ប្រសិនបើអ្នកគិតថា ការអោបកូនរបស់អ្នកគ្រាន់តែធ្វើឱ្យអ្នកមានអារម្មណ៍ប្រសើរនោះ សូមគិតម្តងទៀត ។ វាអាចជាគន្លឹះដល់សុខភាពកូនតូចរបស់អ្នក ។ ស្ត្រីជាម្តាយមានវិធី ផ្សេងៗគ្នាក្នុងការចិញ្ចឹមបីបាច់ទារក ប៉ុន្តែពួកគេមិនត្រូវភ្លេចក្នុងការអោបកូនតូចរបស់ពួកគេនោះទេ ។ នេះបើយោងតាមអ្នកជំនាញបាននិយាយ ។
ខាងក្រោមនេះគឺជាអត្ថប្រយោជន៍ខាងផ្លូវចិត្តនៃការអោបចំពោះទារករបស់អ្នក ។
១-ធ្វើឲ្យពួកគេគេងលក់ស្រួល
ប្រសិនបើអ្នកអោបកូនរបស់អ្នកពីរបីនាទីមុនពេលគេគេង អ្នកកំពុងធានាថា អ្នកនឹងផ្តល់នូវការគេងដ៏ល្អចំពោះកូន និងខ្លួនអ្នកផ្ទាល់ ។ ការអោបធ្វើឲ្យរាងកាយបានសម្រាក និងមានឥទ្ធិពលក្នុងការព្យាបាលដែលជួយឱ្យកូនរបស់អ្នកគេងបានលក់ស្រួល ។
២-ជួយកាត់បន្ថយភាពតានតឹង
កុមារដែលត្រូវបានអោប ពួកគេនឹងមានអារម្មណ៍ថាបានសម្រាក និងមានសុវត្ថិភាពដោយសារអ៊័រម៉ូន cortisol (អ៊័រម៉ូនស្ត្រេស) ត្រូវបានកាត់បន្ថយជាមួយនឹងកាយវិការដែលបញ្ជាក់ពីក្តីស្រលាញ់នេះ ។
៣-ពង្រឹងប្រព័ន្ធភាពស៊ាំ
ការអោបពង្រឹងប្រព័ន្ធភាពស៊ាំដោយការលើកកម្ពស់ការផលិតកោសិកាគ្រាប់ឈាមសដោយការភ្ញោចក្រពេញ thymus ។ វានឹងជួយឱ្យកូនរបស់អ្នកមានសុខភាពល្អ និងជៀសឆ្ងាញពីជំងឺ ផ្សេងៗ។
៤-ជួយឲ្យឆាប់ជាសះស្បើយ
តើអ្នកដឹងទេថា ការឱបអាចជួយព្យាបាលជំងឺ ? មូលហេតុគឺដោយសារការបញ្ចេញអ៊័រម៉ូនអុកស៊ីតូស៊ីន ។ ដោយសារហេតុផលនេះ ឪពុកម្តាយរបស់ទារកកើតមិនគ្រប់ខែត្រូវបានលើកទឹកចិត្តឱ្យអោបកូនរបស់ពួកគេដើម្បីជួយឱ្យពួកគេរីកលូតលាស់ និងមានការអភិវឌ្ឍ។ ហេតុផលនេះត្រូវបានគាំទ្រយ៉ាងខ្លាំងដោយអ្នកជំនាញដែលបានបញ្ជាក់ថា អ្នកម្ដាយថ្មីនឹងជាសះស្បើយបានលឿនបន្ទាប់ពីការផ្តល់កំណើតដល់កូនរបស់ពួកគេ ប្រសិនបើពួកគេបានអោបកូនរបស់ពួកគេដោយគ្មានការរំខានអ្វីទាំងអស់ ៕
ចែករំលែកព័តមាននេះ