រឿងគ្រោះថ្នាក់អ្វីក៏អាចកើតឡើងបានដែរឲ្យតែប្រហែស ជាក់ស្តែងដូចជាកុមារ តូចៗ តែងតែចូលចិត្តទៅលេងនៅកន្លែងចង្អៀត ហើយងងឹត ឬក៏ជួនកាលពេលឃើញសត្វ ផ្សេងៗចូលចិត្តលេង ចាប់ ឬក៏វ៉ៃ ដែលនាំឱ្យសត្វនោះភ័យ…
រឿងគ្រោះថ្នាក់អ្វីក៏អាចកើតឡើងបានដែរឲ្យតែប្រហែស ជាក់ស្តែងដូចជាកុមារ តូចៗ តែងតែចូលចិត្តទៅលេងនៅកន្លែងចង្អៀត ហើយងងឹត ឬក៏ជួនកាលពេលឃើញសត្វ ផ្សេងៗចូលចិត្តលេង ចាប់ ឬក៏វ៉ៃ ដែលនាំឱ្យសត្វនោះភ័យ ហើយតបត ។ បើសិនជាសត្វទាំងនោះមានពឹស ឬទ្រនិច វាអាចនឹងវាយប្រហារមកកូនតូចរបស់លោកអ្នកវិញ ដោយការទិច ឬក៏ខាំជាដើម ។
នៅពេលដែលសត្វទិចកូនរបស់លោកអ្នកអាចនឹងមានការឈឺចាប់ ហើយស្រែកយំខ្លាំង។ បើមានសត្វល្អិតទិចដូចជាឃ្មុំ វានឹងចាក់ទ្រនិចជាប់នឹងស្បែក ដែលគួរតែដកចេញ ។ ទ្រនិចវារមែងធ្វើឲ្យភ្ញាក់ផ្អើលច្រើនជាងបង្កឲ្យមានគ្រោះថ្នាក់ ។
-បើមានទ្រនិចជាប់នឹងស្បែកត្រូវយកដង្កៀបដកទ្រនិកចេញ ។ មាត់ដង្កៀបត្រូវចាប់ ទ្រនិចឲ្យកៀកជាប់នឹងស្បែកបំផុត ហើយទាញចេញ កុំកៀបឱ្យត្រូវថង់ដែលនៅខាងលើទ្រនិច ព្រោះនឹងធ្វើឲ្យពិសក្នុងថង់ជ្រាបចូលខ្លួនជនរងគ្រោះច្រើនឡើង ។
-ត្រូវស្អំទឹកកកកុំឲ្យមានការឈឺចាប់ និងអាការហើម ហើយឲ្យផ្នែកដែលត្រូវទិចនោះ សម្រាក ។ ត្រូវដឹងថាមនុស្សមួយចំនួនអាចនឹងមានប្រតិកម្ម ឬចាញ់របស់មានពិសដោយការទិចរបស់សត្វជាដើម ។ បើសិនជាត្រូវសត្វទិចនៅបរិវេណ ឬរាងកាយមានប្រតិកម្មខ្លាំងជាងធម្មតា នឹងឃើញថាមានការហើមយ៉ាងឆាប់រហ័ស ហើយអាចណែនស្ទះនៅផ្លូវដកដង្ហើម ដែលធ្វើឲ្យជនរងគ្រោះពិបាកដកដង្ហើម ពេលនោះត្រូវឲ្យជនរងគ្រោះផឹកទឹកត្រជាក់ ឬទឹកកក ហើយបើជនរងគ្រោះនៅតែពិបាកដកដង្ហើមត្រូវឲ្យឲ្យគេងសម្រាក ហើយបញ្ជូនទៅមន្ទីរពេទ្យ ៕
ចែករំលែកព័តមាននេះ