ខេត្តកោះកុង ៖ នៅថ្ងៃទី១០ ខែវិច្ឆិកា ឆ្នាំ២០១៧ ប៉ូលិសសេដ្ឋកិច្ចខេត្ត និងសមត្ថកិច្ចពេទ្យសត្វនៃមន្ទីរកសិកម្មខេត្តកោះកុង បានចាប់ដៃសហការគ្នាទប់ស្កាត់ពលរដ្ឋដែលរកស៊ីដឹកពងមាន់ពងទាតាមទូកពីទឹកដីថៃមកលក់ក្នុងទីរួមខេត្តចំនួន២១.០០០គ្រាប់ហើយបានប្រគល់ឱ្យជំនាញពេទ្យសត្វខេត្តធ្វើការផាកពិន័យបានថវិកាចំនួន១០លានរៀលជាថ្នូរនឹងការលោះយកពងមាន់ពងទា និងមធ្យោបាយដឹកជញ្ជូនត្រលប់ទៅវិញ ។…
ខេត្តកោះកុង ៖ នៅថ្ងៃទី១០ ខែវិច្ឆិកា ឆ្នាំ២០១៧ ប៉ូលិសសេដ្ឋកិច្ចខេត្ត និងសមត្ថកិច្ចពេទ្យសត្វនៃមន្ទីរកសិកម្មខេត្តកោះកុង បានចាប់ដៃសហការគ្នាទប់ស្កាត់ពលរដ្ឋដែលរកស៊ីដឹកពងមាន់ពងទាតាមទូកពីទឹកដីថៃមកលក់ក្នុងទីរួមខេត្តចំនួន២១.០០០គ្រាប់ហើយបានប្រគល់ឱ្យជំនាញពេទ្យសត្វខេត្តធ្វើការផាកពិន័យបានថវិកាចំនួន១០លានរៀលជាថ្នូរនឹងការលោះយកពងមាន់ពងទា និងមធ្យោបាយដឹកជញ្ជូនត្រលប់ទៅវិញ ។
ប៉ុន្តែករណីបង្ក្រាបមុខរបរឆ្មាស៊ីត្រីអាំងនេះខុសពីមុខរបរខ្លាស៊ីគោត្រូវបានសមត្ថកិច្ចទាំង២ចាប់មកបានតែជាង៣ម៉ោងប៉ុណ្ណោះដល់ព្រលប់ងងឹតក៏ដោះលែងទៅវិញយ៉ាងប្រញាប់ប្រញាលព្រោះខ្លាចអ្នកកាសែតដឹង ប៉ុន្តែស្នងការរងប៉ូលិសទទួលផែនសេដ្ឋកិច្ចបានបញ្ជាក់ ប្រាប់ភ្នាក់ងារ កោះសន្តិភាព ថាពងមាន់ពងទាសរុបមានចំនួន២១.០០០គ្រាប់ហើយធ្វើការផាកពិន័យបានថវិកា១០លានរៀល ចំណែកសមត្ថកិច្ចពេទ្យសត្វដែលជាអ្នកទទួលប្រាក់ឆ្លើយថា អត់ដឹងបានប៉ុន្មានទេ ។ ករណីបង្ក្រាបអ្នកជួញពងខាងលើនេះត្រូវបានមហាជនរិះគន់ថា ខ្លាស៊ីគោមើលមិនឃើញ តែមើលឃើញឆ្មាស៊ីត្រីអាំងទៅវិញ ៕
ចែករំលែកព័តមាននេះ