បន្ទាយមានជ័យ ៖ រថយន្តហាយឡែនឌ័រ១គ្រឿងត្រូវបានចៅហ្វាយក្រុងប៉ោយប៉ែតទើបឡើងថ្មីដឹកនាំកម្លាំងហៅរថយន្តស្ទូចយកទៅអធិការនគរបាលក្រុងដើម្បីអប់រំម្ចាស់ដោយសារចតចោលចំណុចរង្វង់មូលជាចំណុចហាមឃាត់ ។ ការប្រើធម៏ក្តៅនេះធ្វើឡើងនៅព្រឹកថ្ងៃទី១៤ ខែធ្នូ ឆ្នាំ២០១៧ ។ តាមប្រភពពីសមត្ថកិច្ចនិយាយថា មុនស្ទូចរថយន្តនេះបានទំនាក់ទំនងទៅម្ចាស់រថយន្តជាច្រើនដង…
បន្ទាយមានជ័យ ៖ រថយន្តហាយឡែនឌ័រ១គ្រឿងត្រូវបានចៅហ្វាយក្រុងប៉ោយប៉ែតទើបឡើងថ្មីដឹកនាំកម្លាំងហៅរថយន្តស្ទូចយកទៅអធិការនគរបាលក្រុងដើម្បីអប់រំម្ចាស់ដោយសារចតចោលចំណុចរង្វង់មូលជាចំណុចហាមឃាត់ ។ ការប្រើធម៏ក្តៅនេះធ្វើឡើងនៅព្រឹកថ្ងៃទី១៤ ខែធ្នូ ឆ្នាំ២០១៧ ។ 
តាមប្រភពពីសមត្ថកិច្ចនិយាយថា មុនស្ទូចរថយន្តនេះបានទំនាក់ទំនងទៅម្ចាស់រថយន្តជាច្រើនដង ប៉ុន្តែចុចចូលគ្មានអ្នកលើក ។ គេឃើញម្ចាស់រថយន្តឈ្មោះ ចិត្ត ភេទប្រុស បានដើរយ៉ាងប្រញាប់មកកាន់ក្រុមការងារចម្រុះដោយលើកដៃសំពះសុំអង្វរឲ្យមានការអនុគ្រោះ ប៉ុន្តែត្រូវលោក សាន ស៊ានហូ អភិបាលក្រុងប៉ោយប៉ែតប្រាប់ថា ជាវិធានការច្បាប់បើមិនធ្វើបែបហ្នឹងគឺគេនឹងរិះគន់លោក ។
លោកអភិបាលក្រុងបន្តថា ការធ្វើបែបនេះដើម្បីឲ្យអ្នកផ្សេងៗទៀតចេះគិតពីផលប៉ះពាល់ដល់សណ្តាប់ធ្នាប់ ពិសេសមុខមាត់ប្រទេសជាតិទាំងមូលព្រោះភ្ញៀវទេសចរបរទេសឆ្លងកាត់ច្រើនណាស់ក្នុង១ថ្ងៃៗ ។ យ៉ាងណាក៌ដោយលោកអភិបាលក្រុងអះអាងថា មិនយកមួយរយរៀលទេ គ្រាន់តែម្ចាស់រថយន្តទៅទទួលការអប់រំ និងចេញប្រាក់ថ្លៃស្ទូច និងដឹករថយន្តតែប៉ុណ្ណោះ ។
ជុំវិញករណីនេះឈ្មោះ ចិត្ត ជាអ្នករត់តាក់ស៊ីប៉ោយប៉ែតភ្នំពេញប្រាប់ កោះសន្តិភាព ថាការចុះណែនាំរបស់អាជ្ញាធរក្រុងប៉ន្មានថ្ងៃនេះលោកមិនបានដឹងទេ ព្រោះរវល់នៅភ្នំពេញ៣ថ្ងៃហើយថា ទើបដឹកម៉ូយមកដល់ម៉ោង៣ទាបភ្លឺព្រឹកនេះងងុយគេងខ្លាំងពេកក៌ដេកលង់លក់តែម្តង ។
គួរបញ្ជាក់ថា ក្រៅពីការចុះណែនាំដើម្បីរៀបចំសណ្តាប់ធ្នាប់តាមដងផ្លូវទាំងសងខាងពេលនេះអភិបាលក្រុងប៉ោយប៉ែតទើបឡើងថ្មីរូបនេះក៌បានឲ្យក្រុមការងារដាក់ពង្រាយធុងសំរាមជុំវិញរង្វង់មូលប៉ោយប៉ែតដើម្បីឲ្យពលរដ្ឋទុកដាក់សំរាមឲ្យបានត្រឹមត្រូវផងដែរ ៕
ចែករំលែកព័តមាននេះ