កាលពីទសវត្ស៥០នៃសតវត្សទី២០ មជ្ឈមណ្ឌលវេជ្ជសាស្ត្រអាមេរិកភ្ញាក់ផ្អើលបាតុភូតចម្លែកមួយគឺនៅរដ្ឋកេនទុកគី(Kenteeky)មនុស្សត្រកូលFugate ច្រើនតែមានស្បែកពណ៌ខៀវខុសពីមនុស្សធម្មតា ។ សម្បុរស្បែកខុសប្រក្រតីរបស់អ្នកទាំងនោះ ក្លាយជាប្រធានបទនៃរឿងអាថ៌កំបាំងផ្សេងៗសម្រាប់អ្នកឯទៀត ធ្វើឱ្យមជ្ឈដ្ឋានវិទ្យាសាស្ត្រត្រូវតែស្វះស្វែងរកចម្លើយ ។
កាលពីទសវត្ស៥០នៃសតវត្សទី២០ មជ្ឈមណ្ឌលវេជ្ជសាស្ត្រអាមេរិកភ្ញាក់ផ្អើលបាតុភូតចម្លែកមួយគឺនៅរដ្ឋកេនទុកគី(Kenteeky)មនុស្សត្រកូលFugate ច្រើនតែមានស្បែកពណ៌ខៀវខុសពីមនុស្សធម្មតា ។ សម្បុរស្បែកខុសប្រក្រតីរបស់អ្នកទាំងនោះ ក្លាយជាប្រធានបទនៃរឿងអាថ៌កំបាំងផ្សេងៗសម្រាប់អ្នកឯទៀត ធ្វើឱ្យមជ្ឈដ្ឋានវិទ្យាសាស្ត្រត្រូវតែស្វះស្វែងរកចម្លើយ ។
មានពាក្យតំណាលតៗគ្នាថា កាលពីដើមឡើយលើភពផែនដីយើងនេះមានអម្បូរមនុស្សស្បែកខៀវហៅថា Lemuria ។ ជនជាតិ Lemuria មានកម្ពស់ជាមធ្យម៣ម៉ែត្រ ។ ស្បែកពួកគេប្រែពណ៌ពីខៀវស្លឹកឈើទៅខៀវផ្ទៃមេឃតាមរដូវកាលនីមួយៗ ។ ផ្ទៃមុខពួកគេលេចធ្លោជាមួយភ្នែកទាំងគូធំក្រឡែត, ត្របកភ្នែកលើនិងក្រោមធ្វើចលនាដូចទ្វារជណ្តើរយន្ត ពេលបិទឬបើក ។ ជនជាតិ Lemuria មិនដកដង្ហើមតាមសួតទេ គឺតាមស្បែកស្រោបខ្លួន ។
នេះជាការពណ៌នាពីប្រភេទមនុស្សក្នុងខឿនអារ្យធម៌ Mu ឬ Lemuria, ជាខឿនអារ្យធម៌បុរាណបំផុតក្នុងលោក ។ បន្ទាប់ពីរីកចម្រើនដល់កំពូល អារ្យធម៌ Lemuria ស្រាប់តែរលត់រលាយបាត់បង់វិញយ៉ាងអាថ៌កំបាំង ។ សព្វថ្ងៃមានការសន្និដ្ឋានផ្សេងៗជុំវិញភាពវិនាសបាត់បង់អារ្យធម៌ Lemuria ។ ការសន្និដ្ឋានមួយនិយាយថា កាលណោះមិនមែនមានតែអារ្យធម៌ Lemuria ទេ, លើភពផែនដីយើងមានអារ្យធម៌មួយទៀតរីកចម្រើនណាស់ដែរ គឺអារ្យធម៌ Atlantis ។ អារ្យធម៌ទាំងពីរនេះមានទំនាក់ទំនងគ្នាធម្មតា ។ ប៉ុន្តែក្រោយមកដោយសារការពិសោធវិទ្យាសាស្ត្រចុះឡើងរបស់មនុស្សក្នុងខឿនអារ្យធម៌ Allantis ធ្វើឱ្យខឿនអារ្យធម៌ទាំងពីររលត់រលាយទាំងអស់គ្នា ។
នៅរដ្ឋកេនទុកគី សហរដ្ឋអាមេរិក សុខៗស្រាប់តែលេចមានមនុស្សក្នុងត្រកូលមួយស្បែកខៀវខុសធម្មតា ។ តើមនុស្សក្នុងត្រកូលនោះមានពាក់ព័ន្ធអ្វីជាមួយមនុស្សស្បែកខៀវ Lemuria ពីបុរាណដែរឬទេ ?
