តើអ្នកដឹងទេថា គ្រោងឆ្អឹងរបស់មនុស្សប្រែប្រួលរៀងរាល់១០ឆ្នាំម្តង ? ប៉ុន្តែដើម្បីអាចឱ្យរឿងនេះកើតឡើងឆ្អឹងរបស់អ្នកត្រូវតែរឹងមាំ ។ ប្រសិនបើការកកើតឆ្អឹងឡើងវិញយឺតជាងការពុកឆ្អឹង អ្នកទំនងជាប្រឈមនឹងជំងឺពុកឆ្អឹង ។ រាងកាយរបស់អ្នកត្រូវការសារធាតុរ៉ែចាំបាច់២ដើម្បីរក្សាល្បឿននៃការពុកឆ្អឹង គឺជាតិកាល់ស្យូម…
តើអ្នកដឹងទេថា គ្រោងឆ្អឹងរបស់មនុស្សប្រែប្រួលរៀងរាល់១០ឆ្នាំម្តង ? ប៉ុន្តែដើម្បីអាចឱ្យរឿងនេះកើតឡើងឆ្អឹងរបស់អ្នកត្រូវតែរឹងមាំ ។ ប្រសិនបើការកកើតឆ្អឹងឡើងវិញយឺតជាងការពុកឆ្អឹង អ្នកទំនងជាប្រឈមនឹងជំងឺពុកឆ្អឹង ។ រាងកាយរបស់អ្នកត្រូវការសារធាតុរ៉ែចាំបាច់២ដើម្បីរក្សាល្បឿននៃការពុកឆ្អឹង គឺជាតិកាល់ស្យូម និងវីតាមីន D ។ ប្រសិនបើអ្នកចង់ឲ្យឆ្អឹងរឹងមាំ ចូរបរិភោគអាហារទាំងនេះជាប្រចាំថ្ងៃ ។
១-ត្រី
ត្រីដូចជាត្រីសាលម៉ុង និងសាឌីនមានផ្ទុកជាតិកាល់ស្យូមច្រើន ។ លើសពីនេះត្រីសាលម៉ុងចំនួន៣ក្បាលអាចផ្តល់ឱ្យអ្នកនូវវីតាមីន D ដែលអ្នកត្រូវការពេញមួយថ្ងៃ ។ ពួកវាក៏សម្បូរទៅដោយជាតិខ្លាញ់អូមេហ្គា៣ផងដែរដែលជួយកាត់បន្ថយអត្រាការពុកឆ្អឹង ។
២-បន្លែបៃតង
បន្លែពណ៌បៃតងដូចជាស្ពៃស្ពីណាត់ ស្លឹកខ្ទឹម ស្ពៃក្តោប ប្រូខូលីគឺជាប្រភពនៃជាតិកាល់ស្យូមដ៏ល្អបំផុតសម្រាប់អ្នកដែលមិនទទួលទានផលិតផល ដូចជាទឹកដោះគោ យ៉ាអ៊ួ និងឈីស ។ ស្ពៃស្ពីណាត់ក៏សម្បូរទៅដោយវីតាមីន K ដែលជួយបង្កើនដង់ស៊ីតេរ៉ែរបស់ឆ្អឹង ។
៣-ស៊ុត
ស៊ុតគឺជាប្រភពនៃជាតិប្រូតេអ៊ីនល្អដែលមានតម្លៃថោកបំផុត ប៉ុន្តែពួកវាក៏សម្បូរទៅដោយវីតាមីន D ផងដែរ ។ ស៊ុតក្រហមអាចផ្តល់ឱ្យអ្នកនូវវីតាមីនD ជិត៦%ដែលរាងកាយរបស់អ្នកត្រូវការរៀងរាល់ថ្ងៃ ។
៤-ផ្លែក្រូច
បើទោះបីជាក្រូចត្រូវបានគេប្រើប្រាស់ជាទូទៅដោយសារវាសម្បូរវីតាមីន C ក៏ដោយ ប៉ុន្តែវាក៏អាចជួយធ្វើឱ្យឆ្អឹងមានសុខភាពល្អផងដែរ ។ វីតាមីនC មានតួនាទីសំខាន់ក្នុងការស្រូបយកជាតិកាល់ស្យូម ។
៥-គ្រាប់ធញ្ញជាតិ
គ្រាប់ធញ្ញជាតិដូចជាគ្រាប់អាល់ម៉ុនមានជាតិប៉ូតាស្យូមខ្ពស់ដែលដើរតួនាទីក្នុងការការពារការបាត់បង់ជាតិកាល់ស្យូមតាមរយៈទឹកនោម ។ គ្រាប់ Walnut សម្បូរទៅដោយអាស៊ីតខ្លាញ់អូមេហ្គា៣ ។ អាស៊ីតខ្លាញ់ប្រភេទនេះមានសារសំខាន់ខ្លាំងណាស់ក្នុងការបន្ថយល្បឿននៃការបាត់បង់ឆ្អឹង និងបង្កើនដំណើរការនៃការបង្កើតឆ្អឹងឡើងវិញ ។ គ្រាប់ធញ្ញជាតិក៏ជាប្រភពដ៏ល្អនៃជាតិប្រូតេអ៊ីន និងសារធាតុចិញ្ចឹមផ្សេងទៀតមួយចំនួនដែលជួយឲ្យឆ្អឹងរឹងមាំ ៕
ចែករំលែកព័តមាននេះ