ការព្យាបាលគឺជារឿងសំខាន់ ដើម្បីជួយឱ្យលោកអ្នកជៀសផុតពីគ្រោះថ្នាក់ធ្ងន់ ។ រាល់ពេលដែលមានបញ្ហាពិបាកនោម ឬនោមញឹកញាប់នោះ សូមគិតទៅដល់ជំងឺក្រពេញប្រូស្តាតរីកធំ និងត្រូវប្រញាប់ទៅជួបជាមួយគ្រូពេទ្យជំងឺនាញ ដើម្បីព្យាបាលឲ្យសមស្រប ។ លោកវេជ្ជបណ្ឌិត…
ការព្យាបាលគឺជារឿងសំខាន់ ដើម្បីជួយឱ្យលោកអ្នកជៀសផុតពីគ្រោះថ្នាក់ធ្ងន់ ។
រាល់ពេលដែលមានបញ្ហាពិបាកនោម ឬនោមញឹកញាប់នោះ សូមគិតទៅដល់ជំងឺក្រពេញប្រូស្តាតរីកធំ និងត្រូវប្រញាប់ទៅជួបជាមួយគ្រូពេទ្យជំងឺនាញ ដើម្បីព្យាបាលឲ្យសមស្រប ។
លោកវេជ្ជបណ្ឌិត Dr. Chawawat Gosrisirikul គ្រូពេទ្យជំនាញវះកាត់ប្រព័ន្ធទឹកនោមនៃមន្ទីរពេទ្យវេជ្ជថានីឱ្យដឹងថា សម្រាប់ដំណើរការនៃការព្យាបាល ប្រសិនបើអ្នកជំងឺនៅមិនទាន់មានអាការធ្ងន់ គ្រូពេទ្យជំនាញនឹងណែនាំឲ្យអ្នកជំងឺផ្លាស់ប្តូររបៀបនៃប្រើប្រាស់ជីវិតរស់នៅរបស់អ្នកជំងឺ ឬកែប្រែអាកប្បកិរិយាមួយចំនួនរបស់អ្នកជំងឺ ។ ចំពោះអ្នកជំងឺដែលមានអាការមធ្យម និងអ្នកជំងឺដែលមានអាការធ្ងន់ នឹងព្យាបាលដោយថ្នាំក្នុងដំណាក់កាលដំបូង ។ ប៉ុន្តែប្រសិនបើអ្នកជំងឺមិនអាចព្យាបាលដោយថ្នាំនោះ អ្នកជំងឺអាចត្រូវបានព្យាបាលដោយការវះកាត់ ។
ការវះកាត់ក្រពេញប្រូស្តាតអាចធ្វើទៅបានតាមពីរវិធីដូចជា៖
-ទី១៖ជាវិធីសាស្ត្រវះកាត់បែបចាស់ គឺវះកាត់តាមពោះ ដើម្បីយកសាច់ក្រពេញប្រូស្តាតដែលធ្វើឲ្យមានការស្ទះនោម ឬសង្កត់បំពង់ទឹកនោម ។ ការវះកាត់នេះធ្វើឱ្យអ្នកជំងឺនោមបានស្រួលជាងមុន។
-ទី២៖គឺការវះកាត់ដោយប្រើកាមេរ៉ាឆ្លុះ ។ បច្ចុប្បន្ននេះវាជាវិធីសាស្ត្រដែលពេញនិយម។ ក្នុងករណីនេះអ្នកជំងឺនឹងត្រូវប្រើថ្នាំសន្លប់ដើម្បីដាក់កាមេរ៉ាចូលទៅក្នុងបំពង់ទឹកនោម រហូតចូលដល់ក្រពេញប្រូស្តាត ។
នៅពេលទៅដល់ក្រពេញប្រូស្តាត គ្រូពេទ្យនឹងប្រើវិធីសាស្ត្រចៀរយកសាច់ក្រពេញប្រូស្តាតដែលធ្វើឲ្យស្ទះនោម ឬសង្កត់បំពង់ទឹកនោមចេញ។ វាធ្វើឱ្យគុណភាពជីវិតរបស់អ្នកជំងឺប្រសើរឡើង និងអាចនោមបានស្រូលដូចធម្មតាវិញ ។ ដូច្នេះប្រសិនបើលោកអ្នកមានរោគសញ្ញាដូចដែលបានរៀបរាប់នោះ សូមប្រញាប់ទៅពិគ្រោះជាមួយគ្រូពេទ្យជំនាញ ភ្លាមៗ ដើម្បីទទួលការព្យាបាលទាន់ពេលវេលា និងមានប្រសិទ្ធភាព ៕
ចែករំលែកព័តមាននេះ