ខេត្តកណ្ដាល ៖ បុរសពីរនាក់បានស្លាប់ដោយសាររយន្តក្រឡុកស៊ីម៉ងត៍បើកបុកកាលពីវេលាម៉ោង៧នឹង២០នាទីល្ងាច ថ្ងៃទី២៣ ខែធ្នូ ឆ្នាំ២០១៧ លើផ្លូវជាតិលេខ២១ ចំណុចលើស្ពាន ព្រែកអំពឹលទី៧១ ស្ថិតនៅក្នុងភូមិកប៉ាល់គឿង…
ខេត្តកណ្ដាល ៖ បុរសពីរនាក់បានស្លាប់ដោយសាររយន្តក្រឡុកស៊ីម៉ងត៍បើកបុកកាលពីវេលាម៉ោង៧នឹង២០នាទីល្ងាច ថ្ងៃទី២៣ ខែធ្នូ ឆ្នាំ២០១៧ លើផ្លូវជាតិលេខ២១ ចំណុចលើស្ពាន ព្រែកអំពឹលទី៧១ ស្ថិតនៅក្នុងភូមិកប៉ាល់គឿង ឃុំសំពៅពូន ស្រុកកោះធំ ខេត្តកណ្ដាល ។
តាមប្រភពពីនគរបាលចរាចរស្រុកកោះធំបានឱ្យដឹងថា ជនរងគ្រោះដែលស្លាប់ឈ្មោះ ចាប ពូក ភេទប្រុស អាយុ៤៩ឆ្នាំ មុខរបរកម្មករ មានទីលំនៅភូមិព្រែកលោក ឃុំព្រែកស្ដី ស្រុក កោះធំ ខេត្តកណ្ដាល បើកបរម៉ូតូម៉ាកហុងដា សេ១២៥ ស៊េរីឆ្នាំ២០១២ ពណ៍ខ្មៅ ពាក់ស្លាកលេខ ភ្នំពេញ ១BF-៧៧៦៧ មានកញ្ចក់ អត់ពាក់មួក និងអ្នករួមដំណើរឈ្មោះ ពៅ ញ៉ាញ់ ភេទប្រុស អាយុ៤៨ឆ្នាំ មុខរបរកម្មករ មានទីលំនៅភូមិ-ឃុំជាមួយគ្នា អត់ពាក់មួក បានស្លាប់នៅហ្នឹងកន្លែងកើតហេតុ ។
នគរបាលបានឱ្យដឹងបន្ថែមថា នៅពេលកើតហេតុខាងលើជនរងគ្រោះពីរនាក់ខាងលើជិះម៉ូតូ ឌុបគ្នាពីត្បូងទៅជើងលុះមកដល់ចំណុចកើតហេតុលើស្ពានបានបុកជាមួយរថយន្ដក្រឡុកស៊ីម៉ងត៍ ពណ៍ស ពាក់ស្លាកលេខ ភ្នំពេញ ៥A-២០០១ បើកបរទិសដៅពីជើងទៅត្បូង(តាខ្មៅ ជ្រៃធំ ) បណ្ដាលឱ្យស្លាប់អ្នកបើកម៉ូតូ និងអ្នករួមដំណើរទាំងពីរនាក់ ។ ភ្លាមៗនោះអ្នកអ្នកបើកបររថយន្តបានគេចខ្លួនបាត់មិនស្គាល់អត្តសញ្ញាណ ។
នគរបាលបានបញ្ជាក់ទៀតថា ករណីនេះបង្កឡើងដោយអ្នកបើបររថយន្តបើកបរមានល្បឿនលឿនពេលមកដល់ស្ពានមិនគោរពសិទ្ធិអាទិភាព ។ សពជនរងគ្រោះត្រូវបានក្រុមគ្រួសារ យកទៅធ្វើបុណ្យតាមប្រពៃណី ។ ចំណែកមធ្យោបាយដែលពាក់ព័ន្ធមករក្សាទុកនៅអធិការដ្ឋានបណ្ដោះអាសន្នដើម្បីបន្តកសាងសំណុំរឿងតាមនីតិវិធី ៕
ចែករំលែកព័តមាននេះ