បុព្វបុរសមនុស្សស្បែកខៀវនៅអាមេរិកមានមនុស្សជាច្រើនគិតថា មនុស្សស្បែកខៀវជាអម្បូរមនុស្សមកពីភពផ្សេង មិនមែនអម្បូរមនុស្សនៅភពផែនដីនេះឡើយ ។ អ្នកខ្លះទៀតមិនយល់ថាជាអម្បូរមនុស្សភពផ្សេងទេ តែសន្និដ្ឋានថាស្បែកខៀវមកពីជំងឺតំណពូជអ្វីម្យ៉ាង, ប៉ុន្តែការវិភាគរបស់ពួកវេជ្ជបណ្ឌិតបង្ហាញឱ្យឃើញថា ក្រៅពីស្បែកពណ៌ខៀវ អ្នកទាំងនោះមានសុខភាពធម្មតាដូចគេឯង ពុំមានអ្វីខុសគ្នាឡើយ ។
លើភាពជាក់ស្តែងក្នុងសង្គម, ដោយហេតុមានសម្បុរស្បែកខុសគេ មនុស្សស្បែកខៀវជួបបញ្ហារើសអើងក្នុងការរស់នៅ ។ មនុស្សភាគច្រើនថយឆ្ងាយពីពួកគេ, មិនតែប៉ុណ្ណោះ អ្នកខ្លះថែមទាំងសង្ស័យពួកគេមានពាក់ព័ន្ធជាមួយ«មនុស្សព្រិលភ្នំហិមពាន្ត»ចំហៀងដែនដីទីបេទៀតផង ។កាលពីសតវត្សទី១៩ មានយុវជនបារាំងម្នាក់ឈ្មោះ Martin Fugate ចេញពីប្រទេសបារាំង ទៅរស់នៅសហរដ្ឋអាមេរិក ។ ពេលទៅដល់ទឹកដីថ្មី Martin Fugate ជួបបញ្ហាលំបាកគ្រប់យ៉ាងព្រោះគ្មានសាច់ញាតិ គ្មានធនធាន តែដោយសារឆន្ទៈខ្ពស់ ស្មារតីតស៊ូខ្លាំងក្លា គេធ្វើគ្រប់ការងារដើម្បីរស់ដោយកម្លាំងខ្លួនឯងផ្ទាល់ អត់ពឹងពាក់អ្នកណាទាំងអស់ ។ មិនយូរប៉ុន្មានគេសង់បានផ្ទះមួយខ្នងនៅក្បែរទន្លេ Troublesome ភាគខាងកើតរដ្ឋកេនទុកគី ។
ដោយហេតុតំបន់ដែលខ្លួនរស់នៅជាតំបន់ដាច់ស្រយាល មនុស្សនៅរង្វើលៗពីគ្នា គេមិនសូវមានឱកាសទាក់ទងជាមួយអ្នកក្រៅច្រើនឡើយ ។ ក្រោយមក Martin រៀបការជាមួយនារីឈ្មោះ Elizabeth Smith ដែលរស់នៅជិតខាងគ្នា ។ ដំបូងអ្វីៗហាក់ដូចជាធម្មតា តែក្រោយពីមានកូន៧នាក់ក៏លេចចេញនូវភាពចម្លែក គឺចំណោមកូនទាំង៧នាក់របស់ពួកគេ៤នាក់ដំបូងស្បែកខៀវ ឯ៣នាក់បន្ទាប់ស្បែកធម្មតា ។ អ្នកជិតខាងខ្សឹបខ្សៀវគ្នាថាកូនដំបូង៤នាក់របស់ពួកគេមានជំងឺចម្លែកអ្វីម្យ៉ាងពាក់ព័ន្ធដល់ឈាម ទើបស្បែកប្រែពណ៌ទៅជាខៀវ ។ ប៉ុន្តែពេលពួកគេនាំកូនទៅមន្ទីរពេទ្យ ពួកវេជ្ជបណ្ឌិតនិយាយថាកូនៗពួកគេសុខភាពធម្មតាដូចគេឯង គ្មានជំងឺអ្វីពាក់ព័ន្ធដល់ឈាមទេ ។ តាំងពីពេលនោះ Martin និងប្រពន្ធកូន រស់នៅធម្មតា លែងមានការតូចចិត្តនឹងសម្បុរស្បែកទៀត, ប៉ុន្តែលើភាពជាក់ស្តែង អ្វីៗមិនបានប្រព្រឹត្តទៅដូចការចង់បានរបស់ពួកគេឡើយ ។
