ខេត្តមណ្ឌលគិរី ៖ សេចក្តីរាយការណ៍បឋមឱ្យដឹងថា កាលពីរំលងអធ្រាតឈានចូលថ្ងៃទី១៣ វិច្ឆិកា នេះ ស្ត្រីម្នាក់ត្រូវបានជនមិនស្គាល់មុខ ប្រដាប់ដោយកាំភ្លើងអាកាមួយដើម និងកាំបិត ចូលទៅប្លន់ដល់ក្នុងផ្ទះ ដោយបានកាប់ទៅលើស្ត្រីរងគ្រោះជាច្រើនកាំបិត រួចប្រមូលយកប្រាក់អស់មួយចំនួន ។
ហេតុការណ៍ដ៏រន្ធត់នេះ បានកើតឡើងស្ថិតនៅក្រុមពូឡា ក្នុងភូមិពូហ្សាម ឃុំសែនមនោរម្យ ស្រុកអូររាំង ។ ស្ត្រីរងគ្រោះជាម្ចាស់ផ្ទះឈ្មោះធិន ម៉ី ភេទស្រី អាយុ២៩ឆ្នាំ ។
ប្រភពឱ្យដឹងទៀតថា ជនសង្ស័យបានយកប្រាក់អស់ចំនួន៣០០ដុល្លារ និងលុយរៀល៣៥០០០០រៀល ហើយគេចបាត់ដោយសុវត្ថិភាព ។ ស្ត្រីរងគ្រោះឱ្យដឹងដែរ ក្នុងពេលកើតហេតុនោះ ខ្លួនបានប្រតាយប្រតប់ជាមួយចោរ ដោយបានដណ្តើមកាំភ្លើង AK47 ១ដើមគ្មានគ្រាប់ពីជនសង្ស័យ ហើយពួកចោរបានគេចខ្លួន ។
ចែករំលែកព័តមាននេះ