកម្លាំងប្រដាប់អាវុធទាំងបីស្ថាប័ន និងសិស្សានុសិស្សមានចំនួន១,៤៤៤នាក់ ។
លោកបានមានចំណាប់អារម្មរណ៍ថា មានតែគណៈបក្សប្រជាជនកម្ពុជាតែមួយគត់ ជាអ្នកមានគុណ ជាវីរជនស្នេហាជាតិយ៉ាងពិតប្រាកដ ដែលបានក្រោកឈរពីស្ថានភាពដ៏លំបាកលំបិនបំផុតប្រមូលផ្តុំកម្លាំងសាមគ្គីគ្រប់ទិសទី ដឹកនាំកម្លាំងតស៊ូរំដោះជាតិ មាតុភូមិ និងប្រជាជនបានរស់រានមានជីវិតរួចផុតពីរបបប្រល័យពូជសាសន៍ ។
ក្នុងឱកាសនោះ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាសមាជិកគណៈអចិន្ត្រៃយ៍ គណៈកម្មាធិការកណ្តាលគណៈបក្សប្រជាជនកម្ពុជា និងជាប្រធានក្រុមការងារចុះជួយខេត្តបន្ទាយមានជ័យ បានថ្លែងក្នុងពិធីរំឭកខួបអនុស្សាវរីយ៍លើកទី៣៩ នៃទិវាជ័យជម្នះ៧មករា ស្មារតី៧មករាស្ថិតស្តេរអមតៈក្នុងដួងចិត្តរបស់ប្រជាពលរដ្ឋគ្រប់ៗរូប និងគ្រប់ជំនាន់តទៅមុខទៀត ។
លោកបានបញ្ជាក់ថា ស្មារតី៧មករាគឺជាពន្លឺបង្ហាញផ្លូវយើងឲ្យពុះពារជម្នះបានគ្រប់ឧបសគ្គ និងការលំបាកនៅគ្រប់កាលៈទេសៈឆ្ពោះទៅរកជ័យជម្នះ៧មករា ជាកម្លាំមហាសាមគ្គីជាតិដែលគ្មានអ្វីអាចមកបំបែកបាន សន្តិភាព ស្ថិរភាពនយោបាយ និងសន្តិសុខដ៏រឹងមាំ បានធានាឲ្យកម្ពុជាបន្តសម្រេចបានការអភិវឌ្ឍន៍ និងរីកចម្រើនស្របតាមគោលនយោបាយដ៏ឈ្លាសវៃ សម្តេចតេជោ ហ៊ុន សែន សម្តេចពញាចក្រី ហេង សំរិន ជាថ្នាក់ដឹកគណៈបក្សប្រជាជនកម្ពុជា ៕
ចែករំលែកព័តមាននេះ