ពេលពេញវ័យ កូនៗពួកគេរៀបការជាមួយកូនៗគ្រួសារនៅជិតខាង ។ ដោយហេតុតំបន់ដែលពួកគេរស់នៅជាតំបន់ដាច់ស្រយាល ហេតុនេះដល់ជំនាន់មួយទៀតយកប្តីយកប្រពន្ធ តែជាមួយអ្នកជាប់ឈាមជ័រជាមួយគ្នា ។ អ្វីៗចេះតែវិវត្តទៅមុខរបៀបនេះអស់ពីមួយជំនាន់ដល់មួយជំនាន់ ធ្វើឱ្យកុមារា កុមារីស្បែកខៀវកាន់តែច្រើនឡើងៗ ។ ពេលនោះទើបអ្នកស្បែកខៀវត្រកូល Fugate ត្រូវសាធារណមតិចាប់អារម្មណ៍ ។
ឆ្នាំ១៩៥៨ Luke Combs បច្ឆាជនរបស់ Martin Fugate ជូនប្រពន្ធទៅព្យាបាលជំងឺនៅមន្ទីរពេទ្យមហាវិទ្យាល័យកេនទុកគី ។ គ្រាន់តែក្រឡេកឃើញប្តីប្រពន្ធ Luke Combsភ្លាម ទាំងគ្រូពេទ្យ ទាំងអ្នកជំងឺនៅទីនោះបើកភ្នែកធំៗដោយការភ្ញាក់ផ្អើល ព្រោះស្បែកពួកគេពណ៌ខៀវខុសធម្មតា ។ អ្នកខ្លះគិតថា ពួកគេជាមនុស្សភពផ្សេង ។ ក្មេងៗខ្លះខ្លាចដល់ថ្នាក់ស្រែកយំផង ។
ពួកវជ្ជបណ្ឌិតនៅទីនោះមិនត្រឹមតែពិនិត្យជំងឺឱ្យប្រពន្ធ Luke Combs ប៉ុណ្ណោះទេ ថែមទាំងបក់ដៃហៅ Luke Combs ចូលពិនិត្យជំងឺទៀត ព្រោះឆ្ងល់ពុំដឹងជាមានជំងឺអ្វីបានជាស្បែកខៀវយ៉ាងនេះ ។ ប៉ុន្តែទោះពិនិត្យល្អិតល្អន់យ៉ាងណាក៏វេជ្ជបណ្ឌិតរកមិនឃើញមូលហេតុធ្វើឱ្យស្បែកមានពណ៌ខៀវសោះ ។មនុស្សចម្លែកខុសគេអ្នកមានស្បែកពណ៌ខៀវ មិនត្រឹមតែគ្មានជំងឺពាក់ព័ន្ធស្បែកប៉ុណ្ណោះ ថែមទាំងមានសុខភាពល្អជាងមនុស្សស្បែកសទៀតផង, រីឯអាយុក៏ខ្ពស់ល្អ ដោយមានអាយុជាមធ្យម៨៥ឆ្នាំ។
ក្រោយមកមានការភ្ញាក់ផ្អើលតាមមន្ទីរពេទ្យម្តងទៀត ពេលកុមារស្បែកខៀវឈ្មោះBenjamin ត្រូវបានបញ្ជូនទៅព្យាបាលជំងឺនៅមន្ទីរពេទ្យ Lexinton ។ ពួកវេជ្ជបណ្ឌិត និងពួកគិលានុបដ្ឋាយិកាមើលមុខគ្នាឡឹងឡង់រអើលៗ។ ពេលនោះជីដូនរបស់កុមារ Benjamin ប្រាប់គ្រូពេទ្យថាចៅរបស់គាត់ជាបច្ឆាជនជំនាន់ទី៦របស់Martin Fugate អ្នកដែលធ្វើឱ្យមានការភ្ញាក់ផ្អើលជាងមួយសតវត្សកន្លងមក ។វិលត្រឡប់ទៅមើលអតីតកាលបន្តិច ។ Martin Fugate ជាកូនគ្រួសារ Fugate រស់នៅតំបន់ភ្នំ Appalachian ប្រទេសបារាំង ។ ម្តាយរបស់ Martin Fugate មានស្បែកពណ៌ខៀវស្រាល ហេតុនេះទើបបន្តមកដល់គាត់ រហូតដល់គាត់មករស់នៅសហរដ្ឋអាមេរិករៀបការជាមួយនារីត្រកូល Smith បង្កើតកូនបាន៧នាក់ ក្នុងនោះ៤នាក់ស្បែកខៀវទៀត ។
ទោះដូច្នេះក្តី មិនមែនមានតែវង្សត្រកូល Fugateទេ ដែលធ្វើឱ្យគេភ្ញាក់ផ្អើលពីស្បែកសម្បុរខៀវ ។ នៅប្រទេសអង់គ្លេសក៏មានមនុស្សម្នាក់ស្បែកខៀវធ្វើឱ្យគេឯងភ្ញាក់ផ្អើលដែរ ។ នោះគឺនាយទាហានអង់គ្លេសឈ្មោះ Fred Walter ។ នាយទាហានរូបនេះកើតនៅឆ្នាំ១៨៥៥ ។ ដំបូងគាត់ស្បែកសដូចគេឯង តែបន្ទាប់ពីចូលបម្រើក្នុងជួរកងទ័ពបានមួយរយៈស្រាប់តែស្បែកប្រែប្រួលបន្តិចម្តងទៅជាខៀវវិញ ។ យកលេសខ្លួនឯងមានជំងឺចម្លែក Fred Walter សុំឈប់បម្រើទ័ព ហើយទៅរស់នៅសហរដ្ឋអាមេរិកនៅក្នុងឆ្នាំ១៨៩១ ។ ក្រោយពេលគាត់ស្លាប់ក្នុងឆ្នាំ១៩២៣ ពួកវេជ្ជបណ្ឌិតធ្វើកោសល្យវិច័យ ស្រាប់តែរកឃើញមានសារជាតិប្រាក់ច្រើនខុសធម្មតាក្នុងខ្លួនគាត់ ។ លុះស្រាវជ្រាវល្អិតល្អន់គេដឹងថាពីមុនគាត់ចូលចិត្តហូបជាតិប្រាក់ ដើម្បីឱ្យស្បែកប្តូរពណ៌ទៅខៀវ ក្លាយជាមនុស្សមានជំងឺចម្លែក ងាយស្រួលរកលុយចាយពីអ្នកមានចិត្តសប្បុរស ។ ដូច្នេះ Fred Walter មានស្បែកពណ៌ខៀវដោយសារចេតនាចង់ធ្វើដូច្នេះ មិនមែនខៀវពីកំណើតដូចវង្សត្រកូល Fugate នៅរដ្ឋកេនទុកគី សហរដ្ឋអាមេរិកឡើយ ។
ករណីមួយទៀតប្រហាក់ប្រហែលនាយទាហាន Fred Walter ដែរ គឺបុរសឈ្មោះ Paul Karason អាយុ៥៨ឆ្នាំ ស្បែកប្រែពណ៌ខៀវតាំងពី១៥ឆ្នាំមុន ។ ពីមុន Paul Karason ស្បែកសនិងមានអាចម៍រុយពេញខ្លួនឃើញគួរឱ្យខ្ពើម ។ ក្រោយមកគាត់មានទម្លាប់ផឹកទឹកលាយសារជាតិប្រាក់ គឺប្រើចរន្តអគ្គិសនីដកជាតិប្រាក់ពីលោហធាតុបញ្ចូលក្នុងទឹកដែលគេឃោសនាថា អាចព្យាបាលជំងឺមួយរយជំពូក ។ គាត់ចង់អស់អាចម៍រុយពីខ្លួនប្រាណ ខំផឹកទឹកនោះរាល់ថ្ងៃជាហេតុធ្វើឱ្យស្បែកប្រែពណ៌ជាខៀវវិញ ។
