ការស្ពឹក គឺជាការបាត់បង់នូវញាណ ឬអារម្មណ៍ផ្នែកណាមួយនៃខ្លួនរបស់អ្នក ។ ជាធម្មតាការស្ពឹកត្រូវបានបង្កឡើងដោយការរលាក ឬការសង្កត់នៃមែកធាងនៃសរសៃវិញ្ញាណក្នុងផ្នែកខាងៗនៃខ្លួនរបស់អ្នក ។ ជំងឺដែលប៉ះពាល់ទៅលើសរសៃវិញ្ញាណ ខាងៗដូចជា ជំងឺទឹកនោមផ្អែម…
ការស្ពឹក គឺជាការបាត់បង់នូវញាណ ឬអារម្មណ៍ផ្នែកណាមួយនៃខ្លួនរបស់អ្នក ។ ជាធម្មតាការស្ពឹកត្រូវបានបង្កឡើងដោយការរលាក ឬការសង្កត់នៃមែកធាងនៃសរសៃវិញ្ញាណក្នុងផ្នែកខាងៗនៃខ្លួនរបស់អ្នក ។ ជំងឺដែលប៉ះពាល់ទៅលើសរសៃវិញ្ញាណ ខាងៗដូចជា ជំងឺទឹកនោមផ្អែម ដែលអាចឲ្យមានការស្ពឹកផងដែរ។ ជាការកម្រ, ការស្ពឹកអាចត្រូវបានបណ្តាលមកពីបញ្ហាខួរក្បាល ឬឆ្អឹងខ្នង ។
ជាទូទៅ ការស្ពឹក គឺស្រដៀងទៅនឹងការបាត់លែងមានអារម្មណ៍ថា មានជើងរបស់អ្នក ។ ជាសំណាងដែរ, ការស្ពឹក គឺត្រូវបានផ្សាភ្ជាប់យ៉ាងកម្រណាស់ទៅនឹងជំងឺដែលមានការគំរាមកំហែងដល់អាយុជីវិត ដូចជាជំងឺដាច់សរសៃឈាមខួរក្បាលជាដើម ។
គ្រូពេទ្យនឹងត្រូវការព័ត៌មានលំអិតអំពីរោគសញ្ញារបស់អ្នកដើម្បីធ្វើរោគវិនិច្ឆ័យនៃមូលហេតុនៃការស្ពឹកនេះ។ តេស្តផ្សេងៗគ្នាអាចចាំបាច់ដើម្បីបញ្ជាក់ពីមូលហេតុមុននឹងការព្យាបាលដែលសាកសមចាប់ផ្តើមឡើង ។
មូលហេតុនៃការស្ពឹក៖
-មានដុំសាច់ដែលមិនមែនជាមហារីកដែលវិវឍ្ឍនៅលើសរសៃវិញ្ញាណដែលផ្សារភ្ជាប់ពីត្រចៀកទៅខួរក្បាល ។
-អ្នកផឹកស្រា
-គ្រោះថ្នាក់លើសរសៃវិញ្ញាណ Brachial plexus
-រីកប៉ោងសរសៃវិញ្ញាណក្នុងខួរក្បាល
-ដុំសាច់ក្នុងខួរក្បាល
-ជំងឺទឹកនោមផ្អែម
-បណ្តុំរោគសញ្ញា Guillain-Barre
-ជំងឺ Raynaud
-ឥទ្ធិពលនៃការព្យាបាលដោយសារធាតុគីមី ឬថ្នាំប្រឆាំងនឹងមេរោគអេដស៍ ។
-គ្រោះថ្នាក់លើខួរឆ្អឹងខ្នង
-ដុំសាច់លើខួរឆ្អឹងខ្នង
-ជំងឺដាច់សរសៃឈាមខួរក្បាល
-ជំងឺស្វាយ
-រីកសរសៃអាអកទ្រូង
-ការស្ទះសរសៃឈាមមួយរយៈ(TIA)
-រលាកសរសៃឈាម
-កង្វះវីតាមីន B-12
-ជំងឺមួយចំនួនទៀត
ការស្ពឹកអាចមានមូលហេតុផ្សេងៗពីគ្នា ។ ភាគច្រើនមិនបណ្តាលអោយប៉ះពាល់អ្វីនោះទេ, ប៉ុន្តែមួយចំនួនអាចគំរាមកំហែងដល់អាយុជីវិត ។
សូមទៅបន្ទប់សង្គ្រោះបន្ទាន់ ប្រសិនបើការស្ពឹករបស់អ្នក ៖
-ចាប់ផ្តើម ភ្លាមៗ
-កើតឡើងដោយសារការប៉ះទង្គិចក្បាលថ្មីៗ ។
-ប៉ះពាល់ទៅលើដៃ ឬជើងទាំងមូល
សូមស្វែងរកមណ្ឌលសង្គ្រោះផ្នែកវេជ្ជសាស្ត្រភ្លាមៗផងដែរ ប្រសិនបើការស្ពឹករបស់អ្នកត្រូវបានគួបផ្សំដោយ ៖
-ខ្សោយ ឬបាត់បង់ចលនាសាច់ដុំ(paralysis)
-វង្វេងវង្វាន់
-ពិបាកក្នុងការនិយាយស្តី
-ធីងធោង
-ឈឺក្បាល ភ្លាមៗ
អ្នកអាចនឹងមានការថតស្គេន (CT scan) ឬ MRIប្រសិនបើ ៖
-អ្នកមានគ្រោះថ្នាក់លើក្បាល
-គ្រូពេទ្យសង្ស័យ ឬត្រូវការបញ្ជាក់អំពីដុះសាច់លើខួរក្បាល ឬដាច់សរសៃឈាមខួរក្បាល
សូមធ្វើការណាត់ជាមួយគ្រូពេទ្យផ្ទាល់ ប្រសិនបើការស្ពឹករបស់អ្នក ៖
-ចាប់ផ្តើម ឬអាក្រក់ បន្តិចម្តងៗ
-ប៉ះពាល់ទៅលើផ្នែកទាំងពីរនៃខ្លួនរបស់អ្នក
-ម្តងកើតម្តងបាត់
-ហាក់ដូចជាទាក់ទងទៅនឹងការងារ ឬសកម្មភាពមួយចំនួន ជាពិសេសសកម្មភាពដដែល
-ប៉ះពាល់តែផ្នែកណាមួយនៃអវយវៈ ដូចជាម្រាមជើង ឬម្រាមដៃ ៕
ចែករំលែកព័តមាននេះ