ខេត្តមណ្ឌលគិរី ៖ ជនដែដល់កាប់ប្រហារឪពុកចុងម្នាក់ ត្រូវបានកម្លាំងនគរបាលក្រុងសែនមនោរម្យ បញ្ជូនខ្លួនទៅស្នងការដ្ឋានខេត្ត នាព្រឹកថ្ងៃទី០៩ ខែវិច្ឆិកា ឆ្នាំ២០១៧ ក្រោយធ្វើសកម្មភាពកាលពីថ្ងៃទី០៧ ខែវិច្ឆិកា…
ខេត្តមណ្ឌលគិរី ៖ ជនដែដល់កាប់ប្រហារឪពុកចុងម្នាក់ ត្រូវបានកម្លាំងនគរបាលក្រុងសែនមនោរម្យ បញ្ជូនខ្លួនទៅស្នងការដ្ឋានខេត្ត នាព្រឹកថ្ងៃទី០៩ ខែវិច្ឆិកា ឆ្នាំ២០១៧ ក្រោយធ្វើសកម្មភាពកាលពីថ្ងៃទី០៧ ខែវិច្ឆិកា ដើម្បីចាត់ការតាមច្បាប់ ។
លោក កាន់ ពេញ អធិការនគរបាលក្រុងបានឲ្យដឹងថា នៅថ្ងៃទី០៧ ខែវិច្ឆិកា ឆ្នាំ២០១៧ វេលាម៉ោង១៩និង០០នាទី នៅភូមិឡៅកា មានករណីអំពើហិង្សាក្នុងគ្រួសារ បង្កឲ្យមានមនុស្សរបួសធ្ងន់ធ្ងរ ត្រូវបញ្ជូនទៅសង្គ្រោះនៅមន្ទីរពេទ្យបង្អែកខេត្តភ្លាមៗ ។
លោកអធិការថា មូលហេតុដែលនាំឲ្យមានជម្លោះក្នុងគ្រួសារខាងលើ ព្រោះតែនៅថ្ងៃកើតហេតុ ឪពុកម្តាយរបស់ជនបង្កបានផឹកស៊ីស្រវឹងទាំងពីរនាក់ប្តីប្រពន្ធ រហូតដល់ទាល់សម្តីខ្វែងគំនិតគ្នាហើយប្តីបានវាយប្រពន្ធសន្លប់ ។ ពេលនោះកូនប្រុសឃើញឪពុកវាយម្តាយខ្លួនសន្លប់ ក៏ខឹងហើយទាញកាំបិតទៅកាប់ឪពុក ចំក្បាល និងដៃខាងឆ្វេងជាច្រើនកាំបិត រងរបួសធ្ងន់ធ្ងរ ។
ជនរងគ្រោះមាន ឈ្មោះ រៀម សម្បត្តិ ភេទប្រុស អាយុ៥២ឆ្នាំ ជនជាតិខ្មែរ ត្រូវជាប្តី រងរបួសធ្ងន់ បានបញ្ចូនទៅមន្ទីពេទ្យចំណែកប្រពន្ធដែលត្រូវប្តីវាយសន្លប់មានឈ្មោះ កូយ ទាន់ ភេទស្រី អាយុ៤៣ឆ្នាំ ជនជាតិព្នង ហើយជនដៃដល់ដែលត្រូវជាកូនមាន ឈ្មោះ ផ្សោត សាវិន ភេទប្រុស អាយុ២២ឆ្នាំ ជនជាតិភាគតិចព្នង ត្រូវជាកូនចុងជនរងគ្រោះ ៕
ចែករំលែកព័តមាននេះ