មានការកត់ត្រាមួយនិយាយថា ពីដើមតំបន់ Woolpie ប្រទេសអង់គ្លេស កើតមានការភ្ញាក់ផ្អើលករណីពើបប្រទះក្មេងពីរនាក់ស្បែកខៀវ ។ ក្មេងទាំងពីរនាក់នោះពុំដឹងមកពីណាទេ ស្រាប់តែមានវត្តមាននៅវាលស្មៅមួយ ហើយស្រែកយំលាន់ទ្រហឹង ។ អ្នកស្រុកភ្ញាក់ផ្អើលនាំគ្នារត់ទៅមើល, ទៅដល់ទច់ង៉ក់ ព្រោះក្មេងទាំងពីរនាក់ស្បែកខៀវខុសធម្មតា មិនតែប៉ុណ្ណោះពុំដឹងនិយាយភាសាអី គ្មានអ្នកណាស្តាប់បាន ។ ពួកវាស្លៀកពាក់ខោអាវផ្កាក្រឡេក្រឡាយ៉ាងចម្លែក និងធ្វើពីវត្ថុធាតុដើមក៏ចម្លែកមិនដែលឃើញ ។
ក្មេងទាំងពីរនាក់នោះអ្នកស្រុកឯកភាពគ្នាប្រគល់ឱ្យបុរសម្នាក់ឈ្មោះ Richard de Calne យកទៅចិញ្ចឹមបីបាច់នៅផ្ទះគាត់ ។ ពួកវាអត់ព្រមស៊ីចំណីអ្វីទាំងអស់ ក្រៅតែពីគ្រាប់សណ្តែក ។
មួយរយៈក្រោយមក ក្មេងប្រុសមានជំងឺស្លាប់សល់តែក្មេងស្រី ។ កុមារីនោះនៅជាមួយបុរសRichard de calne រហូតដល់ចេះនិយាយប្រាស្រ័យជាមួយមនុស្សជុំវិញខ្លួន ហើយស្បែករបស់គេក៏ហើរបាត់ពណ៌ខៀវបណ្តើរៗ ។ ពេលចេះនិយាយ កុមារីប្រាប់ថាបងប្អូននាងមកពីភពមួយដែលអត់ឃើញព្រះអាទិត្យ ។ មនុស្សទាំងអស់សុទ្ធតែស្បែកខៀវ ។ គ្រប់គ្នារស់កណ្តាលបរិយាកាសស្រទំអួអាប់រហូត ។ តំបន់ដែលនាងរស់នៅឈ្មោះ ដែនដីមហាទេព Martin ។ នាងនិយាយរំលឹកថា រូបនាងនិងបងប្រុសសុខៗស្រាប់តែឮមានស្នូរជួង រួចឃើញមានផ្លូវមួយ ។ បន្ទាប់មកពេលបើកឡើង ស្រាប់តែឃើញខ្លួនឯងនៅភពនេះតែម្តង ។
អយុត្តិធម៌សង្គមចំពោះអ្នកស្បែកខៀវពេលជនគ្រប់គ្នាដឹងពីវត្តមានមនុស្សស្បែកខៀវលើភពផែនដី គ្មានអ្នកណាចង់រាប់រកឡើយ ។ ប្រការនេះធ្វើឱ្យមនុស្សស្បែកខៀវកាន់តែតូចចិត្តខ្លួនឯង គេចវេះកន្លែងអ៊ូអរទៅរស់នៅតំបន់ដាច់ស្រយាល ។ ពេលមានជំងឺល្មមៗពួកគេព្យាបាលឱ្យគ្នាទៅវិញទៅមកតាមបទពិសោធន៍ពីដូនតា, ទាល់តែឈឺធ្ងន់ណាស់ទើបប្រថុយទៅពេទ្យ ។លោក Thomas បច្ឆាជនម្នាក់ក្នុងត្រកូល Fugate និយាយទាំងតូចចិត្តដកដង្ហើមវែង «អ្នកមានសម្បុរស្បែកខៀវដូចពួកខ្ញុំមិនដែលបានទទួលសមភាពក្នុងសង្គមទេ ។ រូបខ្ញុំនេះ កាលពីតូចទៅសាលារៀន តែងត្រូវមិត្តភក្តិក្នុងសាលាព្រួតគ្នាធ្វើបាប ។ ហេតុនេះទីបំផុត ខ្ញុំលែងហ៊ានទៅរៀនទៀត ។ ដោយសារសម្ពាធសង្គមកាន់តែខ្លាំង គ្រួសារខ្ញុំសម្រេចចិត្តដកឃ្លាទៅរស់នៅតំបន់ដាច់ស្រយាលវិញ» ។
