ខេត្តសៀមរាប ៖ ថ្លែងក្នុងពិធីប្រគល់វិញ្ញាបនបត្របណ្តោះអាសន្ន មធ្យមសិក្សាបឋមភូមិ និងមធ្យមសិក្សាទុតិយភូមិ ជូនសិស្សានុសិស្សជ័យលាភី ឆ្នាំសិក្សា២០១៦-២០១៧ នៃសាលាអន្តរជាតិភ្យូឆឺរប្រាយ នៅក្រុងសៀមរាប កាលពីថ្ងៃទី១៩…
ខេត្តសៀមរាប ៖ ថ្លែងក្នុងពិធីប្រគល់វិញ្ញាបនបត្របណ្តោះអាសន្ន មធ្យមសិក្សាបឋមភូមិ និងមធ្យមសិក្សាទុតិយភូមិ ជូនសិស្សានុសិស្សជ័យលាភី ឆ្នាំសិក្សា២០១៦-២០១៧ នៃសាលាអន្តរជាតិភ្យូឆឺរប្រាយ នៅក្រុងសៀមរាប កាលពីថ្ងៃទី១៩ ខែវិច្ឆិកា ឆ្នាំ២០១៧នេះ លោក ហ៊ុន ម៉ាណែត បានលើកឡើងថា ប្រទេសមានសុខសន្តិភាព សិស្សានុសិស្សមានឱកាសច្រើនណាស់ ទាំងការសិក្សា និងការងារ ស្របពេលប្រទេសជាតិមានការរីកចម្រើនពីមួយឆ្នាំទៅមួយឆ្នាំ ព្រោះបើគ្មានស្ថេរភាព សន្តិភាព ពលរដ្ឋកម្ពុជាទាំងអស់ក៏គ្មានឱកាសអ្វី ហើយប្រជាជនក៏មិនអាចរស់នៅសុខសាន្តនោះទេ។
លោក ហ៊ុន ម៉ាណែតបានមានប្រសាសន៏ថាសមិទ្ធិផលដែលទទួលបានថ្ងៃនេះ គឺជាសមិទ្ធិផលមួយជីវិតព្រោះនេះ ជាការរួមគ្នាបង្កើតសមិទ្ធិផលសម្រាប់ប្រទេសជាតិ ចូលរួមបង្កើតឱកាស បង្កើតសមត្ថភាព និងសក្តានុពលរបស់សិស្សានុសិស្ស ដើម្បីចូលរួមអភិវឌ្ឍប្រទេសជាតិ និងទទួលខុសត្រូវលើខ្លួនឯង និងគ្រួសារ។
លោក ហ៊ុន ម៉ាណែត សូមចូលរួមអបអរសាទរ និងសូមសម្តែងមោទនភាពជាមួយក្រុមគ្រួសារ និងអាណាព្យាបាលសិស្សានុសិស្សទាំងអស់ ដែលទទួលបានជោគជ័យក្នុងការសិក្សា សិស្សានុសិស្សជំនាន់នេះមានការវិវឌ្ឍល្អទាំងផ្នែកកាយសម្បទា និងសតិបញ្ញាបានល្អប្រសើរ។
ចែករំលែកព័តមាននេះ