រាជធានីភ្នំពេញ ៖ យុវជនម្នាក់បានជិះទូកត្នោតឆ្លងប្រឡាយ រួចឡើងចង.កសម្លាប់ខ្លួននៅលើដើមអាកាស្យា បណ្ដាលឲ្យស្លាប់បាត់បង់ជីវិត ។ ដែលសង្ស័យថា បណ្ដាលមកពីរូបគេសេពគ្រឿងញៀន រហូតដល់ថ្នាក់បែកថ្នាំលែងដឹងខុសត្រូវ និងលែងខ្លាចស្លាប់…
រាជធានីភ្នំពេញ ៖ យុវជនម្នាក់បានជិះទូកត្នោតឆ្លងប្រឡាយ រួចឡើងចង.កសម្លាប់ខ្លួននៅលើដើមអាកាស្យា បណ្ដាលឲ្យស្លាប់បាត់បង់ជីវិត ។ ដែលសង្ស័យថា បណ្ដាលមកពីរូបគេសេពគ្រឿងញៀន រហូតដល់ថ្នាក់បែកថ្នាំលែងដឹងខុសត្រូវ និងលែងខ្លាចស្លាប់ ទើបធ្វើអត្តឃាតបែបនេះ ។ ហេតុការណ៍នេះ បានបង្កឲ្យមានការភ្ញាក់ផ្អើលកាលពីវេលាម៉ោង០៦និង៣០នាទីព្រឹក ថ្ងៃទី១៧ ខែវិច្ឆិកា ឆ្នាំ២០១៧ ស្ថិតនៅក្នុងបរិវេណក្លឹបវាយកូនហ្គោលរ៉ូយ៉ាល់ភ្នំពេញ ក្នុងភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
យុវជនខាងលើនោះឈ្មោះ ហឿន ហ៊ុន អាយុ២២ឆ្នាំ មុខរបរមិនពិតប្រាកដ ប៉ុន្តែពីមុនជាសន្តិសុខយាមនៅក្នុងក្លឹបវាយកូនហ្គោលនោះ ។ មានម្តាយឈ្មោះ ស៊ុម សុខជា អាយុ៤៥ឆ្នាំ មុខរបរលក់សាច់ក្លែម នៅផ្សារបែកចាន ភូមិបែកចាន ឃុំបែកចាន ស្រុកអង្គស្នួល ខេត្តកណ្តាល ។ ប៉ុន្តែមិនបានរស់នៅជាមួយម្ដាយនោះទេ គឺបានស្នាក់នៅជាមួយជីតានៅក្នុងភូមិកើតហេតុខាងលើតាំងពីតូចមកម្ល៉េះ និងបានយកខ្សែអង្រឹងចង.កនៅលើដើមអាកាស្យាស្លាប់ ។
លោក ស៊ុម ស៊ីណា អាយុ៦៤ឆ្នាំ មុខរបរបុគ្គលិកកម្មករថែសួន នៅក្នុងក្លឹបវាយកូនហ្គោល ត្រូវជាជីតាបានឲ្យដឹងថា យុវជនខាងលើនោះមានបងប្អូនបង្កើត២នាក់ ប្រុសទាំង២ ហើយរូបគេគឺជាកូនច្បង ។ និងបានមករស់នៅជាមួយលោកតាតាំងពីនៅតូចមកម្ល៉េះ ហើយលោកតាបានធ្វើការអប់រំប្រៀនប្រដៅជាប់រហូត ប៉ុន្តែចៅប្រុសម្នាក់នេះហាក់មិនយកចិត្តទុកដាក់ស្ដាប់តាមនោះទេ ។ មិនតែប៉ុណ្ណោះតែងតែបានសេពគប់មិត្តភក្ដិមិនល្អដើរលេងច្រើនមិនសូវនៅផ្ទះ មិនគិតការរៀនសូត្រឡើយ និងបានប្រើប្រាស់គ្រឿងញៀនកែលែងឡើងបែបនេះតែម្ដង ។
ប្រភពដដែលបានបន្តទៀតថា ក្រោយមកបានឈប់រៀនហើយ គ្មានការងារធ្វើទេ ហើយដោយមិនចង់ឲ្យចៅដើរលេងឥតប្រយោជន៍នោះ លោកតាបានធ្វើមុនក្រាស់សុំមេសន្តិសុខក្លឹបវាយកូនហ្គោលនោះឲ្យធ្វើជាសន្តិសុខ ។ ប៉ុន្តែធ្វើបានត្រឹមមួយរយៈពេលខ្លីតែប៉ុណ្ណោះ ដោយសារតែមិនស្ដាប់មេ ល្មើសនឹងបទបញ្ជាផ្ទៃក្នុងនៅកន្លែងធ្វើការ ក៏ត្រូវបានមេបញ្ឈប់ពីការងារដោយគ្មានការលើកលែងនោះឡើយ ។
ប្រភពខាងលើបានបន្តទៀតថា ក្រោយមកចៅប្រុសខាងលើគ្មានការងារធ្វើនោះទេបានដើរលែងឥតប្រយោជន៍ រហូតអត់គិតពីការងាររកស៊ីនោះទេ ។ ជាងនេះទៀត បានប្រើប្រាស់គ្រឿងញៀនយ៉ាងពេញបន្ទុករហូតដល់ញៀនដល់ដំណាក់កាលបែកថ្នាំលែងដឹងខុសត្រូវទៅហើយរហូតដល់ពេលកើតហេតុ ក៏ត្រូវបានបុគ្គលិកដែលបម្រើការងារនៅក្នុងក្លឹបវាយកូនហ្គោលនោះប្រទះឃើញចង.កសម្លាប់ខ្លួននៅលើដើមអាកាស្យាស្លាប់បាត់ទៅហើយ ។
នគរបាលបានឲ្យដឹងថា ក្រោយពេលទទួលបានព័ត៌មាននោះភ្លាម កម្លាំងបានចុះទៅកាន់កន្លែងកើតហេតុធ្វើការពិនិត្យ ។ ហើយតាមការសន្និដ្ឋានយុវជនខាងលើបានជិះទូកឆ្លងប្រឡាយទៅចង.កសម្លាប់ខ្លួន គ្មានជាប់ពាក់ព័ន្ធទៅនឹងអំពើឃាតកម្មឡើយ ហើយមូលហេតុបណ្ដាលមកពីអំណាចនៃគ្រឿងញៀន បន្ទាប់មកបានប្រគល់សាកសពជូនក្រុមគ្រួសារ ដើម្បីធ្វើបុណ្យតាមប្រពៃណីដោយគ្មានការប្ដឹងផ្ដល់អ្វីឡើយ ៕
ចែករំលែកព័តមាននេះ