គ្មាននរណាម្នាក់ដឹងច្បាស់ពីវិធីសាស្ត្រដ៏ត្រឹមត្រូវដើម្បីធ្វើឲ្យអ្នកមានផ្ទៃពោះនោះទេ ប៉ុន្តែវាអាស្រ័យទៅលើទម្លាប់រស់នៅ និងស្ថានភាពសុខភាពរបស់អ្នក ។ ទោះជាយ៉ាងណា ខាងក្រោមនេះគឺជាគន្លឹះមួយចំនួនដែលអាចជួយឱ្យអ្នកឆាប់មានកូនប្រកបដោយប្រសិទ្ធភាព ។
១-រួមភេទឲ្យបានញឹកញាប់
នេះមិនមែនជារឿងភ្ញាក់ផ្អើលទេសម្រាប់អ្នក ប៉ុន្តែអ្នកគួរដឹងថាការរួមភេទដោយមិនគិតគូរឲ្យបានម៉ត់ចត់នឹងនាំមកនូវការខកចិត្តកាន់តែច្រើន។ ដូច្នេះវាជាការសំខាន់សម្រាប់អ្នកដើម្បីដឹងថានៅពេលណាដែលអ្នកគួររួមភេទដើម្បីឲ្យឆាប់មានគភ៌ ។ អ្នកគួរតែរួមភេទក្នុងអំឡុងថ្ងៃដែលមានឱកាសបង្កកំណើតល្អបំផុតក្នុងរយៈពេលនៃការមករដូវរបស់អ្នក ។ សូមកុំបង្ខំខ្លួនឯងឲ្យរួមភេទនៅពេលយប់បន្ទាប់ពីអ្នកបានធ្វើការងារអស់កម្លាំងពេញមួយថ្ងៃ ។ វានឹងធ្វើឱ្យអ្នកមានភាពតានតឹងកាន់តែខ្លាំងដែលអាចធ្វើឱ្យឱកាសនៃការមានគភ៌របស់អ្នកធ្លាក់ចុះ ។ ប្រសិនបើអ្នកពិតជាចង់មានផ្ទៃពោះ ចូររៀបចំផែនការសំរាប់វិស្សមកាលខ្លីមួយ និងរីករាយជាមួយដៃគូរបស់អ្នកក្នុងអំឡុងពេលនោះ ។ ចូរព្យាយាមរួមភេទឲ្យបាន២ទៅ៣ដងក្នុងពេលថ្ងៃក៏ដូចជាយប់ ។ វានឹងបង្កើនឱកាសនៃការមានគភ៌របស់អ្នក ។
២-សាកល្បងធ្វើលំហាត់ប្រាណ
ប្រសិនបើអ្នកកំពុងមានផែនការដើម្បីមានផ្ទៃពោះ ចូរព្យាយាមសម្រកទម្ងន់មុនសិន ។ ភាពធាត់ជ្រុលអាចរារាំងបំណងប្រាថ្នារបស់អ្នកក្នុងការមានផ្ទៃពោះ ។ ដោយសារតែការផលិតជាតិខ្លាញ់ ជាពិសេសនៅជុំវិញក្បាលពោះរបស់អ្នក វាបង្កើនចំនួនអ៊័រម៉ូនភេទប្រុសក្នុងខ្លួនរបស់អ្នក និងបន្ថយការបញ្ចេញអូវ៉ុល ។
៣-ចៀសវាងភាពតានតឹង
ភាពតានតឹងក្នុងចំណោមបញ្ហា ផ្សេងៗធ្វើឱ្យអ្នកពិបាកក្នុងការមានផ្ទៃពោះ ។ វាមិនត្រឹមតែប៉ះពាល់ដល់លទ្ធភាពនៃការមានកូនរបស់ស្ត្រីទេ តែវាក៏រំខានដល់លទ្ធភាពនៃការមានកូនរបស់បុរសផងដែរ ។ វានាំឲ្យមានការថយចុះការផលិតស៊ុតចំពោះស្ត្រី និងបន្ថយចំនួនមេជីវិតឈ្មោលចំពោះបុរស ។ ការរក្សាភាពតានតឹងឲ្យនៅឆ្ងាញពីអ្នកគឺជាហេតុផងចំបងនៅពេលដែលអ្នកព្យាយាមមានផ្ទៃពោះ ។
៤-ពិនិត្យមើលរបបអាហាររបស់អ្នក
របបអាហារដែលមានតុល្យភាពគឺជាអាហារផ្តល់នូវសារធាតុចិញ្ចឹម ជាតិប្រូតេអ៊ីន សារធាតុរ៉ែ និងមីក្រូសារជាតិគ្រប់គ្រាន់ដែលអាចជួយបង្កើនឱកាសនៃការមានគភ៌ ។ សម្រាប់អ្នកដែលពិបាកក្នុងការមានផ្ទៃពោះអាចទទួលបានអត្ថប្រយោជន៍ជាមួយនឹងការបន្ថែមមីក្រូសារជាតិបន្ថែមទៅក្នុងអាហារររបស់អ្នក ៕
ចែករំលែកព័តមាននេះ