ផ្ទះឈើប្រក់ស័ង្កសី១ខ្នង ត្រូវរលំដោយខ្យល់កន្ត្រាក់
- ព្រះសីហនុ
ខេត្តព្រះសីហនុ ៖ ផ្ទះប្រជាពលរដ្ឋមួយគ្រួសារ នៅភូមិព្រែកប្រស់ ឃុំទឹកថ្លា ស្រុកព្រៃនប់ បានបាក់ រលំដោយសារខ្យល់កន្ត្រាក់ នាព្រឹកថ្ងៃទី១៧ ខែធ្នូ…
ខេត្តព្រះសីហនុ ៖ ផ្ទះប្រជាពលរដ្ឋមួយគ្រួសារ នៅភូមិព្រែកប្រស់ ឃុំទឹកថ្លា ស្រុកព្រៃនប់ បានបាក់ រលំដោយសារខ្យល់កន្ត្រាក់ នាព្រឹកថ្ងៃទី១៧ ខែធ្នូ ឆ្នាំ ២០១៧។ មន្ត្រីមូលដ្ឋានបានឲ្យដឹងថា ផ្ទះប្រជាពលរដ្ឋ រងគ្រោះដោយខ្យល់កន្ត្រាក់ ជាផ្ទះឈើប្រក់ស័ង្កសីជញ្ជាំងស័ង្កសីទំហំ៤គុណនឹង៦ម៉ែត្រ ដែលមានម្ចាស់ផ្ទះឈ្មោះ ចាន់ ភីន ភេទស្រី ឣាយុ២៤ឆ្នាំ មុខរបរកសិករ។ ក្រៅពីនេះក៏មានផ្ទះពលរដ្ឋ ដើមឈើ ខ្លះទៀតរងការប៉ះពាល់ ដូចជារបើកដំបូល ឬជញ្ជាំងផ្ទះជាដើម។
បើតាមលោក សរ កក្កដា អភិបាលស្រុកព្រៃនប់ បានឲ្យកោះសន្តិភាព ដឹងថា ខ្យល់រដូវនេះបានបោកបក់ខ្លាំងមកលើឃុំមួយចំនួន តាមបណ្តោយផ្លូវជាតិលេខ៣(វាលរេញ-កំពត) នៅថ្ងៃទី១៧ ខែធ្នូ ឆ្នាំ២០១៧នេះ បណ្តាលឲ្យប៉ះពាល់ដល់ការប្រកបការងាររបស់ពលរដ្ឋ ក្នុងនោះមន្ត្រីមូលដ្ឋានកំពុងតាមដានបន្តចំពោះករណីគ្រោះធម្មជាតិនេះ ព្រោះខ្យល់នៅតែបន្តបោកបក់ខ្លាំង១វឹបៗ ហើយជាមួយគ្នានេះ មន្ត្រីសាខាកាបាទក្រហមកម្ពុជាខេត្តព្រះសីហនុដឹកនាំដោយលោកសំ សំអាតអនុប្រធានគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ ក៏បានចុះចាត់ចែងជួយសង្គ្រោះ និងផ្តល់ជំនួយដល់ជនរងគ្រោះភ្លាមៗនៅព្រឹកនោះផងដែរ៕
ចែករំលែកព័តមាននេះ