ខេត្តកណ្តាល ៖ កម្មករ-កម្មការិនីជិត១០០០នាក់នាព្រឹកថ្ងៃទី២០ ខែវិច្ឆិកា ឆ្នាំ២០១៧ បានបិទផ្លូវនៅមុខរោងចក្រកាត់ដេរសម្លៀកបំពាក់មួយកន្លែង ដើម្បីនាំគ្នាតវ៉ាទៅនឹងថៅកែរោងចក្រមិនព្រមបើកប្រាក់បៀវត្សជូនពួកគាត់ និងតវ៉ាទាមទារឲ្យបិទរោងចក្រ បើសិនជាថៅកែគ្មានសមត្ថភាពបើកប្រាក់ខែឲ្យពួកគាត់ដែលមានទីតាំងនៅផ្លូវលេខ២១ ភូមិថ្មី០១ សង្កាត់-ក្រុងតាខ្មៅ ខេត្តកណ្តាល ហើយជាលើកទី០៤ហើយ។
ក្រុមកម្មករជាច្រើននាក់បានលើកឡើងថា ពួកគាត់ធ្វើការបិទផ្លូវនេះដោយសារថៅកែរបស់ពួកគាត់ឈ្មោះ ឆា ក្បុងហ៊ី ភេទស្រី ជនជាតិការ៉េ ជាថៅកែរោងចក្រកាត់ដេរសម្លៀកបំពាក់ ឈ្មោះ ហ្គាវន្ត័ អឹភែរឹល បានកុហក់ពួកគាត់ជាច្រើនលើកច្រើនសារ ដោយយកលេសថា ធ្វើការងារសិនទៅចាំគាត់រៀបចំប្រាក់ខែឲ្យទៀងទាត់ ។ តែការសន្យារបស់ថៅកែមិនដូចអ្វី ថៅកែប្រាប់ទៅក្រុមកម្មករឡើយធ្វើឲ្យពួកគាត់ខឹងយ៉ាងខ្លាំង ។
ពួកគាត់រាល់ថ្ងៃនេះគឺកំពុងខ្វះខាតខ្លាំងណាស់ អ្នកខ្លះអត់លុយបង់ថ្លៃផ្ទះជួល និងអ្នកខ្លះទៀតអត់លុយទិញម្ហូបហូប អ្នកខ្លះទៀតអត់មានលុយផ្ញើទៅឲ្យឪពុកម្តាយ ដែលកំពុងជំពាក់ធនាគារ ។ ពួកគាត់បានបន្ថែមថា បើមិនបើកប្រាក់ខែឲ្យពួកគាត់ទេ ពួកគាត់នៅតែបន្តបិទផ្លូវរហូត ដល់ពេលមានដំណោះស្រាយសមរម្យឲ្យពួកគាត់ ។
ពាក់ព័ន្ធខាងលើ ក្រុមការងារបានព្យាយាមទាក់ទងទៅថៅកែរោងចក្រ និងអាជ្ញាធរពាក់ព័ន្ធដែរតែមិនមែនការឆ្លើយតបសោះបច្ចុប្បន្នអាជ្ញាធរសមត្ថកិច្ចកំពុងជួយអន្តរាគមន៍លើបញ្ហាសន្តិសុខ សណ្តាប់ធ្នាប់ជូនកម្មករ -កម្មការិនី ៕
ចែករំលែកព័តមាននេះ