ខេត្តសៀមរាប ៖ កម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្ត សហការណ៍ជាមួយមន្ទីរសុខាភិបាលខេត្ត និងកម្លាំងមូលដ្ឋាន ដឹកនាំដោយលោកវរសេនីយឯក សឿន សេន នាយការិយាល័យ ប្រឆាំងបទល្មើសសេដ្ឋកិច្ចខេត្ត…
ខេត្តសៀមរាប ៖ កម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្ត សហការណ៍ជាមួយមន្ទីរសុខាភិបាលខេត្ត និងកម្លាំងមូលដ្ឋាន ដឹកនាំដោយលោកវរសេនីយឯក សឿន សេន នាយការិយាល័យ ប្រឆាំងបទល្មើសសេដ្ឋកិច្ចខេត្ត បានចុះប្រតិបត្តិការបង្ក្រាបទីតាំងបើកលក់ផលិតផល ឱសថ និងអាហារបំប៉នសុខភាព តាមអនឡាញ ដែលមិនបានចុះបញ្ជីការ និងគ្មានការអនុញ្ញាតច្បាប់ត្រឹមត្រូវពីក្រសួងសុខាភិបាល ស្តីពីច្បាប់វិសោធន៍កម្មច្បាប់ ស្តីពីការគ្រប់គ្រងឱសថមួយកន្លែងដែលមានយីហោ លីមីត លេស អ៊ិមែជីណេសិន II ឯ.ក (Balance) ព្រមទាំងដកហូតបានវត្ថុតាងផលិតផលចំនួន១០មុខ ដែលជាក្រុមហ៊ុនផលិតផលនាំចូលមកពីប្រទេសថៃ និងធ្វើការនាំខ្លួនអ្នកគ្រប់គ្រងចំនួន២នាក់យកមកសួរនាំនៅការិយាល័យជំនាញ នៃស្នងការដ្ឋាននគរបាលខេត្តសៀមរាប ព្រមទាំងបិទទីតាំងខាងលើនេះ ជាបណ្តោះអាសន្នផងដែរ។ ហេតុការណ៍ចុះបង្ក្រាបរហូតឈានដល់ធ្វើការបិទទីតាំងខាងលើនោះឡើងនៅវេលាម៉ោង១ និង៣៥នាទីរសៀល ថ្ងៃទី១៣ ខែវិច្ឆិកា ឆ្នាំ ២០១៧នេះ ស្ថិតនៅតាមបណ្តោយ ផ្លូវជាតិ លេខ៦ ជាប់របងខាងលិចសណ្ឋាគារ អូស្ត្រាលី ក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប។
លោកវរសេនីយ៍ឯក សឿន សេន នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាបបានប្រាប់ថា ដោយអនុវត្តជាប្រចាំ តាមការយកចិត្តទុកដាក់ខ្ពស់ពីសំណាក់លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាប ក៏ដូចជាធានាឱ្យបាននូវសុខមាលភាពល្អ របស់បងប្អូនប្រជាពលរដ្ឋឱ្យកាន់តែមានសុវត្ថិភាពផងនោះ។ ជាក់ស្តែងកម្លាំងការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត បានសហការណ៍ជាមួយមន្ទីរសុខាភិបាលខេត្ត ចុះប្រតិបត្តិការបង្ក្រាបទីតាំងបើកលក់ផលិតផល ឱសថ និងអាហារបំប៉នសុខភាព តាមអនឡាញ ដែលមិនបានចុះបញ្ជីការ និងគ្មានការអនុញ្ញាតច្បាប់ត្រឹមត្រូវពីក្រសួងសុខាភិបាល ស្តីពីច្បាប់វិសោធន៍កម្មច្បាប់ ស្តីពីការគ្រប់គ្រងឱសថ មួយកន្លែងដែលមានយីហោ លីមីត លេស អ៊ិ មែជីណេសិន II ឯ.ក (Balance) ព្រមទាំង ដកហូតបានវត្ថុតាងផលិតផលចំនួន១០មុខ ដែលជាក្រុមហ៊ុនផលិតផលនាំចូលមកពីប្រទេសថៃ និងធ្វើការនាំខ្លួនអ្នកគ្រប់គ្រងចំនួន២នាក់យកមកសួរនាំនៅការិយាល័យជំនាញនៃស្នងការដ្ឋាននគរបាលខេត្តសៀមរាប ព្រមទាំងបិទទីតាំងខាងលើនេះជាបណ្តោះអាសន្នផងដែរ។
លោកបានបញ្ជាក់បន្ថែមថា អ្នកគ្រប់គ្រងជំនួសថៅកែថៃទាំង២នាក់នោះមាន៖ ទី១/ឈ្មោះ បឿន វិចិត្រ ភេទប្រុស អាយុ២៩ឆ្នាំ មុខរបរជាអ្នកមើលការខុសត្រូវ ក្នុងក្រុមហ៊ុន និងទី២/ឈ្មោះ អោន រៀម ភេទប្រុស អាយុ២៥ឆ្នាំ មុខរបរជាអ្នក ពន្យល់នែនាំ និងប្រាប់ពីវិធីបង្ហោះផលិតផលរបស់ក្រុមហ៊ុន ក្នុងហ្វេសបុក ដើម្បីឱ្យអតិថិជនបញ្ជាទិញ។លោកបានបញ្ជាក់ទៀតថា ផលិតផលឱសថ និងអាហារបំប៉ន គ្មានចុះបញ្ជីការនោះ មានចំនួន១០មុខ ក្នុងនោះមាន៖ ឱសថអាហារបំប៉នសុខភាពចំនួន៣មុខ មានចំនួន៩៨កំប៉ុង ស្មើ២៩៤០គ្រាប់ និងគ្រឿងសម្អាងមានចំនួន៧មុខ ស្មើនឹង៧៦ប្រអប់។ លោកបានបន្តទៀតថា កម្លាំងជំនាញបានប្រគល់វត្ថុតាងទាំងអស់ទៅឱ្យមន្ទីរសុខាភិបាលខេត្តដើម្បីធ្វើការដុតកម្ទេចចោល។ បច្ចុប្បន្នអ្នកគ្រប់គ្រងទាំង២នាក់ កម្លាំងជំនាញកំពុងធ្វើការសាកសួរ និងសុំយោបល់ពីព្រះរាជអាជ្ញាអមសាលាដំបូងខេត្ត ដើម្បីចាត់ការទៅតាមផ្លូវច្បាប់៕
https://youtu.be/47uQOW1b8Pg
ចែករំលែកព័តមាននេះ