ភាគច្រើនមិនចូលចិត្តបកខ្នុរ និងចំណាយពេលវេលាក្នុងការអង្គុយរើសយកផ្នែកដែលអាចបរិភោគបាន ។ នេះអាចជាមូលហេតុដែលយើងកម្របរិភោគវា ប៉ុន្តែវាគឺជាផ្លែរុក្ខជាតិដែលអ្នកគួរតែទទួលទានវាឲ្យបានញឹកញាប់ព្រោះវាផ្តល់អត្ថប្រយោជន៍ចំពោះសុខភាពជាច្រើន ។ ការពិតជាង១សតវត្សកន្លងទៅនេះ វាត្រូវបានគេប្រើដើម្បីពង្រឹងលទ្ធភាពបន្តពូជរបស់បុរសដោយសារវាអាចបង្កើនចំនួនមេជីវិតឈ្មោល ។
ប្រសិនបើអ្នកកំពុងមានការភ្ញាក់ផ្អើល សូមអានអត្ថបទខាងក្រោមនេះដើម្បីដឹងពីអត្ថប្រយោជន៍នៃផ្លែខ្នុរចំពោះសុខភាព ។
១-ផ្លែខ្នុរផ្តល់នៅថាមពល ភ្លាមៗ
ប្រហែល៩០%នៃផ្លែខ្នុរគឺជាជាតិកាបូអ៊ីដ្រាត ។ វាអាចផ្តល់នៅថាមពល ភ្លាមៗដល់យើង សូមទទួលទានវាជាអាហារសម្រន់ចន្លោះអាហារទាំងពីរពេល ។
២-ជាតិកាល់ស្យូម
ផ្លែខ្នុរប្រហែលមួយកូនចានតូចផ្តល់នូវជាតិកាល់ស្យូមជិត៥០ក្រាម ។ ដូច្នេះខ្នុរល្អសម្រាប់សុខភាពឆ្អឹង និងជួយកាត់បន្ថយហានិភ័យនៃជំងឺពុកឆ្អឹង ។
៣-សារជាតិប្រឆាំងអុកស៊ីតកម្ម
ផ្លែខ្នុរមានសារជាតិប្រឆាំងអុកស៊ីតកម្មដែលមានឈ្មោះថា Phenolics និង Flavonoids។ សារជាតិទាំងពីរនេះជួយធ្វើឲ្យភាពចាស់ថយចុះ និងប្រយុទ្ធប្រឆាំងនឹងរ៉ាឌីកាល់សេរី។ ផ្លែខ្នុរក៏ជួយបន្ថយហានិភ័យនៃជំងឺភ្នែកឡើងបាយផងដែរ ។
៤-វីតាមីន C
ផ្លែខ្នុរក៏មានវីតាមីន C ដែលវាជាសមាសធាតុជួយពង្រឹងប្រព័ន្ធភាពស៊ាំរបស់អ្នកមានភាពរឹងមាំ និងធ្វើឲ្យអ្នកមិនងាយមានជំងឺ ផ្សេងៗ ។
៥-ល្អចំពោះប្រព័ន្ធរំលាយអាហារ
ជាតិសរសៃទាំងអស់នៅក្នុងផ្លែខ្នុរផ្ទុកទៅដោយជាតិទឹក និងមានដំណើការយ៉ាងល្អក្នុងការពង្រឹងការរំលាយអាហារ ។ ប៉ុន្តែប្រសិនបើអ្នកមានបញ្ហាជាមួយនឹងប្រព័ន្ធរំលាយអាហាររបស់អ្នករួចទៅហើយ សូមកុំបរិភោគផ្លែខ្នុរដោយគ្មានការពិគ្រោះយោបល់ជាមួយវេជ្ជបណ្ឌិត ៕
ចែករំលែកព័តមាននេះ