ក្រោយមកតាមបណ្តោយទន្លេTzoublesome មានមនុស្សរស់នៅច្រើនជាងពីដើម ក្នុងនោះក៏មានគ្រួសារមនុស្សស្បែកខៀវដែរ ។ ដោយហេតុមនុស្សស្បែកខៀវមិនបានសង្គមរាប់រក ហេតុនេះជំនាន់ក្រោយៗតែងយកប្តីយកប្រពន្ធតែជាមួយមនុស្សស្បែកខៀវដូចគ្នា ឬយ៉ាងណាក៏ជាមួយមនុស្សក្នុងត្រកូលFugate ដូចគ្នា ។ ដូចករណីបុរសឈ្មោះ Thomas ដែរ លោក klipphin Fugate ទទួលអយុត្តិធម៌ជាបន្តបន្ទាប់ព្រោះតែស្បែកពណ៌ខៀវរបស់ខ្លួន ថ្វីបើត្រូវបានវាយតម្លៃជាអ្នកមានឆន្ទៈខ្ពស់ ខួរក្បាលភ្លឺស្វាងល្អក៏ដោយ ។ klipphin មានឧបនិស្ស័យខ្ពស់ខាងអគ្គិសនី ។
តាំងពីនៅរៀន ការរកឃើញថ្មីៗរបស់គាត់ ត្រូវអ្នកផងវាយតម្លៃល្អ ។ ប៉ុន្តែការវាយតម្លៃជារឿងមួយ ការទទួលយកជារឿងផ្សេងមួយទៀត ។ ដោយហេតុស្នាដៃរកឃើញរបស់ខ្លួន មិនដែលបានសង្គមទទួលយក ទីបំផុតគាត់តូចចិត្តពេកក៏ជ្រើសយកការរស់នៅក្នុងតំបន់ឆ្ងាយដាច់ស្រយាលដែរ ។ចម្លើយពីមូលហេតុស្បែកខៀវចម្លើយពីបាតុភាពស្បែកខៀវត្រូវបានរកឃើញក្នុងរយៈពេល១០ឆ្នាំក្រោយមក ។អ្នកវិទ្យាសាស្ត្រវ័យក្មេងឈ្មោះ Madison Cawein នៅវិទ្យាស្ថានកេណ្ណីឌី ប្តេជ្ញាស្រាវជ្រាវត្រកូល Fugate ដោយផ្អែកលើឯកសារដែលរកបាន ។ គាត់ធ្វើដំណើរទៅទីកន្លែងក្រុមមនុស្សត្រកូលFugate ធា្លប់រស់នៅដើម្បីរកឫសគល់ស្បែកខៀវ ។ សំណាងដែរ គាត់បានទទួលការជ្រោមជ្រែងពេញទំហឹងពីអតីតគ្រូពេទ្យឈ្មោះRuth ដែលដឹងព័ត៌មានច្រើនពីត្រកូលFugate ។ ពួកគេប្រទះស្ត្រីស្បែកខៀវម្នាក់សុំធ្វើការពិសោធសាកមើល ។ លទ្ធផលពិសោធន៍ធ្វើឱ្យអ្នកទាំង ពីរភ្ញាក់ផ្អើលយ៉ាងខ្លាំង គឺស្ត្រីត្រកូលFugate ស្បែកពណ៌ខៀវម្នាក់នេះមិនធ្លាប់មានជំងឺពាក់ព័ន្ធបេះដូង សួត ឬគ្រឿងក្នុងផ្សេងៗម្តងណាឡើយ ។
