រាជធានីភ្នំពេញ ៖ យុវជនម្នាក់ត្រូវបានកម្លាំងនគរបាលប៉ុស្ដិ៍ចោមចៅ១ ធ្វើការឃាត់ខ្លួននាំទៅសាក សួរបន្ទាប់ពីផឹកស្រវឹងស្រែកឡូឡា ហើយខឹងមិត្តភក្ដិឃាត់ បានទាញដែកជ្រុង១កំណាត់វាយបណ្ដាលឲ្យបែកក្បាលដេរចំនួន៤ថ្នេរ។ ហេតុការណ៍នោះបានកើតឡើង កាលពីវេលាម៉ោង៧យប់ ថ្ងៃទី២៥…
រាជធានីភ្នំពេញ ៖ យុវជនម្នាក់ត្រូវបានកម្លាំងនគរបាលប៉ុស្ដិ៍ចោមចៅ១ ធ្វើការឃាត់ខ្លួននាំទៅសាក សួរបន្ទាប់ពីផឹកស្រវឹងស្រែកឡូឡា ហើយខឹងមិត្តភក្ដិឃាត់ បានទាញដែកជ្រុង១កំណាត់វាយបណ្ដាលឲ្យបែកក្បាលដេរចំនួន៤ថ្នេរ។ ហេតុការណ៍នោះបានកើតឡើង កាលពីវេលាម៉ោង៧យប់ ថ្ងៃទី២៥ ខែធ្នូ ឆ្នាំ២០១៧ នៅក្នុងភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។ យុវជនម្នាក់នោះឈ្មោះ ហុង គឹមសុង អាយុ២០ឆ្នាំ មុខរបរកម្មករកាត់ដេរចល័ត ឲ្យតែមានរោងចក្រណាត្រូវការជួលឲ្យដេរស៊ីថ្ងៃគឺធ្វើទាំងអស់។ មានស្រុកកំណើតនៅក្នុងភូមិព្រៃស្រឡែង ឃុំទួលអំពិស ស្រុកបរសេដ្ឋ ខេត្តកំពង់ស្ពឺ។ ចំណែកយុវជនរងគ្រោះឈ្មោះ ស៊ឺន ហុង អាយុ២៨ឆ្នាំ មានស្រុកកំណើតនៅក្នុងភូមិត្រពាំងស្គុន ឃុំជីផុច ស្រុកមេសាង ខេត្តព្រៃវែង រងរបួសបែកក្បាលដេរ៤ថ្នេរ។
នគរបាលបានឲ្យដឹងថា ជនរងគ្រោះ និងជនសង្ស័យគឺទើបតែរាប់អានគ្នាជាមិត្តភក្ដិបានរយៈពេល១០ថ្ងៃប៉ុណ្ណោះ ហើយនៅមុនពេលកើតហេតុ ជននោះបានផឹកស៊ីស្រវឹង ហើយបានស្រែកឡូឡា។ ពេលនោះអ្នកជិតខាងមានការធុញទ្រាន់ខ្លាំងណាស់ បានស្រែកស្ដីឲ្យមិនព្រមឈប់ទៀតរហូតដល់ម្ចាស់ផ្ទះជួលឃាត់ក៏មិនឈប់ដែរ។ បន្ទាប់មកជនរងគ្រោះបានចូលទៅឃាត់ស្រាប់តែជននោះទាញដំបងដែកជ្រុងវាយបណ្ដាលឲ្យបែកក្បាលបង្កឲ្យភ្ញាក់ផ្អើលទាំងយប់។ នគរបាលបានឲ្យដឹងថា ក្រោយពេលកើតហេតុភ្លាមៗ ជនរងគ្រោះបានដាក់ពាក្យបណ្ដឹងសុំអន្តរាគមន៍ ហើយរហូតដល់វេលាម៉ោង៨ព្រឹក ថ្ងៃទី២៦ ខែធ្នូ ទើបកម្លាំងចុះទៅធ្វើការចាប់ខ្លួនជនដៃដល់នាំទៅសាកសួរនៅប៉ុស្តិ៍ចោមចៅ១។
ពេលនោះជនខាងលើបាននិយាយថា ខ្លួនជាអ្នកធ្វើការរកស៊ីចិញ្ចឹមជនរងគ្រោះព្រមទាំងឲ្យស្នាក់នៅបន្ទប់ជាមួយគ្នាទៀត។ ប៉ុន្តនៅសុខៗស្រាប់តែជនរងគ្រោះមកវាយរូបគេមុនដោយគ្មានមូលហេតុ ទើបខ្លួនវាយតបតវិញបណ្ដាលឲ្យរងរបួសតែម្ដង។ ប្រភពខាងលើបានបន្តទៀតថា ក្រោយចាប់ខ្លួនជននោះបាន នៅព្រឹកថ្ងៃដដែលយុវជនរងគ្រោះបានធ្វើដំណើរទៅកាន់ប៉ុស្តិ៍ខាងលើ ហើយបានទាមទារសំណងចំនួន២លានរៀល ស្មើនឹង៥០០ដុល្លារ ប៉ុន្តែដោយមានការសម្របសម្រួលគ្នា ទើបចុះមកនៅត្រឹម៣០០ដុល្លារវិញ។ ប៉ុន្តែរហូតដល់វេលាយប់ថ្ងៃដដែលនៅមិនទាន់មានលុយប្រគល់ឲ្យជនរងគ្រោះនៅឡើយ ដោយរង់ចាំបងប្អូនយកលុយពីស្រុកកំណើតទៅឲ្យ។ មិនតែប៉ុណ្ណោះជនរងគ្រោះបានបដិសេធថា រូបគេមិនបានស្នាក់នៅបន្ទប់ជួលជាមួយជនដៃដល់នោះឡើយ ហើយក៏មិនមែនដេកស៊ីឲ្យជននោះចិញ្ចឹមឡើយ គឺស្នាក់នៅបន្ទប់ផ្សេង និងរស់ដោយខ្លួនឯងខ្លួនទីពឹងខ្លួនតែប៉ុណ្ណោះ៕
https://youtu.be/JjBkQyG5xRo
ចែករំលែកព័តមាននេះ