ខេត្តពោធិ៍សាត់៖មន្ត្រីសាខាកាំកុងត្រូលប្រចាំខេត្តពោធិ៍សាត់សហការជាមួយមន្ត្រីមន្ទីរពាណិជ្ជកម្មខេត្តបានចុះត្រួតពិនិត្យគុណភាពទំនិញ និងម្ហូបអាហារនៅផ្សារបឹងខ្នារ និងផ្សារត្រពាំងជង ស្រុកបាកាន ដើម្បីស្វែងរកម្ហូមអាហារដែលផ្ទុកសារធាតុគីមី និងទំនិញហួសសុពលភាពប្រើប្រាស់រយៈពេលពីរថ្ងៃ គឺថ្ងៃទី២១ និង២២ ខែវិច្ឆិកា ឆ្នាំ២០១៧ ។
តាមរយៈនៃការពិនិត្យជាក់ស្តែងយ៉ាងយកចិត្តទុកដាក់ឈរលើស្មារតីទទួលខុសត្រូវខ្ពស់ដើម្បីកាពារ សុខមាលភាពជូនប្រជា ពលរដ្ឋ និងរួមចំណែកលើកស្ទួយសេដ្ឋកិច្ចជាតិមន្ត្រីកាំកុងត្រូល និងសមត្ថកិច្ចចម្រុះ អំពីវិធីសាស្ត្រថែទាំការលក់ រក្សាទុកទំនិញឲ្យស្របតាមលក្ខខណ្ឌតម្រូវផ្នែកអនាម័យរបៀបមើលកាលបរិច្ឆេទប្រើប្រាស់សម្រាប់ជាគុណប្រយោជន៍ដល់សុខភាពអ្នកទទួលទាន ។
តាមការវាយតម្លៃឃើញថា បណ្តាអាជីវករទាំងអស់មានការយល់ដឹងកាន់តែច្បាស់ និងទទួលបាននូវចំនេះដឹងបន្ថែមទៀតក្នុងការ គ្រប់គ្រងថែរក្សាដោយចេះជ្រើសរើសប្រភេទទំនិញ និងម្ហូបអាហារល្អៗយកមកតាំងលក់ ។
ដោយឡែកយើងបានរកឃើញផលិតផល និងគ្រឿងបរិភោគមួយចំនួនដែលដាក់តាំងលក់គ្មានអនាម័យ គ្មានសុវត្តិភាព ហួសកាលបរិច្ឆេទកំណត់ប្រើប្រាស់ សំបកវេចខ្ចប់រុំព័ទ្ធដោយធូលីកខ្វក់ មានច្រេះ កំប៉ុងកំពិត គ្មានស្លាកសញ្ញាត្រឹមត្រូវ សញ្ញាផ្ទុយពីច្បាប់បទបញ្ញត្តិរបស់ក្រសួងពាក់ព័ន្ធ បណ្តាលឲ្យខូចគុណភាពទាំងស្រុង ។ ទំនិញ និងម្ហូបអាហារខូចគុណភាពទាំងអស់នោះសមត្ថកិច្ចបានដកហូតពីអ្នកលក់ប្រមូលយកទៅរក្សាទុកមួយកន្លែងដើម្បីបំផ្លាញចោលក្នុងនោះមាន ភេសជ្ជហ្វាន់តា២៣៣ដប ភេសជ្ជស្ព្រាយ ៩៦ដប ភេសជ្ជកឹនតា ១៩ដប ត្រណាប់ដូង ១៨គក្រ និងនំកម្ទេចមី មួយការ៉ុងធំ ។
គួររំលឹកថា កាលពីសប្ដាហ៍មុនមន្ត្រីកាំកុងត្រូលខេត្តពោធិ៍សាត់ បានធ្វើពិធីដុតកម្ទេចចោល នូវទំនិញខូចគុណភាពជិត០៦តោន នៅក្នុងបរិវេណពហុកីឡាដ្ឋានខេត្តក្រោម អធិបតីភាពលោក សាយ សុជាតិ អភិបាលរងនៃគណអភិបាលខេត្តផងដែរ ៕
ចែករំលែកព័តមាននេះ