ដោយការស្រាវជ្រាវយ៉ាងយកចិត្តទុកដាក់លោកMadison Cawein រកឃើញមនុស្សមួយក្រុមជាបច្ឆាជនជំនាន់ទី៦របស់ត្រកូលFugate មានគ្នា១៣នាក់ សុទ្ធតែស្បែកខៀវ ។ ពិសោធឈាមអ្នកទាំងនោះគាត់រកឃើញមានmethemoglobim (Met H b) កម្រិតខ្ពស់ដែលជាមូលហេតុធ្វើឱ្យស្បែកមានពណ៌ខៀវខុសពីមនុស្សធម្មតាទូទៅ ។មនុស្សធម្មតា Met Hb ក្នុងឈាមមានក្រោម១ភាគរយ ប៉ុន្តែសម្រាប់មនុស្សក្នុងគ្រួសារ Fugate វិវឌ្ឍខុសប្រក្រតី ។ លោក Cawein រកឃើញថា ពេលចាក់ methylene ចូលក្នុងឈាមអ្នកស្បែកខៀវប៉ុន្មាននាទី ស្បែកពួកគេប្រែពណ៌ទៅជាក្រហមប្រឿងភ្លាម ។ ហេតុនេះ មនុស្សទាំង១៣នាក់ក្នុងត្រកូល Fugate ត្រូវបានឱ្យផឹកសាកល្បង methylene ប្រភេទគ្រាប់ក្រែងលោក្រោយមកស្បែកប្រែពណ៌ជាក្រហមប្រឿងៗដូចគេឯង ។
បច្ចុប្បន្នប្រភពវេជ្ជសាស្ត្រអះអាងថា ត្រកូលFugate មានជំងឺចម្លែកម្យ៉ាងឈ្មោះ Methaemoglobinaemia (សរសេរកាត់ met -H) ។ ជំងឺនេះធ្វើឱ្យខ្លួនប្រាណត្រូវថមថយលទ្ធភាពចរាចររបស់អុកស៊ីហ្សែ៊ន ជាហេតុនាំឱ្យឈាមមានពណ៌ដិតជាង បើប្រៀបធៀបទៅមនុស្សធម្មតា ។ ជំងឺនេះកើតមានដោយសារហ្សែនបង្កប់មួយ ។ Martin Fugateនិង Elizabeth Smith មានហ្សែនបង្កប់នោះដូចគ្នា ហេតុនេះរួមគ្នាខ្លាំងជាមុន ។ក្នុងដំណាក់កាលស្វែងយល់ពីជំងឺនេះ ពួកវេជ្ជបណ្ឌិតអះអាងថាសុខភាពអ្នកស្បែកខៀវដូចអ្នកឯទៀត នេះបើមិនចង់និយាយថាល្អជាងអ្នកស្បែកស ។ មិនតែប៉ុណ្ណោះ សូម្បីសន្ទស្សន៍IQ ក៏ខ្ពស់ជាងអ្នកស្បែកសដែរ ។ ពួកគេភាគច្រើនមានឧបនិស្ស័យខ្ពស់ខាងគណិតសាស្ត្រ ។
បច្ចុប្បន្ន ប្រជាជននៅប៉ែកខាងកើតរដ្ឋកេនទុកគី កាន់តែមានចំនួនច្រើនឡើងតាមពេលវេលា ហេតុនេះទើបក្រោយមកបច្ឆាជនត្រកូល Fugate មានឱកាសច្រើនរៀបការជាមួយមនុស្សត្រកូលផ្សេងនៅក្នុងសហគមន៍ មិនបាច់ត្រូវតែរៀបការជាមួយមនុស្សក្នុងត្រកូលFugate ដូចគ្នាទៀត ដែលប្រការនេះធ្វើឱ្យកុមារា កុមារី ស្បែកខៀវកាន់តែតិចទៅៗ ។ តាមស្ថិតិរបស់អាជ្ញាធរមូលដ្ឋានឃើញថាក្នុងរយៈពេល៣០ឆ្នាំចុងក្រោយនេះអត់មានកុមារា កុមារី ពណ៌ខៀវណាប្រសូតក្នុងសហគមន៍ឡើយ ៕
ចែករំលែកព័តមាននេះ